PRISE DE BREST
grant baron , messire Hervi de Lion. Néantmains le conte tint sa feste au mieulx et au plus bellement qu'il peult des gens qu'il eult , et s'avisa que tantost et caudement il metteroit gens d'armes sus , et yroit conquerre tout le demorant du pais et constraindre tous rebelles. Ensy qu'il le pourposa , il le fist , et assambla tous ceulx dont il se povoit aydier, et se tray hors de Nantes et alla devers ung fort chastel séant sur la mer , qui s'apelloit Braist , dont messire Garnier de Clisson , ung moult gentil chevalier et vaillant , estoit cappitaine , cousins au duc nouvellement mort et à le femme monseigneur Charles de Blois. Et disoit bien chils chevaliers que jà n'obéiroit au conte de Moufort , inais garderoit la ville et le chastel de Braist pour l'iretière le femme de monseigneur Charle de Blois.
Tant esploita le conte de Monfort à toute son host , où bien avoit XII" hommes , que uns , que aultres , qu'il vint devant la ville et mist le siège et le fist fort assallir de tous lés , et messire Gernier et ceulx de dedens se deflfendirent. Sy furent là ly barons et les sauldoiers du conte bien VII jours que riens ne firent. Au VHP jour avint que, à une grande escarmuche, qui fut devant les barières, messire Garnier de Clichon et ses gens yssirent hors de la porte et se combatirent moult vaillaument et recullèrent de commenchement les gens du conte ; mais ils raouteplièrent sy que de forche ils furent sy fort reboutés vers la fortresche à grant meschief. Le gentil chevalier ne voUoit mies estre des prumiers rentrant , mais se tenoit tout darrains : si se combatoit de l'espée moult vaillaument , et demora tant en luy combatant sur le rive que ses gens rentrèrent en le fortresche et avallèrent le traille , et demoura ledit chevalier dehors , et là fut-il assaillis de grant manière , et il se defiendy de grant
i08 PRISE DE RENNES.
couraige ; et pour luy aidier et remettre par desoubs le traille dedens le chastiel , il gettoieiit d'amont pierres et traioient quairaulx , et firent tant que messire Garniers fut remis dedens , mais che fut à grant meschief , et eult plus de quatorze plaies. Si se retrairent tantost Tune partie et l'autre. Des naverures que messire Graniers [ot, il]en morut au septième jour. Sy le sceut le conte de Monfort; sy en fu durement joieulx, et cheulx dedens trop fort courchiet, et leur convint par chelle voie rendre leur fortresche, et en prist le saisine le conte de Monfort, et mist gens de par luy pour le garder et ung chevalier [en] qui moult se fioit, àcastellain,et puis se desloga de là et s'en al a atout son ost devant la cité de Rennes.
A tant esploita lecdit conte de Monfort qu'il vint devant la cité de Rennes , qui tantost se clouy , et firent grant samblant pour eulx tenir et defFendre. Et avoient pris à cappitaine ung chevalier qui estoit des marches de là , qui s'appelloit messire Henry de Pennefort , vaillant homme. Quant le conte fut venus devant Rennes , il l'aséga , car il menoit grant gens après luy , et le fist assalir ; mais jamais ne l'euist eut , se n'euist esté par l'outraige de leur cappitaine. Car ung jour , il s'en party atout IIIc compaignons et vint assaillir l'ost. Sy fu au retour entre l'ost et le chité enclos de messire Hervi de Lion , qui avoit fait le gait . et là fu prins, et tout cheulx , qui avecques luy issyrent , estoient ou mort ou prins en la plache et amenât en l'ost dudit conte et en sa tente , qui en ot grant joie , quant il vey le capitaine de la ville. Se dist le conte que il le feroit pendre près de la cité , et fist lever unes fourques droit devant les fossés et amener le capitaine , et fist asavoir à ceulx de Rennes que on penderoit sans
t>RlSE D HENNEBONT.
tCK»
merchy leur capitaine , se il ne rendoient la ville. Et quant les bourgois de la ville de Rennes veirent que on voUoit pendre leur capitaine, et qu'il ne veoient nul secours qu'il leur venist de nul costé , il furent tous esbahis. Sy se consillèrent entre eulx que il ne volloient point perdre le chevalier qui tant de biens leur avoit fait. Alors se rendirent et se mirent en l'obéisance du conte et luy jurèrent foy et loyaulté à tenir de che jour en avant. Lors y entra ledit conte et toutes ses gens, et s'y reposèrent deux jours. Easy eult le conte de Monfort la bonne cité de Rennes, et puis s'en party et chevauça vers la ville de Hambon.
De Hambon estoit gardes et souverain de la ville Olivier de Pennefort, frère germain à monseigneur Henry. Quant messire Henry sceut que on se tiroit celle part , sy se doubta de son frère, lequel il le sentoit bon home d'armes , et que il ne se fist ochire à l'escarmuche et issir follement hors contre eulx. Sy dit audit conte : « Monseigneur, j'en- « tens que vous chevauchiés devers Hambon pour l'avoir. « Saciés que Hambon est inprenable ; mais je y ay ung « frère qui est capitaine, qui s'apelle Olivier. Bailliés-moy « de vos gens ; je y chevaucheray. Je cuide tel atourner « mon frère que nous arons bien la ville de Hambon à pau « défait. » — « Par ma foy, respondy le conte, sire Henry, « vous dites bien ; et, se parlés loyaument, de che jour en « avant adjousteray foy en Vous. Sy prendés de mes gens « che que bon vous en samble. »
Lors se départy ledit messire Henry de l'ost , à trois cens lanches , et allèrent devant, et fist tant que il vint à Hambon. Olivier de Pennefort eiitendy que son frère veuoit. Sy en eult grant joie , et cuida que che fust pour luy conforter. Sy monta tantost à cheval, et fist ouvrir les portés,
