LÀ REINE RENTRE EN ANGLETERRE

serviche la bonne dame ot grant joie et en remerchia grandement les seigneurs.

Depuis ceste promesse et ordenance ne demoura mie grant tamps que messires Jehans de Haynau pria les compaignons, chevaliers et escuiers, de Haynau, dont il estoit le plus acoint, et fist tant que il ot bien trois cens armeures de fer, vaillans hommes, chevaliers et escuiers, et fist faire ses prouvéances à Dourdrec en Hollande ; et quant tout fut fait , il prist congiet au conte Guillame son frère et à madame la contesse sa seur , et osy fist la bonne royne d'Engleterre, qui se metoit au conduit de che gentil chevalier dessus nommé. Sy exploitèrent tant par leurs journées que il arivèrent à Dourdrec, et là montèrent en mer. Quant il orent vent propise, il se partirent pour aller devers Engleterre et cuider arriver en ung port en Engleterre ; mais ly vent leur fu sy contraire que il n'y pourent venir , ne à cent lieues près, et de che leur fist Dieu belle grâce ; car, se il y fussent là arivé , il eussent esté perdu davantaige. Car messires Hues le Despensier, qui savoit tout le convin et le conduite de la dame et comment à gens d'armes elle volloit venir ou païs , avoit prouveu sur le passaige plus de dix mille hommes qui tous estoient aparliet de • mettre à l'espée la royne d'Engleterre , son fils et tous les autres, sans nulluy prendre à merchy ; mais fortune les fist ariver sur le sablon en ung moult sauvaige et moult «livers païs, et se logèrent ce premier jour ens es bruières et ne savoient où il estoient arivés. Quant che vint à l'endemain , il chevauchèrent tant à mont et à val que ils trouvèrent aucun hamel et gens dedens qui leur dirent où il estoient d'aventure , syqu'il vinrent ce jour à une