DE RENIER DE MALAIN
gens , et estoient bien XL iances , et s'avisa que il venroit vers la Roche-Périot pour veoir se il ne pouroit aidier son frère. Che jour eult sy grant assault au fort , que deus chevaliers d'Engleterre, messire Jehan Boutillier et messire Jehan de Frenay, y furent durement navré, et furent aporté hors de la presse en ung prêt. D'aventure Renier de Malain , qui chevauchoit à XL lances devers la Roche-Périot, trouva les deus chevaliers là gisans. Sy les prirent et les emportèrent avec eulx.
Les nouvelles vinrent à messire Gautier et à ses compaignons, entretant que on assaloit le plus fort, que ceulx de la garnison du chastel de Fauet estoient yssus hors et avoient trouvé les deus chevaliers et les menoient en leur chastel prisonniers. Lors veissiés gens monter à cheval hastivement et courir après pour les rescourre. Par chelle manière cessa l'asault, dont cheulx de Roche- Périot furent bien eureus ; car on dist que , se l'aventure ne fust venue, les Englès les eussent conquis. Et, quoyque messire Gautier se hasta, il ne peurent tant exploitier que Renier de Ma'ain ne fust rentrés en son chastiel de Fauet et tout à sauveté, et ly doy chevaliers furent prisonniers. Et, quoyque les Englès fussent lassés et travilliet , quant il vinrent devant le fort, il se mirent à assalir asprement et furent en cel estât jusque à la nuit ; mais riens n'y conquirent. Sy se logèrent et dirent que l'endemain il rasailleroient ladite place et point n'en partiroient, sy raroient les dis chevaliers.
Gérart de Malain sceut tout pour quoy sy soudainement les Englès estoient partis, et che que son frère avoit fait pour l'amour de luy, et comment les Englès estoient allé devant Fauet pour le conquerre, se il povoient. Sy s'avisa que il feroit à son frère le pareil serviche. Il monta tantost à cheval, et s'en vint à la ville de Dignant,
138 SECOND SIÈGE d'hENNEBONT.
et trouva messire Pierre Pourtebeuf, son compaignon , et luy conta la besoingne. Lui et messire Pierre prièrent et requirent à cheulx de Dignant que il se volsissent tant travillier que pour conforter son frère qui estoit asségié. Cheulx de Dignant s'i acordèrent, et à l'endemain bien matin se mirent tout au chemin pour aller devers Fauet, et estoient bien IIII'" hommes, et les menoient messire Gérart et Renier.
Ces nouvelles vinrent en l'ost à messire Gautier de Mauny comment cheulx de Dignant estoient yssus à forche et venoient pour le combatre. Messire Gautier de Mauny et ses gens se mirent ensamble et se consillèrent que il feroient. Tout considéré, ils regardèrent que il estoient moult travilliés, et que ceux de Vennes et cheulx de Dignant et le pais qui estoient fort esmeu, leur pouroient porter grant damaige. Sy se consillèrent de eulx retraire et retourner vers Hambon. Sy se partirent incontinent, et firent tant que il vinrent à Hambon, et quant ceulx de Dignant seurent les nouvelles , il retournèrent arière en leur ville. Ensy demeura le chastel de Fauet en pais, et les deux chevaliers prisonniers.
Tans fist messire Charle de Blois devant Craais que il se rendirent et firent serment audit Charles. Adont se desloga, et se recuellèrent tous ensamble , et se avisèrent que il feroient, et dirent que il yroient derechef devant Hambon ; car bien de gens assés estoient pour tenir le siège, car le roy Phelippe y envoia encore mille combatans , pour che qu'il savoit bien que messire Gautier et les Englès estoient yssus d'Engleterre et retrait dedens la ville de Hambon pour aidier la contesse. Lors fut le siège devant Hambon grans et fors, et tous [les jours] y avoit fait aucuns fais d'armes.
