DE L.\ COMTESSE DE SALISBURY

lant, que à paine povoient-il aller avant. Quant ly ost fut tout outre pasée sans faire nul asault à ladite fortresse, messire Guillame s'avisa que il ysseroit hors de la ville et que il aroit part au butin que il enmenoient. Sy fist monter tous ses hommes à cheval, et puis se partirent, et povoient estre environ quarante lanches. Sy s'en vinrent férir de plain estuel en cheulx qui chevauçoient derière. Lors y ot de mors et de navrés grant foison, et des chevaulx [prins] tous chergiés de bagues qu'il avoient conquis, et les menèrent dedens le chastiel de Sallebrin.

Le roy d'Escoche et ses barons oyrent ces nouvelles comment ceulx du chastel de Sallebrin estoient yssus et leur avoient porté damaige. Adont commanda le roy que chascun se traist devers le chastiel, car il les feroit assallir. Sy retourna chascun, et y fist grant assault, et maint hommes y eult blechiés dedens et dehors ; et se logèrent les Escochois tout autour, et firent tendre leur tentes. Et dist le roy que point ne se partiroit, sy aroient conquis la contesse et tous cheulx qui dedens estoient, et se contrevengeroient du damaige que messire Guillame de Montagut leur avoit fait. Quant che vint au soir, cheulx du chastel virent que les Escos se logoient : sy ne leur pleust mie trop bien, car [tout] considéré, à le longue il ne se povoient tenir contre tel peuple. Sy regardèrent entr'eulx à laprière de leurdame lequels s'aventuroit pour passer de nuit parmy l'ost et yroit querre secours au roy d'Engleterre , qui estoit venus à Evruich et qui riens ne savoit de che siège. Tous refusèrent ; mais messire Guillame de Montagut ne le refusa pas, anchois se party à minuit monté sur ung bon coursier et passa parmy l'ost. Oncques ne fu appercheus , et vint l'endemain à Wervich ' et trouva le roy d'Engleterre

' Lisez : Evruich.