TRAHISON DE GÉRARD DE SASSEGNIES
garnison de Bouchaiu passèrent oultre vers Aubenchuel, et ardirent en Artois et en Cambrésis grant foison de villes et de villaiges , et puis s'en retournèrent sans dangiers. Ensy couroient ung jour les Haynuiers sur les Franchois, et les Franchois sur les Haynuiers.
En che temps estoit cappitaine du chastel d'Escauduevresur-l'Escault , à une bonne lieue de Cambray , messire Gérart de Sassegnies , par l'ordonnance de messire Jehan de Haynau , qui avoit le gouvernement de la conté de Haynau , entreulx que son nepveu le conte estoit en Engleterre , sycomme chy-dessus est dit. Je ne say comment il avint , ne par quelle procuration che fut fait, mais il vendy le dit chastel et le livra as Franchois , et fu pris le dit chevalier de ceux de Thun à l'issir hors de Cambray , où il avoit l'argent avoecq luy. Se fu amenés à Mons en Haynau, et là fut justichiés, et ung sien escuier avoecq luy , qui avoit consenti le mal à faire. De le prise du chastel d'Escaudeure furent les Haynuiers moult courouchiés ; car cheulx de Cambray l'abatirent rés-à-rés de terre et enmenèrent la pierre à leur ville et en firent faire deux de leur portes , le porte Robert et une aultre.
En che taraps que le duc de Normendie séjournoit à Cambray , se tenoit le dit évesque de Cambray delés luy , et se complaindoit souvent à lui des Haynuiers , et di^pit ensy que le conte de Haynau et ses gens avoient fait plus de daraaige au pais de Cambrésis et à la cité de Cambray que ne fist le roy d'Engleterre , syque, parmy l'information de l'évesque , le duc de Normendie se party
SIÈGE DE THUN-l'ÉVÊQUE. 93
ung jour avoecques toutes ses gens et s'en vint mettre le siège devant Thun-l'Évesque , que les Haynuiers tenoient , de laquelle fortresse estoit cappitaine ung gentil chevalier, vaillant homme d'armes, et avoecques luy avoit pluiseur bons escuiers de Haynau , qui vaillaument et hardiement s'y portèrent. Ledit duc assëga le ehastel de Thun au lés devers Ostrevant, et y fîst mener tous les gros engiens de Cambray et de Douay et lever pardevant le dit ehastel. Et jettoient nuit et jour pierres de fais et tant que tout le comble de le fortresche fut tout abatut , et n'y avoit mais riens que les parois , et se tenoient ens es cheliers ; ne oncques on ne vit gens plus vaillaument tenir et souffrir chou que cheux de Thun souffrirent , car encore pour eulx plus grever et enpunaysier, ceulx du dehors faisoient jetter par leur grans engiens chevaus et bestes mortes. Che les grevoit plus que autres choses. En cel dangier furent-il bien ung mois.
Or revint le conte de Haynau en son pays, qui moult avoit esté désirés. Sy trestot que il sceut les nouvelles que le dit son cousin et les Franchois avoient ars et gasté son païs, sy en fu durement courouciés et dist que chièrement le comparoient, se longement vivoit, et qu'il venroit lever le siège de devant Thun et conforter ses bonnes gens, qui sy vaillaument là se tenoient. Sy s'en alla le conte en Brabant et en Flandres, et [tant] fîst que le duc de Brabant et Jaques de Hartevelle et tous les Flamens li eurent couvent de luy aydier et de venir avecques luy devant Thun et combatre les Franchois. Sy escripsy encore le conte au duc de Gueldre, au conte de JuUers, au conte des Mons et au conte de Naraur et à tous ses amis, avec lesquels il avoit grant alianches, que à che besoing il ne [luy] volsissent point fallir. Tous ces seigneurs furent prests de luy servir, et s'en vinrent eulx et leur gens, et se partirent de leur pays et vinrent en
Haynau et jusques à Valenchiennes, et là vint Jaques de Hartevelle atout soixante mille Flamens. Sy passèrent tout outre , et s'en vinrent logier outre l'Escault contre les Franchois. Sy avoit en l'ost du dit conte plus de cent milles testes armées. Et quant cheulx de la garnison de Thun, qui sy apressés estoient, virent leurs gens venir, adont furent tous resjoïs. Et avint que le conte, pour eulx oster de che péril, envoya escharmuchier l'ost et ensoingnier ; et entreulx messire Richart et les autres partirent de Thun le castel, et se mirent en nacelles, que on leur envoya sur l'Escault. Sy vinrent en l'ost et laissèrent leur fortresse ; mais au partir ils boutèrent le feu dedens, qui tout pardestruisit.
Le conte de Haynau et toutes ses gens chy-dessus nommés se tinrent ung grant tamps contre les Franchois, et euissent vollentiers veu que on les euist combatus. Il ne désiroient autre chose, et en estoit le conte moult engrant pour la cause de che que il gisoit là à grant frait. Le duc de Normendie d'autre part luy faisoit che destry tout de gré pour le cause de che que il volloit son cousin le dit conte apouverir. Et envoia le dit conte pluiseurs fois à François requérir journée de bataille, mais les mesaigiers estoient toudis respondu si couvertement, que on ne se savoit sur quoy apoier. Ensy se destrièrent-il l'un de l'autre: dont il avint que par droite convenanche le conte de Haynau se desloga et se retrait en Haynau et donna tous ses gens congiet.
En che temps estoit sur mer le roy d'Engleterre atout quatre mille hommes d'armes et huit mille archiers, bien pourveus de barges et de nefs, et party de son pais en instanche de che que pour ariver en Flandres, ensy que promis l'avoit au partir, pour venir devant Tournay. Sa
DE l'Écluse. 95
venue savoient bien les Normans et les grosses naives du roy de Franche, qui toute la saison avoient vaucré sur mer. Sy estoient ancres et ares tés devant l'Escluse, en instanche de che que pour atendre la venue du roy d'Engleterre, et estoient plus de quarante raille hommes, Genevois et Normans et Picars, tout escumeurs de mer ; car bien savoient que en celle saison il devoit venir en Flandres. Le roy d'Engleterre, comme vaillans homs et de grant emprise, quant il se party de son pais, savoit bien que ches gens de mer l'atendoient et que il les trouveroit, et sy ne volt mie refuser pour che, ne que son voiage fust brisiés, mais se mist sur mer bien et hardiement , et trouva ancrés devant l'Escluse, entre Blancqueberge et Quaisant, les dessus dit escumeurs, qui estoient mis en agait et en grant ordonnanche, et qui bien le cuidoient par bataille desconfîre et atrapper. Sy entra le vaillant roy entre eulx très-hardiement, et point ne les resoingna, non plus que il euist grant peuple avecque luy. Là ot grant bataille et dure et qui longement dura, et fait pluiseurs grans proesses d'armes, et y convint le roy d'Engleterre et "les bons chevaliers et escuiers de son royalme souffrir moult de paine. Touttesfois fînablement par la grâce de Dieu il obtint la plache, et furent tout ces Normans et leur sexte desconfis, mors ou noyés, et messire Hues Kières et Bahucès leur patron mors et mis à bort. Sy se sauva Barbevaire, Marans et Mestriel, et entrèrent en une barge, quant il virent le desconfiture. Che fut une moult belle journée pour le roy d'Engleterre ; car il mist là à fin plus de quarante mille hommes, qui tant avoient fait de mal sur la mer que sans nombre, ne il n'estoit nul marchans qui devant ceste bataille osast aler sur mer. A ceste desconfiture parfaire, vinrent les Flamens du Francq de Bruges, de Noef-Port et du pays environ, qui grandement aydèrent le roy d'Engleterre et le
rafresquirent en sa bataille, laquelle bataille fu l'an de grâce Nostre-Seigneur mil IIP. et XL , la nuit Saint- Jehan-Baptiste.
A celle nuit et tout le jour Saint- Jehan-Baptiste, se tint le dit roy d'Engleterre en grant revel en sa navire devant l'Escluse. Au tierch jour il yssirent hors de leur vaissaulx et prirent terre. Sy s'en vint le dit roy, et le conte d'Erby, son cousin, et aulcun seigneur qui là estoient , tout à piet en pèlerinage à Nostre-Dame de Ardenbourc. Sy eult là belles offrandes. Tantost [fu] la venue du roy sceue en Flandres, en Brabant et en Haynau, et estoient ches seigneurs nouvellement party de Thun-l'Évesque. Si furent durement resjoïs du roy, de deus choses : la prumière pour la belle journée qu'il avoit euwe sur ses anemis, l'autre pour che que il avoit rapaset la mer. Sy vinrent contre luy à Gand, où jà estoit venus, et le conjoïrent douchement, et il ossy eulx. Là eulrent grant parlement ensamble et grans alianches, et par espécial entre Flandres et Haynau et Brabant, et sellèrent ces trois pays adont, l'un annexé dedens l'autre, pluiseurs grans conjonctions d'amours, qui depuis se sont mal tenu. Là fu ordonné que chascuns seigneur se retrairoit en son pays et regarderoit à ses besoignes, et tantost à la Madelaine chascun venroit avecques le dit roy mettre le siège devant Tournay. Sy se retray chascun sur cel estât, et se prouveirent au mieulx qu'il peurent.
Le roy de Franche, qui en che tamps se tenoit en la chité d'Aras, et qui bien savoit en partie l'emprise du roy d'Engleterre et de ses alyés, ne mist mie en oubly la bonne chité de Tournay , mais l'envoya rafresquir de bonnes gens d'armes, tels que le conte de Fois et ses deux frères, le conte Aymery de Narbonne, le connestable de Franche
