SIÈGE DE BRISTOL

grosse abéie que on dist Saint-Ammon. Là se reposèrent-il, et rafreschirent yaulx et leurs chevaulx par trois jours, et firent enquerre par aucuns de leurs coureurs englès là où ly roy et messires Hues le Despensier se tenoient. Il entendirent par le raport de cheauls que il estoient en la ville et ou chastel de Bristo. Sy se ordonnèrent pour yaulx traire chelle part.

Nouvelles vinrent sur le païs que la royne d'Eugleterre estoit arivée atout gens d'armes, Sy en furent grandement resjoys chil qui estoient de se partie, et se partirent tantost chevaliers et escuiers de leurs maisons et se tirèrent par devers la bonne dame et son fil et leurroutte. Sy saluèrent la royne , et elle ossy yaulx. Sy tirèrent leur chemin au plus droit qu'il porent, en traversant le païs, par devers Bristo ; et tous les jours leur croissoit gens. Tant esploitèrent qu'il vindrent près de la ville de Bristo, qui est une bonne ville et grosse, riche et marchande , séant sur un bon port de mer. Quant chil de Bristo entendirent que leur dame la royne d'Engleterre et son fils, le conte de Kent et messirc Jehan de Haynau et grant foison de chevaliers et escuyers d'Engleterre, qui estoient de la partie de la dame, venoient là pour yaulx aségier , sy doubtèrent à perdre corps et biens, et sentirent tantost que c'estoit pour la cause de messire Hue le Despensier le père et du conte de Arondel qui avoitsa fille, qui se tenoient en la ville, que là il venoient ; car messire Hues ly fieulx se tenoit avecq le roy ou chastiel qui est moult fort, séans sur la mer. Sy envolèrent les bourgois de la ville pour traitier devers madame la royne et les seigneurs qui là estoient , en priant que on les volsist prendre à merchy , et que vollentiers se ren-