GÉRARD DE MALAIN EST PRIS PAR RENAUD DE GUINGAMP

apelle la Roche-Périot, qui se tenoit de la partie de raessire Charle de Blois, et en estoit capitaine ung escuier de Bourgogne qui s'apelloit Gérart de Malain, et avoit en sa coinpaignie LX compaignons de Bourgogne, et encore y estoit ung chevalier de Prouvenche, qui s'apelloit raessire Pierre Portebeuf. Et ceulx de la garnison de le Roche-Périot couroient sy souvent et constraindoient tellement cheulx de Venues et de Dignant que nuls n'osoit issir hors.

Or advint que messire Renauls de Ghingant, cappitaine de Dignant, fist ung jour embusque sur eulx, tellement que il prist ledit Gérart de Malain, luy XXV® de ses compaignons, et les mena prisonniers en la ville de Dignant, dont il acquist grant grâce, et allèrent de ce jour en avant les marchans et les bonnes gens plus seurement de l'un à l'autre, que il n'euissent fait.

Si demoura messire Pierre Portebeuf castelain de Roche- Périot, et le siège se tint devant Auroy et devant Hambon, oîi il y eut pluiseurs grant assault et escarmuches, et tant que ceulx de la ville et la contesse se commencèrent moult à doubter, et veissent vollentiers que confort leur fust venus d'Engleterre, ensy qu'il flst hastievement ; car le roy, qui ne veult pas oublier la contesse, y envoia messire Gautier de Mauny atout IIP lanches et VP archiers ; mais il eurent sur mer trop grant fortune, par quoy il y furent plus de quarante jours.

Cils secours vint trop grandement à point à la ducesse ; car ses gens estoient en vollenté de eulx rendre aux Franchois, et en avait porté le traitiet messire Henry de Lion, et se fussent rendus dedens trois jours. Ensy estoit-il acordés, quant messire Gautier de Mauny vint, et ot en sa compaignie mille combatans, et entrèrent à plain voille ou havre