LE DUC DE NORMANDIE SE REND EN BRETAGNE

luy desplaisoit. Lors jura le roy l'âme de son père qui fut conte de Vallois , que il y remédira, et lors fist ung très-espëcial mandement de toutes gens d'armes et sauldoyers genevois et d'autres pais, pour tirer en Bretaigne, que tous y viègnent, et de estre à Angiers. Là vinrent le duc de Bourgogne , le conte de Blois , le duc de Bourbon , le conte de Fores, le conte de Pontieu, messire Jaques de Bourbon , le conte de Valentinois, le daulfin d'Auvergne, le conte de BouUongne, le conte de Ventadour , le conte de Ghines, connestable de France, le sire de Couchy, le sire de Roie, le sire de Sully et tant de barons que jamais on ne les aroit nommés , et quant il furent tous ensamble en la cité d'Angiers et du Mans et là environ , il furent bien X"" hommes d'armes et X"" arbalestriers tous genevois, et XX™ bediaux. De toutes ces gens d'armes fist et institua le roy Phelippes son fils le duc de Normendie de estre gouverneur et chief.

Alors se partirent ceste armée de la cité d'Angiers et de là entour, et cheminèrent vers Bretaigne. Et ensy que les seigneurs de France venoient , ches nouvelles vinrent as barons d'Engleterre , qui estoient devant Nantes, que les François venoient là trop esforchiement et pour lever le siège. Sy mandèrent au roy d'Engleterre la venue des Franchois, qui estoit devant Venues. Quant le roy englès sceut de vérité que le duc de Normendie et telle baronie de France venoient en Bretaigne, sy eult consail que metteroit ses sièges tout en ung, ensy que il fist, et remanda tous cheulx qui estoient au siège devant Nantes et devant Rennes, et les fist tous venir avecques luy devant Vennes pour y estre plus fors, se les François y venoient , et mist toute sa navire en saulf lieu ou havre de Hambon et ou havre de Braist , et tint toudis francquement le siège devant Vennes.