PRISE DE JUGON

Ung jour vint messire Loys d'Espaigne à raessire Charles de Blois, et lui demanda ung don. Messire Charle, qui pas ne savoit quel chose il volloit demander, luy octrya; car envis ly euist escondy, car moult de serviches lui avoit fait. Adont luy demanda à avoir les deux chevaliers englès qui estoient en prison en Fauet. Il ly furent acordé, et lui furent amené ; et lors dist messire Lois d'Espaigne que il les feroit pendre devant la ville en contrevengant la mort de son fil et de ses gens, qu'il avoient tuet. Alors furent tous les barons de l'ost durement courouchiés, et ossy fut messire Charle ; mais pour prière que on en peuist faire, ledit messire Lois ne s'en volloit déporter , et euissent esté pendu sans nulle faulte. Mais le gentils chevalier messire Gautier de Mauny et les compaignons de Hambon par proèche yssirent hors et les délivrèrent de péril et les remenèrent sain et saulf en Hambon , dont on le tint à grant vaillanche ; et assés tost après ceste avenue , avint que les seigneurs de l'ost regardèrent que là au siège riens n'y conquestoient, et n'estoit mie aparant que riens conquerre y peuissent, et que l'ivier aprochoit. Sy jettèrent leur advis que unes bonnes trièves seroient prinses entreulx à ceulx de la contesse , et ensy furent-elles faites de la Pentecouste , l'an mil CCC.XLI , jusqu'à la Pentecouste mil CCC.XLIL

Ensy se deffit le siège de devant Hambon , et se départirent les seigneurs de Franche , et s'en ala chascun en son lieu , excepté aucuns du linage de messire Charles de Blois , qui demourèrent delés luy pour lui consillier. Et celle trieuve durant , avint que la bonne ville de Jugon fu prise des gens messire Charles ; car messire Robert de Bieaumanoir chevauchoit ung jour. Sy trouva d'aventure ungbourgois qui estoit de Jugon, qui alloit de ville à aultre