JEAN DE MONTFORT PRISONNIER

ville. Alors les François se partirent et cheminèrent tant que il virent la cité de Nantes. Sy le aségèrent tout autour , car bien estoient gens pour che faire ; et le conte de Monfort et messire Henry de Lion , qui se tenoient en la cité , n'en furent de riens effraies , car il estoient gens fors assés pour eulx deffendre et tenir.

Or advint que ledit messire Henry , qui moult désiroit les armes , yssy hors une matinée atout deux cens compaignons des plus soufisans, et yssirent par une posterne , et vinrent resvillier l'ost, et, au retour qu'il firent, il encontrèrent XV sommiers chergiés de prouvéanches quivenoient en l'ost. Sy les vorent faire retourner en la cité. Et en ce détry et touellement , cheulx de l'ost s'armèrent et vinrent enforchiement pour secourre les sommiers , et tant que il ne entrèrent point tout en la cité. Messire Henry et ses gens demourèrent sy longeraent sur la plache entre lost et les barières, que il y eurent grant damaige ; car il y euît de ses gens pris bien VI" par une autre embusque que messire Loys d'Espaigne leur fîst , et fut près prins ledit messire Henry : toutesfois il retourna en Nantes , mais che fut à moult grant dangier.

De celle aventure fut le conte de Monfort moult courouchiés , et en parla fellement audit messire Henry , et luy dist que il s'en peuist bien estre passés de avoir fait celle yssue et qu'il estoit trop bon chevalier de par le diable. Messire Henry prist en sy grant despit les parolles du conte , que oncques puis il ne l'ama , et bien lui raonstra ; car secrètement il se mist à traitier avecques les bourgois de Nantes qui veoient leurs frères , parens et amis prisonniers en l'ost et eulx aségiés , et sy ne savoient à quel fin il en venroient , tant que acort se fist entre monseigneur