SUITE DES SUCCÈS DE JEAN DE MONTFORT

et yssy contre luy et le trouva sur les camps. Ossy tost que messire Henry vey son frère , sy se traist vers luy et le prist par le main , tout en riant , et lui dit : « Mon « frère , vous estes mon prisonnier ; et encores vault-il « mieus que vous le soyés que à ung autre. » — « Coma ment? dist Olivier; estes-vous de le partie de Monfort? » — « Oïl , che respondy messire Henry , car de force ce « m'a convenut estre , et vous le serés ossy ; car c'est « ung gentil chevalier, et sy se rent tout le pais à luy. a Nous ne povons mie seul faire partie pour monseigneur « Charle , qui point n'apert en che pais. » Tant parla et sermonna son frère que ledit Olivier se converty d'estre de le partie de Monfort , et rechut ledit conte à seigneur et luy fist féaulté et hommaige et le mist en la forte ville de Hambon. Sy y demoura Olivier souverain, et y mist le conte gardes de par lui.

Alors se party le conte , et ala devant Vennes , qui ossy se rendy , et de là il s'en vint devant le chastel de Rochepériot. Sy en estoit chastelain ung gentil chevalier , qui s'appelloit messire Olivier de Cliçon , cousin germain au sire de Clichon, qui dist bien, quant le conte fu là venus devant le chastel , que jà ne obéiroit à luy et que il ne tenoit autre seigneur hiretier en Bretaigne fors messire Charles de Blois et madame sa femme.

Le conte de Monfort fut devant ledit chastel quinze jours et y livra pluiseurs assaulx ; mais il n'y fist riens , dont se party de là et s'en ala devant ung autre chastel à dix lieues de là , que on apelloit Auroy, que le roy Artus fist jadis fonder et faire. De che chastiel d'Auroy , qui est bel et fort , estoient gardien et souverains messire Joffrois de Malatray et messire Yvons de Thingry , qui de prumiera

JEAN DE MONTFORT EN ANGLETERRE. ill

estoient en bonne vollenté de bien tenir et garder le fortresche, et en firent grant samblant ; car de cinq ou six assaulx qu'il eurent , on ne les peut oncques adamagier. Lors furent prises une trièves par le consail de messire Henry de Lion , qui estoit du consail du conte , et vinrent les deux chevaliers en l'ost parler au conte et à son consail sur aseuranches. En che parlement y fut tant parlementé , que il s'acordèrent à estre de le partie du conte , et lui firent serment et homaige de ce jour en avant , et demoura ledit chastiel d'Auroy en la possession et saisine dudit conte , et puis passa oultre , et se trait devers ung autre fort chastiel que on apelloit Goy-le-Foriest. Cheluy qui chastelain en estoit , veoit que le conte avoit grant ost et que tout le pais se rendoit à lui. Sy se rendy et devint homme audit conte.

En après ils s'en allèrent devant une chité que on apelle Craais. Sy y estoit l'évesque du lieu et l'avoit en signourie. Chils estoit oncles de messire Henry de Lion, syque, par le traitié de luy, il ouvry la cité à la venue du conte et le rechut à seigneur , par ordonnanche telle que, se ung autre venoit ou pays , qui plus grant droit monstrast à l'iretaige que le conte n'euist, il est quite de sa foy et de son hommaige. Ensy le rechut le conte, ne oncques l'évesque n'en veult faire autre chose. Tant s'esploita le conte de Monfort que il conquist tout le pais. Bien pou de villes et de chasteaux y demourèrent qu'il ne furent en son obéissance.

Quant le conte de Monfort eult tout ce fait et qu'il se senty au dessus de ses besongnes, il s'en vint en la ville de Grède, ung bon port sur la mer, et là entra en navire, luy XX« de chevaliers, et fist tant qu'il ariva en Engleterre. Sy demanda après le roy d'Engleterre, et on luy dist que il

iiâ JEAN DE MONTFORT EST CITÉ

estoit à Windesore. Sy chevauca tant celle part, que il vint devers le roy, et quant il seult le venue de luy, il lui fist grant cliière et bon samblant, et encore plus quant il sceut qu'il estoit là venu pour luy faire homaige et relever la duché de Bretaigne de luy. Sy en prist le roy le foy et l'oramaige dudit conte de Monfort, et le roy luy jura que il ly aideroit à porter oultre et deffendroit contre tout homme, et en fut le roy moult joieulx, pour ce que le pais de Bretaigne lui estoit une belle entrée et moult proufitable pour luy pour entrer ou royalme de France. Après ces coses faites et cel homaige pris , le conte de Monfort prist congiet et donna de moult beaulx joieaulx aux seigneurs, chevaliers et autres, et lors il retourna en Bretaigne devers madame la contesse sa femme, et s'en vint séjourner en la cité de Nantes.

Les nouvelles de grant temps estoient venues au roy Phelippe et à monseigneur Caries de Blois , qui tenoit à estre le droit hiritiers de Bretaigne, comment le conte de Monfort prendoit en Bretaigne cités, villes et chastieaulx et metoit en son obéisanche ; et tout ce soufroit le roy, car bien savoit que tos l'aroit amendé, quant il volroit, et voloit ledit conte du tout par droit et le jugement des pers de Franche condampner en son tort.

Or advint autres nouvelles au roy et à monseigneur Charles de Blois, qui plus luy donnèrent à penser ; car il leur fut dit que ledit conte de Monfort avoit esté en Engleterre devers le roy relever la ducé de Bretaigne et les appartenances du roy d'Engleterre, que faire ne povoit, ne devoit, dont trop grandement s'estoit meffais. Sy eult le dit roy Phelippes avis et consail sur che que le conte de Monfort seroit mandés, ensy qu'il fut, par sergans d'armes

DEVANT LA COUR DES PAIRS. Ho

du roy, qui esploitèrent tant qu'il vinrent en la cité de Nantes, où il trouvèrent le dit conte de Monfort, auquel il monstrèrent leurs lettres. Le conte les rechut grandement et lieraent, et lisy les lettres du roy, et respondy tost, et dist que il yroit volontiers et que il estoit tenus de obéir à son naturel seigneur le roy de France. Sy se pourvey bien, ensy que à luy apartenoit, et se party de Nantes ; mais sachiés que clie fut tout outre le consail de madame sa femme, car, se il l'euist crut, il n'y fust jà entrés . Toutesfois il fist tant que il vint à Paris, bien acompaignés de chevaliers et d'escuiers.

Quant on entendy que le conte de Monfort venu estoit, on en fu tout resjoïs, et à le cause de luy le roy avoit mandé tous les plus espéciaulx de son conseil, et le second jour que le conte fu venus à Paris, il s'en vint ou palais devers le roy et les barons qui là l'atendoient, et entra en une cambre où estoient le roy et messire Charle de Blois, son nepveu, le duc de Bourgogne, le duc de Normendie et grant plenté de seigneurs. Sy les enclina tous ledit conte, et fut moult regardés des uns et des autres, quant là dedens il entra.

Le conte s'en vint devant le ro)' et s'agenoulla et lui dist : « Monseigneur, vous m'avés mandé, et je suis venus à vostre « mant.» — «C'est voirs, dist le roy. Conte, deche vous sai-je « bon gré, mais je m'esmerveille moult pourquoy, ne com- « ment vous avés esté entreprendre de vostre voUenté le « gouvernement de la ducé de Bretaigne, où vous n'avés « nul droit ; car il y a plus prochain de vous, que vous « voilés déshireter, et pour vous enforchier, vous estes aies u devers nostre adversaire le roy d'Engleterre, et avés « ladite ducé relevé de luy et fait féaulté et hommaige, « ensy que on le m'a conté. » Le conte dist : « Ha! sire, ne « le créés pas ; car vraiement vous estes de che mal infor-