NOUVELLE CHEVAUCHÉE
Après ceste desconfiture, qui fu devant Auberoche, sy grande et grosse pour les Gascons (et se perdy depuis tout le pays, car il fut trop afoiblis), le conte d'Erby et messire Gautier de Mauny et ceulx de leur partie se tinrent celle nuit tout ayse es logis des Franchois, car bien trouvèrent de quoy, et entendirent à leur prisonniers. Sy renchonnèrent les aucuns, et ossy aulcuns crurent courtoisement sur leur foi à revenir à Bourdiaulx dedans un chertaiu jour. Ensy passèrent ycelle nuit. Quant che vint à l'endemain, il allèrent en Auberoche pour eulx rafrescir, et y furent et disuèrent, et droit à heure de disner vint le conte de Pennebourcq atout HT lances, qui durement fu courouchiés, quant il entendy que les Gascons avoient esté rués jus sans luy. Et en parla par félonnie au conte d'Erby ; mais le conte, tout en riant, l'en apaisa. Depuis ceste ordounanche ne demoura gaire de tamps que il retournèrent chascun en sa garnison, et le conte d'Erby et messire Gautier de Mauny s'en retournèrent à Bourdieaulx, et là se repousèrent et démenèrent du bon tamps toute la saison et l'ivier ensiévant.
Quand che vint environ Pasques , que les arbres commenchent à flourir, le conte d'Erby ne volt mie prendre trop long séjour, et dist que il volloit aller veoir ses ennemis. Sy fist son|'mandement grant et espéciaulx, et tout obéirent à luy et vindrent à Bourdieaulx devers luy. Et quant tous furent venus, sy se trouva bien XIIc lances et XVc archiers et mille piétons. Adont se partirent toute ces gens, et les conduisit le conte d'Erby, et chevauchèrent vers la Riolle, et tant esploitèrent qu'il y vinrent ; mais ainchois qu'il y venissent, il prinrent en leur chemin le castiel de Saint-Basille, qui se rendy à eulx, et puis le chastiel de La Roche-Millon, et le concquirent de forche, et furent tout mors cheulx qui dedens estoient, et après il vinrent devant Mont-Ségur, et y fut ledit conte d'Erby quinze
jours, et y fist faire pluiseurs assauls ançois que il le peuist avoir, car le chastiel estoit garny de bonnes gens d'armes de le conté de Fois, qui nullement ne se volloient rendre. Finablement ly Englès y entrèrent de forche et le conquirent, et y furent tous mors ou pris, excepté cinq ou six gentils hommes, qui furent pris à merchy par le congnoissance de monseigneur Alexandre de Caumont, ung baron de Gascongne, qui là estoit, par lequel ledit conte usoit par son consail es marches de Gascongne. Adontprist le conte d'Erby la fortresche de Mont-Ségur, et le fist réparer et rafreschir de nouvelles gens , et puis passa oultre, et vint devant le chastel d'Aguillon. Le chastiel siet sur deus rivières, et estoit moult fors, et y avoit ung chastelain durement simple homme, et bien le monstra ; car, quant il vit le conte d'Erby et les Englès là venir, il eut si grant doubte, pour che que il ne sentoit confort de nul costé, et que les dis Englès prenoient en leur chemin villes et chastieaux, et que riens ne se tenoit devant eulx, que il ne se rendesist, et dist que il se renderoit sauve sa vie et leur biens, et tous cheulx dedens qui par y estoient. Alors le conte d'Erby fut moult joieulx, quant il eult bien avissé la plache et le garnison, que dont que le roy d'En- • gleterre euist gaigniet deux cens mille florins. Sy le prouvy de bonnes gens d'armes et de tout, et leur bailla sur leur teste, et puis chevaucha tant que il vint devers la Riolle. Quant cheulx de Toulouse et du pais de Toulousain entendirent que la ville et le chastiel d'Aguillon estoit prins et en la main des Englès, si en furent durement courouchiés, et firent tant que il prirent le chastelain qui gardé i'avoit, et le menèrent en la cité de Toulouse. Sy fut mis à mort par le vois du peuple [pour ce] que on lui mettoit sus traïson, ne oncques escusanche que il peust monstrer, ne lui aida riens ; car, se il se fust tenus tous cois là dedens
