PRISE DE DINAN

de lors frumée fors de fossés et de pallis, et le asségèrent. Dedens estoit raessire Renault de Ghingant, fils au chastelain de Ghingant , ung vaillant chevalier, qui ne fut mie trop esbahis de la venue, mais se deffendy moult vaillaument de cinq ou de six assaulx que ly François firent. Finablement messire Lois et ses gens, qui estoient vaillans gens, passèrent l'ieaue et vinrent à ces pallis et les coppoient de grandes cuignies ; et quant cheulx de la ville virent ce , ils doubtèrent le péril que de forche il ne fussent pris, et commenchèrent à traitier pour eulx rendre, et s'assamblèrent sur le marchiet, et prinreut trièves audit messire Lois, tant qu'il se fussent consilliés et qu'il eussent parlet ensamble. A che conseil tout le commun de la ville estoit, [mais] ne volt oncques y estre le capitaine, et disoit qu'il estoit fors assés pour eulx tenir deux ou trois jours , tant que leur secours seroit venus de Hambou. Cheulx de la ville ne voulrent mie à che acorder, ne entendre, ne eulx mettre en ce péril. Sy prirent leur capitainne de forche et le ochirent enmy la plache , dont che fut damaige, et puis se rendirent audit Loys d'Espaigne, qui en prist le serment et hommaige, et leur donna pour capitaine Gérart de Malain, qu'il trouva laiens en prison , et puis orent consail quelle part il yroient. Sy prist messire Lois d'Espaigne tant seullement cheulx de sa eherge, et renvoia tout les compaignons en l'ost de messire Charles de Blois qui avoit aségiet la ville de Venues. Adont messire Jofi'roy deMalatrait estoit capitaine, et messire Hoste DorneetThondal, son compaignon, maistre des Genevois, et [guerryoient par] convoitise de plus gaignier, et prirent cheux la bonne ville de Garlande, où il conquirent grant avoir, et fut ladite ville arse, et puis montèrent en mer pour s'en aler.