PHILIPPE DE VALOIS RETOURNE A PARIS

Or vous parlerons ung petit de Testât du roy de France et comment il se partirent de Buironfosse.

Che venredy au soir retourna le roy Phelippe à son logis , tout courouchiës , et dist , sycomrae je oy compter depuis , que il salleroit tous ses amis pour ung denier de pain , et estoit en sy grant mautalent de che que on n'estoit combatu , que appaines l'en povoit-on rapuisier. Finablement quant il eult assés fronchiet , on le rapaisa , et ly dirent ceiilx qui plus privés et amis estoient de luy , que il avoit fait très-vaillaument , car il avoit ses ennemis chaciet et bouté hors du royalme , et, à tout considérer , le roy d'Engleterre n'avoit riens fait fors que perdre son temps et aluet son argent , et qu'il lui convenroit faire beaucop de telles armées , anchois que il euist conquist le royalme de Franche, et que par feu et fumières jamais ne le conquerroit. Sy donna ledit roy au matin le semmedy congiet à toutes ses gens, et s'en vint le dit roy à Saint-Quentin et là se tint plus de quinze jours. Sy envoia messire Godemar du Fay, ung moult saige chevalier , devers la cité de Tournay pour garder le pais , car très adont se doubtoit-iî des Flamens , et avec luy grant foison de gens d'armes, et envoia encores dedens le castel et ville de Mortaigne-sur-l'Escault monseigneur Édouart de Bcaugeu et ensy par toutes les villes et fortrèches marchisans à l'Empire. Et quant il eult tout fait et ordonnet , il se tira envers Paris.

Depuis ordonna le roy Phelippe gens d'armes sur les frontières d'Engleterre et sur la mer , et ou païs de Normendie grant navire où il avoit grant foison de Genevois et de Normans , desquels Barbevaire et messire Hues Kiérès et Bahucès estoient patrons et gouverneur.

76 SAC d'hampton.

Sy estoient bien ces escumeurs de mer soixante mille hommes, et firent moult de destourbiers à marchans allans et venant en Flandres. Et alèrent ung jour courir en Engleterre et prirent terre ou havre de Hantone, et furent seigneur de la ville ung jour et le coururent toute et ardirent, et ochirent grant foison d'hommes et de femmes et d'enfans, et puis se retrairent en la mer ; et de le destruction de Hantone fut le roy d' Engleterre moult courouchiés quant il seult les nouvelles, et dist que cel outraige il leur seroit encore chièrement rendut , ensy qu'il fist , sycomme vous orés recorder temprement.

Or parlerons du roy d'Engleterre , qui estoit en la ville de Gaud.

Après ce que le roy d'Engleterre eult fait celle armée en France , sycomme chy-dessus est dit , et que toute ses gens se furent départy et chascun râlé à son lieu , il s'en vint en la ville de Gant oii madame sa femme se tenoit , et là eult pluiseurs consaulx et parlemens as Flamens , et toudis contoit ses affaires à Jaques de Hartevelle , qui estoit son compère et grans amis , et qui avoit en la main tous les Flamens pour faire sa voUenté. Le roy d'Engleterre avoit intention de retourner chel yvièr en son païs et sur l'esté retourner atout grant foison de gens d'armes et d'archiers et de venir aségier la cité de Tournay , et tout che dist-il à Jaques d'Artevelle , qui bien estoit de son acort.

Les Flamens , qui par samblant aimoient moult le roy d'Engleterre , luy dirent ung jour : « Sire roys , se « vous voilés parfaitement avoir l'amour de nous et le « serviche sur le royalme de Franche , sy enchergiés