PRISE DE VANNES

Entreulx que messire Charles de Blois estoit devant Vennes à plus de XL" hommes , avint que ceulx de la garnison de Ploermel, qui fut assés près de là, où il povoit avoir en garnison LX lanches , issirent à ung ajournement et vinrent resvillier l'ost et y firent grant damaige. Ly ost s'estourmy, et furent cheus reboutés et chachiés jusques à leur fort, et perdirent tout che qu'il avoient gaigniet et une partie de leurs gens. A che retour que cheulx de Tost firent, il furent sy escaufés et sy estourdis , que il s'en vinrent assallir couraigeusement la ville , que elle fut en aventure d'estre prise par forche. Ly bourgois qui doubtèrent le péril et qui veoient le forche de monseigneur Charles , prirent trièves pour eulx rendre à l'endemain , et leur fu acordée. Sy furent che jour en grant traitiet, et le nuit ossy, et se volloient rendre ; mais messire JofFrois de Malatrait leur desconsilla. Finablement il ne peurent venir à chief que ne se rendissent, et quant messire JofFroy vit che, il s'en party du commenchement, et yssy hors, quant on parlementoit, et se raist au chemin , et s'en vint à Hambon devers la contesse et monseigneur Gautier de Mauny , à qui en conta les nouvelles. Messire Gautier s'arma et fist armer tous les compaignons de Hambon , Englès et Bretons, et estoient bien VP lanches et IX*" archiers, et se partirent en istance que pour venir à Vennes brisier les trièves et traitiés et rafreschir la chité ; mais, quant il furent à une lieue près, il entendirent que la cité estoit rendue, et messire Charles de Blois estoit dedens. Sy en furent moult courouchiés. Nonpourquant messire Gautier dist que, puisqu'il estoient sur les camps , que point ne retourneroient , se aroient trouvé aventure. Et entandy que messire Lois d'Espaigne chevauchoit et avoit prins la ville de Garlande et estoit sur mer pour aller en l'isle de Camparlé envers la cité de Grède. Sy prist tantost ce chemin, et messire Charles

COMBAT DE QUIHPERLÉ. 155

de Blois prist le serment et homaige de ceulx de Vennes, et y laissa dedens capitaines messire Henry de Lion et le sire de Clichon et grant foison de gens d'armes , et puis se tira devers la cité de Craais et y mist le siège.

Quant messire Loys d'Espaigne et sa route se furent party du port de Garlande, il allèrent tant par mer que il arivèrent en Bretaigne bretonnant , en l'isle de Camperlé , assés près de Camper-Corentin et de Saint-Mahieude-Fine-Posterne , et issirent de leurs vasseaulx et montèrent à cheval , et allèrent ardoir et reuber tout le païs , et trouvèrent sy grant avoir qu'il gaignèrent tant que mervelle seroit à racompter, et tout aportèrent en leur navie. Et encore, pour plus gaignier, ledit messire Loys ne se volt mie mettre sy tos au retour, mais s'en vint courir devant Saint-Mahieu et fist assalir la ville.

Messire Gautier de Mauny, messire Amaury de Clichon, messire JofFroy de Malatrait , les deux frères de Pennefort, messire Guillarae de Cadudal et ceulx qui de Hambon estoient yssu, sieuvoient monseigneur Loys à trache, et vinrent à Garlande , là oii messire Lois estoit monté en mer. Sy trouvèrent toute celle navie, qui moult bien estoit prouveue de grant avoir , et furent moult esmervilliés où tant en avoient conquis. Si tuèrent tous cheulx qui le gardoient , et puis se partirent en trois batailles pour plus tost trouver leurs ennemis , et laissèrent une partie de leurs gens pour garder la navie, et puis s'adrechèrent vers les feus que ledit Lois faisoit bouter.

Ches nouvelles vinrent à messire Lois d'Espaigne, que les Englès estoient arivés moult puissant et le quéroient. Sy rassambla et recueilla ses gens au plus tost qu'il pot , et se mist à voie pour venir devers sa navie , mais il eult

rencontre ; car il trouva sur les camps l'une des batailles, où estoit raessire Gautier de Manny. Sy se mist en conroy, et envoia quérir une des autres batailles, qui n'estoit point loing de là ; et quant ils oïrent ces nouvelles, il se hastèrent, et trouvèrent que leurs gens se combatoient et en avoient fort à faire ; car messire Lois les avoit assallis de grant vollenté. Et quant les autres furent venus , là ot grant bataille , et fut messire Lois desconfis, et son fils mort , et le convint fuir , et s'en vint à se navie, et, quant il cuida entrer ens , il trouva gens qui le gardoient, pour quoy il n'y peult entrer, mais se bouta en ung lieu. Ung pau alors vinrent de ses gens là, et fist tant que il vint en Garlande , et monta là à cheval, et se sauva au mieulx qu'il pot ; mais de toutes ses gens il n'en demoura que douze, et vint en l'ost devant Craais 011 messire Charles de Blois estoit, et luy recorda ces nouvelles.

Quant messire Gautier de Mauny sceut que messire Lois d'Espaigne leur estoit escapés (et l'avoit toudis caudement poursiévy par mer et par terre) , adont montèrent en mer pour venir à Hambou ; mais il eurent veut contraire. Sy leur convint prendre terre à trois lieues près de Dignant, et firent tant que il vinrent assés près de la Roche-Périot, et dist messire Gautier de Mauny que il volloit aller courir devant le chastel et l'assallir , et chascun s'y acorda. Alors estoit la fortresche bien furnie de gens de guerre, dont moult bien se deffendirent.

Gérart de Malain ot ung frère, qui s'apelloit Renier de Malain, capitaine d'un chastel assés près delà, que on apelloit Fauet. Quant il entendy que ly Englès faisoient assault au chastel de son frère, lors s'arma, et toutes ses