XVII. — FROISSART. iO

i46 COMBAT DEVANT VANMES.

Ensy tint le roy d'Engleterre en celle saison en Bretaigne quatre sièges. Sj vous dy que les Englès àchascun de leurs sièges se portoient assés vaillaument et tenoient leur ennemis si court que il ne osoient yssir hors, et y avenoit souvent à chascun de ces sièges des bieaux fais d'armes devant leur barières ; car les chevaliers et escuiers, pour leur honneur exauchier et leur corps avanchier , venoient combatre main à main à leur barières, et par espécial devant la cité de Venues, et y advenoit plus de telles aventures qu'ailleurs ; car le sire de Clichon et messire Henry de Lion , qui gardoient la ville, ne se tenoient pas derière , mais faisoient souvent aporter leur pennon as bailles , et là se combatoient , et une heure perdoient et l'autre gaignoient.

Pardevant Venues y avoit de vaillans chevaliers englès, le conte d'Erby, le sire de Mauny, le baron de Stanfort, le sire de Gobehem et moult d'autres, et avint ung jour que une telle escarmuche se fist devant les bailles, qui dura moult longeraent jusques au soir. Les Englès volloient atraire hors leurs ennemis : sy firent, et chassèrent tant que par soubtillesse il recuUèrent sy avant que le sire de Clichon et messire Henry de Lion furent fort envaïs et assallis et près enclos entre leurs ennemis en la porte. Touteffois au retraire il furent sy fort poursiévys des Englès que il furent prins desoubs le porte de la cité, et eussent les Englès adont esté signeur de la chité , mais cheulx qui estoient sur la porte , avallèrent le porte-couliche , et demeurèrent les deux chevaliers par dehors , et le bers de Stanfort fut enclos par dedens et prins de cheulx de la ville. Adont se retrait chascun, et fut prins le sire de Clichon et le sire de Lion.