PÉRILS DE LA COMTESSE DE SALISBURY

et plus de quarante mille hommes qui estoient tout esmervilliés que les Escochois estoient devenus. Sy leur en dist raessire Guillame les nouvelles , et pria le roy pour madame sa tante qu'il le venist secoure et que il se hastat, car il estoient apressés durement. Le roy fut moult lies de ces nouvelles, et se mist au chemin à tout son ost, et passèrent les Englès chejour la rivière de Thin, et tant se hastèrent et laissèrent tout leur carois et leur grant harnas derière eulx, et se mirent à cheval tout parmy ces montaignes , et messire Guillame de Montagut les menoit, car bien congnisoit le païs et les adresses, et vindrentà dix lieues près, le second jour, où les Escochois estoient.

Lors ces nouvelles sceut le roy d'Eschoce qui là estoit au siège, et se faisoient fort de prendre la fortresse, et Teuissent eu, se le roy d'Engleterre ne se fust sy hasté. Et quant le roy d'Escoche et les Escochois seurent que le roy d'Engleterre atout sa puissance estoit bien près de là , sy n'eurent pas consail de les atendre, mais se deslogèrent, ettoursèrent leurs biens le plus tost qu'il porent, et se partirent de Sallebrin, et fut environ heure de tierche; et le roy d'Engleterre vint à none. Sy fut durement courouchiés quant il sceut que les Escochois estoient partis. Nientmains il les siévy à route et se loga ce soir à trois lieues près d'eulx, et l'endemain il fut nonne ains que ly ung [les] virent; mais les Escochois estoient à l'entrée de leur païs et avoient les grandes forests au dos où au besoing il se povoient retraire, ne jamais les Englès ne les euissent là cachiés. Ensy furent les Englès et les Escochois trois jours devant l'un l'autre en une marche entre Galles et Escoche, que on dist Cambray * et les bos de Saint-Amant ; et y eult entre l'une partie et l'autre en ces trois jours pluiseurs parlemens,

* Il faut peut-être lire : Carabrie (Curaberland).

CHARLES DE BLOIS s'eMPARE DE RENNES. l^ll

et furent les coses si bien démenées que unes trièves furent acordées de trois ans, et fut délivré le conte de Sallebrin pour le conte de Mouret. Ensy retourna chascun en son pais, sans aller plus avant.

Ensy sedéparty ceste grosse armée, et retourna le^Toy d'Engleterre à Londres, et pour ceste armée et emprise ne fut point la contesse de Monfort secourue. Et lors quant le roy fut revenus, il ordonna, sycomrae vous orés cy-après ; mais, entreus que le roy d'Engleterre fut en Escoche, se passa le saison, et revint le duc de Normendie en France, et l'esté ensiévant le roy Phelippe envoia en Bretaigne grans compaignies de gens d'armes, et y fust son connestable le conte de Ghines, le conte de Fores , le conte de Boulongne, le duc de Bourbon, messire Jaques de Bourbon son frère et grant foison de seigneurs, et s'en vinrent en Bretaigne, et trouvèrent que messire Charles de Blois avoit aségiet le cité de Rennes dont messire Guillame de Cadudal , ung chevalier vaillant, estoit capitaine ; et lors les seigneurs de France renforchèrent le siège devant la cité de Rennes, et moult grant assanlt y firent, qui moult longement dura. Finablement elle se rendy par composition [telle] que tous ceulx qui voldroient demorer de la partie de la contesse, demourèrent et s'en alèrent à Hambon, et les autres allèrent de la partie de monseigneur Charles. Surcel estât et ordenanche se party messire Guillaume, et s'en vint à Hambon, où la contesse luy fist grant chière.

Après ce que la cité se fut rendue à messire Charles de Blois , il s'en alèrent devant Hambon, pour aségier la contesse dedens ladite ville , dont le chastel de Hambon séoit

128 siÉGK d'hrnnebont.

sur la mer , et pooient ariver les nefs jusques audit castel, syque raessire Charles et les François assëgèrent par terre et non autrement, Sy firent pluiseurs assaus et mervilleux, et avoieut grant engiens là amené de Nantes, et les firent drechier devant la ville et fortresche , et jettoient nuit et jour ; et y ot pluiseurs sallies contre leurs ennemis , et estoit la contesse armée et à cheval, et aloit de rue en rue et resconfortoit ses gens de bon coraige.

Encore fist plus celle contesse ; car ung jour que tous les seigneurs estoient à l'assault, elle monta hault en une tour pour regarder en la mer , pour veoir quant le secours d'Engleterre , que elle atendoit , venroit. Sy vit que tout l'ost estoit à l'asault , excepté les garçons qui gardoient les chevaus. Sy descendy de celle tour et monta sur ung coursier, et fist monter cent compaigons avec luy, et yssy par une posterne et s'en vint par derière en l'ost , et bouta le feu ens es logis des François et leur porta grant damaige ; car bien le tiers de leurs très et pavillons fut tout ars et enmené. Quant ceulx de l'ost, qui asalloient , virent le feu en leur logis , il laissèrent l'assault et revinrent à leur logis, et furent tous ensongniés de estaindre leur feu ; et la contesse s'en ala à Braist à trois lieues de là.

Quant che vint l'endemain, ces seigneurs de France , qui avoient beaucoup perdu , se logèrent plus saygement , et firent logis de feuUes et de che que il porent trouver , et puis s'armèrent et vinrent par devant le castel , et commenchèrent à gaber cheux de la fortresche en disant : « Seigneurs, allés quérir votre contesse ; car elle est en « voie , car vous ne le verés dèsoremais. » Dont clieulx de Harabon en estoient moult courchiés. La contesse qui bien pensoit que ses gens estoient en grant anoy pour luy , se party de Braist au tierch jour, et enmena

SIÈGE d'auray. 429

bien cinq cens corapaignons et envoia devant à Hambon dire que on l'atendesist et que elle revenoit. Sy vint sur l'une des elles de l'ost et se bouta en Hambon à plaine nonne, volsissent ou non les François, dont il furent moult esmervelliés comment elle avoit le hardement de entreprendre tel outraige que d'aller et venir ensy , et les aucuns le tinrent à grant proesse.

Ches seigneurs de l'ost veirent que point n'aroient Hambon à leur ayse, car il y avoit dedens trop bonne gens d'armes. Sy ordenèrent que messire Loys d'Espaigne et une partie de ceulx de l'ost s'en yroient mettre le siège devant le castel d'Auroy, et li autre demouroient devant Hambon. Sy se départirent atout II" hommes achevai et III" à piet, Genevois et autres, et s'en vinrent devant le chastel d'Auroy et le assêgèrent : sy en estoient cappitaine deus vaillans chevaliers de par la contesse de Monfort, messire Henry et messire Olivier de Pennefort, et [avoient] foison de bons compaignons de guerre, qui jamais ne se fussent rendus ; et à quatre lieues près, est la bonne ville de Vennes, qui tenoit pour la contesse, dont messire Joffroy de Malatrait estoit capitainne.

D'autre part, siet la bonne ville de Dignant en Bretaigne, qui adont n'estoit frumée que de palis et de bons fossés assës parfons. Sy en estoit capitaine ung vaillant chevalier, qui s'apelloit le chastelain de Guingant ; mais il n'estoit adont point dedens, et estoit à Hambon avec la contesse, mais son fils le gardoit.

Entre Vennes et Dignant siet ung fort chastiel, que on