MORT DE KOBERT DARTOIS

perdirent tout le leur et le plus grant partie de leur gens. Sy fut ladite ville prinse , et en fut messire Robert sires et maistre , dont les Englès et les Bretons et la ducesse furent moult joieulx , et vinrent une partie des Englès en l'ordonnanche du conte de Sallebrin , du conte de Quenfort et du conte de Cornuaille à mille hommes d'armes et trois mille archiers mettre le siège devant la cité de Rennes, et Guidèrent atrapper messire Charles de Blois dedens ; mais il en estoit partis et venus à Auroy. Pour che ne rompirent mie les Englès leur pourpos que il ne tenissent le siège ; mais la cité estoit moult renforchie , et sy avoit dedens de bonnes gens de guerre, qui bien gardoient la ville.

Vous devés bien savoir que grant murmure estoit ou païs de Bretaigne de la prinse de Venues , et plus sur la partie de messire Olivier de Clichon et messire Henry de Lion que sur nul autre , et disoient communaument les communaltés que il avoient tray la ville , et non avoient; car de la prise et de la mésavenue estoient moult courouchiés et plus que nuls , et bien le monstrèrent ; car, au Y" jour que la cité eut esté prinse , ces deus chevaliers rasamblèrent et recuellèrent leur gens , et firent tant qu'il eurent bien V™ hommes , et s'en vinrent devant la cité de Vennes et l'asségèrent et puis l'asallirent.

Messire Robert d'Artois et les Englès , qui dedens estoient, furent trop orguilleux et yssirent hors de leurs barières trop avant pour combatre les Franchois. Le sire de Clichon et messire Henry de Lion et leurs gens s'y esprouvèrent sy bien et sy vaillaument qu'il reboutèrent leurs ennemis sy aigrement que il entrèrent aveucq eulx en la porte, et là eult grant hustin, et y fut messire Robert d'Artois fort navrés et enporté à grant mesquief hors de la presse, et perdirent les Englès la plache, et les convint partir et enfuir, et en y ot foison de mort et de prins. Et