LE DUC DE NORMANDIE

bonne ville de Bavay , et puis Sebourcq et Sebourquiel , Wargny, Gomegnies, Preus , Bry et Soullettes, Samous , Villers , Presiel , Erraasval, plus de soixante villes et villaiges , et s'en vinrent les Franchois logier sur la rivière d'Umtiel. Che fu environ l'Asension , l'an mil IIIc. XL que le duc de Normendie ardy ensy Haynau , et se logèrent devant le Quesnoy et avisèrent se il y pouroient riens conquerre. Sy le virent trop forte, et s'en retournèrent les dis coureus devers le duc de Normendie , qui estoit logiés sur la rivière d'Umtiel , entre Semeries et Pris. A l'endemain ses gens ardirent Bermeraing et Vertaing , Calaumes et grant foison de villaiges quy là estoient , et Faulraars et Auburit. Et s'en vint le duc logier sur le montde Castres à deray-lieue de Valenchiennes, et là ordonna ses batailles ; car on luy dit que cheulx de Vallenchiennes le venroient combatre , car tant orguilleus et présumptueus estoient , et le duc les eult veu vollentiers. Quant il eult là esté l'espasse de cinq heures et qu'il vey que nul ne venoit, il envoia le connestable de Franche et sou raarisal atout cinq cens hommes d'armes courir devant Valenchiennes, etvinrent de chy à bailles de la ville.

A che jour estoient en la ville de Vallenchienne le conte de Warvich et le conte de Kenfort, que le roy d'Engleterre avoit laissiet à Gand delés madame sa femme. Si estoient venu à Vallenchiennes pour la cause de ce que on avoit entendu que le duc de Normendie se venoit tenir celle part. Ches deus chevaliers, avecque la communalté de la ville , euissent trop vollentiers veu que on fust vidiet contre eulx, et que on euist recueilliet cheux qui estoient venut jusques à bailles ; mais messire Henri d'Anthoing, qui pour le temps estoit gardiens de Valenchienne de par monseigneur Jehan de Haynau, ne le veult oncques consentir, et dist et jura que jà personne n'en ysteroit, et fist faire