GAUTIER DE MAUNY DÉBARQUE A IIENNEBONT
de Hambon , dont la coiitesse et tout les compaignons furent moult resjois et rechurent moult liement messire Gautier de Mauny et tous ses gens, et furent logiés tous en la ville. Messire Gui de Lion, oncles à mesire Henry, qui à Hambon estoit, n'en fut mie trop lies ; car il tiroit fort de la partie dé messire Charles de Blois plus que de la contesse. Sy demanda ensy à monseigneur Amaury de Clichon, qui là estoit, et as fi-ères de Quierich et as autres compaignons, quelle leur entente estoit et se il demouroient delés la coutesse, et il respondirent que oy. Dont dist messire Guis : « Il nous fault partir de compaignie ; car je « yray devers messire Charles qui a plus grant droit à « l'iretaige deBretaigne, que n'a la contesse. » Sy se party de Hambon sur cel estât, et vint en l'ost devers les seigneurs de Franche, qui en eurent grant joie, et tous les autres Bretons demorèrent de la partie de la contesse.
Quant messire Gautier de Mauny fu venus dedens Hambon, il regarda la fortresche comment les enghiens de l'ost avoient empiriet la muraille du chastel, et par espécial ung grant engien qui estoit assis devant la porte. Sy jura l'àrae de son père que ançois qu'il bût, ne mangast, il yroit veoir se il pouroit abatre che grant engien, qui tant avoit travillié cheulx du chastiel. Sy fist armer toutes ses gens, et luimesmes s'arma, et ossy s'armèrent tous cheulx de laiens et tous les seigneurs , et estoient bien V" à cheval et V'^ archiers. Sy fîst messire Gautier de Mauny ouvrir la porte, et cheluy engien estoit devant la porte, Sy s'en vinrent tous les compaignons par là et chevauchèrent jusques à l'engien, dont il y avoit LX compaignons qui le gardoient. Sy furent tous mors ou prins, Adont se commença l'ost à esmouvoir et criant alarme. Sy vinrent devers cheluy engien, mais il trouvèrent que messire Gautier et les Englès l'avoieut jà avironné, et firent tant les dis Englès que l'engien fut aba-
152 PRISE d'auray.
tut et tout découpé, maugré tout les Franchois, et retournèrent les Englès et tous les compaignons en Hambon, sans nul damaige. Adont vint la contesse acoller et baisier messire Gautier et les chevaliers, et les festyer et honnourer, et ne demoura gaires après de tamps que messire Henry de Lion, le viceconte de Roem, messire Charles de Dignant et cheulx qui là devant Hambon estoient, se partirent et se deslogèrent ; car il virent bien qu'il perdoient leur paine , pour tant que la garnison estoit si grande et sy renforchie et que tous les jours il povoient plus perdre que gaigner. Sy s'en alèrent tout devant le chastiel d'Auroy, où messire Charles de Biois estoit, et y avoit jà sis ung grant tamps, et lui contèrent comment la contesse estoit secourue de grant secours ; car les Englès y estoient grosse puissance.
De ces nouvelles fut moult desplaisant messire Charles, mais amender ne le peult. Sy tint franquement son siège devant lechastel d'Auroy, et constraindy tellement cheulx de la forteresse qu'il les convint rendre ; mais che fut par traitiet qu'il se partirent, sauf leur vie, et s'en retournèrent à Hambon devers la contesse qui moult fut courouchie, quant elle sceut que elle avoit perdu che fort chastel d'Auroy.
Quant messire Charles de Blois se fu mis en possession et saisine du chastiel d'Auroy et qu'il eut mis nouvelles gens et prouvisyon, il eult conseil que il s'en yroit devers Vennes, ensy qu'il tist , avecq une partie de ses gens. Messire Loys d'Espaigne, messire Gui de Lion , messire Henry de Lion, le viceconte de Rohem, le sire de Clichon, le sire de Malatrait et plusieurs barons de l'ost s'en allèrent devant la ville de Dignant qui n'estoit pour le temps
