ARMEMENTS DU DUC DE NORMAISDIË

« que vous vores avoir, et chemines deviens Haynau et « contrevengiés sur mon nepveu les despis que il nous a « fait, et ne déportés ville, ne hamel : mettes tout en feu et « en flame , et , se nulle assamblée se fait contre vous de « gens d'armes , sy m'en escripsiés. Je y envoyerai tantost « tant de gens que pour combatre tous venans. »

A ches parolles obéy le duc de Normendie moult vollentiers ; car ossy il désiroit grandement à venir en Haynau et visseter le pais , car point n'aimoit son cousin le conte de Haynau. Adont fist ung mandement très-graut à estre en la ville de Saint-Quentin. Tost furent venus tous cheulx que mandé avoit. Il partirent de Saint-Quentin et s'en vinrent devers Bouçain pour venir vers le Chastel-en-Cambrésis ; car par ce costé voloient-il entrer en Haynau , et estoient bien dix mille combatans. Sy vinrent sy avant qu'il passèrent le Chastel-en-Cambrésis , et se logèrent à Montais à l'entrée de Haynau.

En che tamps ayoit ung sénescal en Haynau , qui s'appelloit messires Gérart , appert homme et bon chevalier. Sy se tenoit en garnison au Quennoy, et entendy par ses espies que le duc de Normendie estoit party de Saint- Quentin atout grant armée et s'en venoiten Haynau. Sy se avisa le dit sénescal que la première nuit que il y logeroient, il resveilleroit l'ost de grant fachon. Sy se party tout secrètementdu Quennoy atoutcenthommes d'armes tant seullement, et chevauchèrent de nuit et vinrent à Forest assés près de là où les Franchois estoient logiés. Et pour che que en che temps il faisoit brun et qu'il peuissent mieulx congnoistre l'un l'autre, il vestirent chascun sur leur harnast ung blanc vestement , et puis chevauchèrent tout souef et sy avant qu'ils entrèrent en la ville de Montais , sans che qu'il