PRISE
enfreraés dedens le pourpris d'Aguillon , les Englès de forche ne l'euissent jamais eut.
Quant le conte d'Erby et le conte de Pennebrucq et toute leurs gens furent venu devant la Riolle , sy l'aségèrent de grant fachon et par bonne ordonnanche ; et par dedens la ville avoit ung chevalier de Prouvenche à capitaine, qui s'apelloit messire Aghos des Baus , vaillans hommes et hardy chevalier, et qui desoubs lui teuoit pluiseurs bons compaignons d'armes. Les bourgois de la ville de la Riolle ûbéissoient et faisoient tout par son consail, et tant que le conte d'Erby et les Englès furent là plus de neuf semaines ; et y avoit grans engiens qui jettoient nuit et jour dedens la ville, qui esbahisoient durement ces dis bourgois , mais messire Aghos les resconfortoit et aseuroit che qu'il povoit. Cils voldroient bien que leur capitaine fust mains hardis, car il doubtoient le péril et tout à pierdre , corps et biens, et pluiseurs fois en parlèrent à leur capitaine, messire Aghos, qui se commencha à doubter de eulx. Sy se retrait ledit cappitaine en la fortresse, et ses gens et leurs biens et vivres, et mirent tout o chastiel de le Riolle. Et puis dist à ceulx qui dedens la ville estoient : « Faites « che que vous voilés ; car les Englès ne ra'aront mie. » Ensy, ossy tost que cheulx de la ville virent que ledit messire Aghos estoit retrait ens ou chastiel, il en furent moult joieulx, et commenchèrent à traitier devers aucuns chevaliers de l'ost, que le conte d'Erby y envoia, et y ala messire Alexandre de Caumont et messire Gautier de Mauny, et le traitié fut tels que il se rendirent sauve leur corps et leur biens, et firent serment que de che jour en avant estre bon Englès. Ensy eult le conte d'Erby la
DE LA REOLK.
ville de le Riolle ; mais il n'eut inie à che jour, ne grant tamps après, le chastiel.
Ce propre jour que le conte d'Erby entra en la ville de la Riolle , vint un bourgois de la Riolle à messire Gautier de Mauny, et, pour luy complaire, il le mena droitement sur la tombe de son père qui là estoit ensevely en une église dedeus la ville , que le sire de Mirepois de jadis avoit ochis sur le chemin en revenant de pèlerinage de Saint-Jacque en Galice, du temps que le conte de Vallois , frère au bieau roy Phelippe , séoit devant la Riolle qui pour che tamps de lors se tenoit englesse ; mais les Franchois le conquirent, quant il y eulrent bien sis ung an. Et le cause pour quoy il ochirent ledit chevalier , che fu pour che que à ung tournoy qui fu jadis devant Cambray , le Borgne de Mauny avoit par mésaventure ochis le nepveu audit évesque de Cambray, qui estoit de cheulx de Mirepois ; mais pais et amendise en estoit toute faite. Nientmains les linages de celuy ochirent le chevalier, et fu là ensevelis. Depuis en prist messire Gautier sy grande venganche qu'il destruisy tout cheulx de Mirepois , la guerre durant qu'il fut en Gascongne, et en ochit de de sa main pluiseurs, le marescaulx de Mirepois et aultres. Quant il sceut de vérité que c'estoit monseigneur son père qui là avoit esté ensevelis , il donna à l'homme qui euseigniet l' avoit , cent nobles , et le tist desfouir et les os mettre en ung sarcut, et le fist enporter en la ville de Vallenchienne et derechief là fist ensevelir delés madame sa femme en l'église des Cordeliers.
Le conte d'Erby aséga le chastel de la Riolle et dist que jà ne s'en partirait , si l'aruit ; car , se il demouroit franchois , tout ce que il aroit conquis, seroit perdu par ledit chastiel. Sy y fist ledit conte faire pluiseurs asauls , mais pau y conquist. Messire Aghos espéroit de avoir
