EDOUARD 111 EN BRETAGNE
ceulx qui escapèrent, vindrent à messire Robert d'Artois et au sire de Stanfort, et perdirent tout le leur et une partie de leur gens, et vinrent à Hambon devers le contesse et devers messire Gautier de Mauny, qui furent moult courouchiés des nouvelles,
Ensy fut reconquise par les deus barons la cité de Vennes, et y demoura messire Robert d'Artois navrés, de laquelle navrure il en mourut; car je enteiidy que il se garda mal , et fut ensevely à Londres en Engleterre à l'église des Augustins, Ensy fina ledit messire Robert d'Artois, qui fu moult vaillant chevalier et qui mist de commenchement les guerres et dissensions entre le rojalme de Franche et le royalme d'Engleterre.
De la mort de messire Robert d'Artois fut moult le roy d'Engleterre courouchiés, et jura que jamais n'entenderoit à autre chose, sy l'aroit contrevengiet et tellement atourné Bretaigne que il y parroit quarante ans à venir. Adont fist le roy un grant mandement et asambla IIII"" hommes d'armes et VIII" archiers, et fist faire toutes ses prouvéanches à Hantonne, et là trouva sa navire toute preste. Alors le roy monta en mer, et avecque lui le conte Henry d'Erby, le conte d'Arondel, le conte de Wervich, le conte de Herfort, le conte de Northantonne, le conte d'Artesselles , le sire de Persy, le sire de Ros, le sire de Felleton, le sire de Luzy, le sire de Noefville et pluiseurs grans barons d'Engleterre. Sy nagèrent tant qu'il arivèrent en Bretaigne à Saint-Mahieu-de-Fine-Posterne en Bretaigne bretonnant, et issirent de leurs batieaux, et furent les seigneurs cinq jours en ladite ville en euîx rafresquissant et tant que leur nefs furent toutes deschergies, et puis montèrent et se mirent à chemin pour venir devers la cité de Vennes.
444 EDOUARD m EN BRETAGNE.
Ches nouvelles vinrent à messire Charles de Blois, qui se tenoit à Auroy, que le roj d'Engleterre estoit arivés en Bretaigne moult enforchiement, et ne savoit encore quelle part il se volloit traire. Ledit messire Charles se party d' Auroy et envoia quérir madame sa femme, et s'en vint à la cité de Nantes, et de toutes ches besoignes et de Testât du roy d'Engleterre et de Bretaigne, il le seneHa au roy Phelippe, son oncle, et quant le roy de Franche seut ces nouvelles, lors prist consail.
Quant le roy d'Engleterre fut venus devant Venues, adont y mist le siège le second jour que fut là venus, Adont la contesse de Monfort et messire Gautier de Maugny et les compaignons de Hambon vinrent veoir le roy d'Engleterre, et l'onnourèrent et festièrent comme à leur seigneur doient faire, et puis prinrent congiet, et la contesse s'en vint à Hambon, et les chevaliers et gens de guerre deraourèrent delés le roy.
Quant le roy d'Engleterre eult sis devant le chité de Venues environ dix jours et il eult ung petit apris le pais, il s'avisa que il lairoit là son cousin le conte d'Erby au siège et les Bretons, et puis atout son ost il chevaucheroit outre devers la cité de Rennes pour veoir ses gens qui là se tenoient au siège. Sycomme il pourposa, il le fist, et se party de Vennes atout ses gens et chemina tant qu'il vint devant Rennes. Se y trouva le conte de Cornuaille et le conte de Kenfort et pluiseurs chevaliers et escuiers englès et bretons. Se y fut le roy bien venus, et eurent grant joie de sa venue. Sy se tint là le roy au siège avecq eulx six jours , et entreulx il y eult quatre assaulx ; mais riens n'y conquirent , car la cité estoit bien forte et bien garnie de bonnes gens d'armes.
