SAC
les bailla au roy de Franche , qui n'en fist que rire , et dist , quant il les vey , que ses neveu estoit ung fols. Le conte de Blois , qui estoit là présent et qui tenoit grant hiretaige en Haynau (la terre d'Avesne et de Landrechie), et qui cousins germains estoit au conte de Haynau , deus fois de père et de mère , renvoya ses hommaiges audit conte et demoura franchois et delés le roy Phelippes son oncle : che fu rayson , car il estoit ung des pers de France.
Osy tost que l'abbé de Crespin fu retournés en Haynau et il eut dit et compté au conte de Haynau comment il avoit esploitiet, le conte fut tous prouveus de faire son emprise , et fist ung grant mandement de gentils hommes et chevaliers, et s'asamblèrent tous en la ville de Mons , et puis s'en partirent, et chevauchèrent fort devers Chiraay et firent tant que il vinrent devant Aubenton. En la ville d'Aubeuton en Terrasse estoient en garnison le vydame de Chalon, ung moult vaillant chevalier, et ses deus fils, jones escuiers, et le sire de Vrevin. Adont s'ordonnèrent les Haynuiers tout autour, et se mirent en arroy pour assallir la ville. Là avoit bien cinq cens lances de Brabant que ly duc y avoit envoiet pour conforter son fils. Sy firent ces gens d'armes trois assauls grans de gens bien estoffés. Se y eult pluiseurs gens blechiés de dedens et dehors, et finablement les Haynuiers se esploitèrent tant et sy bien que de forche il entrèrent en la ville et le conquirent, et se retrairent tous les gentils hommes en la plache devant le moustier et là se mirent à deffense bien vaillaument , et là fist le vidâmes de Chalon ses deus fils chevaliers. Messire Jehan de Beaumont , sire de Vervin, n'osa deraorer, mais monta à cheval le plus
d'aubenton. 85
tost qu'il pot, et pristle chemin de Vervin et vint à son chastel ; car bien savoit , se raessire Jehan de Haynau le tenoit , que il l'ociroit sans raenchon, tant fort le hayoit pour ce qu'il avoit ars ses terres. Messire Jehan de Haynau entendy que le sire de Vervin s'enfuioit. Sy se party d'Aubenton, montés sur ung coursier, et toutes ses gens après luy, qui en eurent congnoissauce.
Entre Aubenton et Vervin, à deus lieues près, si vous dy que sur le chemin de Vervin avoit pluiseurs gens d'Aubenton , mais tous ceulx qui furent trouvé sur les chemins , eurent dur encontre ; car' les Haynuiers les abatoient et les ochioient sans pité. Sy dura ceste chasse jusques à portes de Vervin, et se sauva le sire de Vervin par le bonté de son cousier , ne oncques ne fu ratains. Lors retourna messire Jehan de Haynau moult courouchiés, quant il vit que il n'aroit autre chose.
Le vidame de Chalon et celui de Moretestoientenla ville d'Aubenton , qui se recuellèrent en la place devant le moustier et se combatirent assés vaillaument as Hennuiers che que durer peurent ; mais che ne fu point plenté. Là fu pris le vidame , et ses deus fils ochis, et plus de deux cens d'autres , et fut toute la ville pillie, qui estoit grande et grosse et bien marchande et remplie de drapperie , et puis fu toute arse et exillie.
Adont se partirent les Haynuyers et vinrent à l'endemain à Maubier-Fontaines et là se logièrent. A leur département , la ville fu toute arse , et le pays d'environ tout gastés ; puis vinrent à Signy-le-Grant et à Signy-le- Petit , et livra au chastel ung assault, et fu laiens Bauduiu de Beaufort , ung escuier d'onneur et appert homme d'armes durement, [et] eult le bras rompus , et le convint depuis chevauchier en litière.
Ensy se portèrent le conte de 'Haynau et le sire de
