JEAN DE MOHTFORT PRISONNIER

Charles et lesdits bourgois , et entrèrent les François en Nantes et vinrent en l'ostel où le conte de Monfort dorinoit , et fut pris en la chambre des gens de monseigneur Charles, et la cité rendue. Et sachiés que le conte fut moult esbahis , quant il se vit prins et mis es mains de ses ennemis , qui tantost l'envoièrent à Paris à II" lances par le connestable de France devers le roy de Phelippes qui en ot grant joie, et n'en volsist pas tenir cent mille florins, et le list mettre en prison ou chastel de Louvre , et dist que jamais n'isteroit de là, et y mist-on bonnes gardes et leur charga-on sur la teste. Ensy eubt messires Charles de Blois de venue la chitë de Nantes, et devinrent tous sy hommes, et messire Henry de Lion lui fist serment , qui par avant avoit tant consiliié le conte de Monfort ; et madame sa femme et ses enfans estoient en Hambon avec aucuns chevaliers de Bretaigne que le conte son marit y avoit laissiet. Sy furent moult esbahis quant elle sceut les nouvelles de la prise de son marit ; mais , comme dame plaine de grant consail et de confort, elle se resconforta, et ossy tout ses hommes , et dist que , sy plaist à Dieu , elle feroit bonne guerre et avoit or et argent assés pour le maintenir.

Quant messires Charles de Blois et les signeurs qui là estoient , virent que le conte de Monfort estoit prins et qu'il estoient seigneur de Nantes , sy eurent consail de retourner en France ; car il estoient là à grant frait. Sy dirent ensy le conte d'Alenchon et le duc de Normendie à messire Charles de Blois : « Bieau cousin , vous demorrés « en che pais , et vous lairons messire Louis d'Espaigne « et une autre partie de ches gens d'armes, et nous retour- « nerons en Franche ; car nous créons assés , puisque « nous tenons le conte de Monfort , que vostre guerre est « finie. Il n'est nuls de par luy qui doie gherrier ; et, se « guerre vous sourvient, fust de Engleterre ou d'ailleurs ,