EDOUARD III

Windesore le XX" jour d'avril l'an mil CCCXLIII, et envoia ses héraulx outre la mer en Flandres, en Haynau , en Brabant et en l'Empire, et donnoit à tous chevaliers, de quel pais qu'il fussent, saulf allant et saulf venant XV jours après la feste.

En che tamps vinrent les nouvelles au roy englès du signeur de Clichon que le roy Phelippe avoit fait décoller , et le signeur de Malatrait et son fils, et des autres chevaliers de Bretaigne et de Normendie. Sy en fut le roy durement esmervilliés et courouchiés, et luy sambla , et ossy à aucuns de son consail, que le roy Phelippes l'euist fait en son despit. Sy eult son affection et ymagination de faire morir samblablement messire Henri de Lion , que tenoit prisonnier, et en ot tantmaint dure pensée sur luy, et l'eusit fait sans faulte en son air, se n'euist esté son cousin le conte d'Brby qui alla au devant et lui rompy sa vollenté et lui dist moult saigement : « Monseigneur, se le roy « [de Franche] a fait sa félonnie, pour che ne ferés-vous « pas le vostre, car le chevalier que vous tenés, ne le doit « mie comparer ; mais mettés-le à raenchon raysonnable, « ensy que on doit faire ung chevalier, et sy ferés vostre « honneur. Et sy vous en sara-on grant gré partout oîi « on ora parler de vous. » Le roy d'Engleterre s'enclina as parolles de son cousin, et lui en sceut bon gré, et manda ledit Henry pardevant luy, qui estoit moult efFraés ; car bien cuidoit que le roy le deuist faire morir, et jà l'en avoit-on dit aucune chose. Se lui dist le roy : « Messire « Henry, nostre aversaire le roy de Franche a fait trop « grant cruaulté, quant en nostre despit il a mis à mort « .sy vaillans chevaliers que le signeur de Clichon , le « signeur d'Avaugor, le signeur dp Malatrait, le signeur de (( Quaintin, le signeur de Rochetison et tels et tels.