SUPPLICE DU COMTE DE LANCASTRE
que on parloit et murmuroit vilainement sur luj et sur son père , sy en fut durement courouchiés , et enorta et consilla tellement le roy que ung jour , en plain consail , ens ou palais de Wesmonstre dehors Londres , ly rois en fist prendre vingt-deux, tous des plus hauls barons d'Engleterre, et là décoller sans loy et sans jugement, et par espécial son bon oncle le conte Thomas de Lenclastre, dont ce fut grant pité , car nus ne l'avoit déservy ; mais nuls n'en osoit parler du contraire. Et avoit à che dont le roy d'Engleterre un frère, que on appelloit le conte Ammont de Kent, qui en fut aussi en grant aventure ; mais messires Hues le Despensier sy ne parosa sy descouvertement à ce jour faire ses emprises.
Depuis ne dem.oura gaires de temps que, par l'enort de ce messire Hue le Despensier , le roy d'Engleterre prist sy grant haine à madame sa femme et au conte de Kent , son frère , qui fut preudons et vaillans hons, que, se il les euist tenus, il les euist fait morir. Et convint la bonne dame royne Ysabel et son jovène fil et le conte de Kent et monsigneur Rogier de Mortemer partir secrètement et yssir hors d'Engleterre, et s'en vinrent en France devers le roy Charles qui frère estoit à Ja dame et qui régnoit pour ce temps , qui moult doucement et moult liement à ce commenchement les'rechupt et les retint delés luy pour l'amour de sa seur et de son nepveu le jovène Edouart , et furent à Paris l'espasse de trois ans. Là en dedens se pourcacha la bonne dame, et pria aucuns barons et chevaliers dou roialme de France pour luy aidier à ramener et conduire en Engleterre et de luy vengier du Despensier , qui ce contraire luy avoit porté ; et fist tant que elle ot
LA REIINE DA^GLETERRE FUIT E^ FRA^Cl:. t
bien cinq cens chevaliers et escuiers tout apparliet à son commandement et du consentement du roy. Car ossy aucuns barons et chevaliers d'Engleterre et consauls des bonnes villes , qui haioient che Despensier , li avoient sénefié secrètement, que, se elle povoit tant exploitier que elle peuist amener en Engleterre jusques à mille lances, parmy le confort que elle y trouveroit, elle revenroit à son entente et destruiroit ses anemis. Et messires Hues le Despensier qui entendy que la royne d'Engleterre se pourvéoit de gens d'armes pour amener en Engleterre et par l'acort de son frère le roy Charles, se y prouvey grandement de remède sur ce : je vous diray comment. Car il avoit tant d'or et d'argent comme il volloit ; car tout le roialme d'Engleterre estoit subgès à luy. Il fist tant et donna tant du sien et l'envoia à ceulx qui le roy de France gouvernoient et par lequel consail il faisoit tout, que tout il furent retourné et le roy tellement infourmès contre sa seur que il commanda sur le hart que il ne fust chevaUer , ne escuiers qui se partesist de son royalme pour aleren Engleterre à l'ayde de sa seur. Et quant la bonne dame cuida avoir gens d'armes, elle n'en eult nul ; mais le convint partir et vidier le royalme et se compaignie, et s'en vint en Haynau au plus tost que elle pot et trouva en la ville de Valencienne le bon conte Guillame de Haynau et monsigneur Jehan de Haynau son frère, auxquels elle raconta en pleurant toutes ses mésaventures et ses fortunes et comment elle estoit enchacie du roy son marit par l'ennort d'un chevalier qui s'appelle messire Hues le Despensier. Adont ly doy vaillant seigneur le resconfortèrent, et dist le conte que il luy bailleroit vollentier trois ou quatre cens lances pour faire che voiage, et là s'y offrirent grant plenté de chevaliers, et s'offry che gentil messire Jehan de Haynau à estre saudoiers pour la dame et meneurs et chief de ses gens d'armes : duquel
