SUITE DE LA CHEVAUCHEE DU COMTE DE DERBT

furent quatre jours , et le conquirent par assault. Sy le fist ledit conte réparer et ordonner de toute chose , et de là il s'en vint devant Angolesrae. Et ensy concquéroit le conte d'Erby en la Basse-Gascongne chités , villes et chastieaulx, et faisoit rendre à luy et mettre eu l'obéysanche du roy d'Engle terre , son signeur , et se ne ly alloit nul au devant ; car, ensy que vous savés, l'année précédente , tous les barons de Gascongne franchois avoient esté mors ou pris devant Auberoche, pour quoy nulle recouvranche ne se povoit mettre sus ou pais des gentils hommes, car encore estoient le plus prisonniers as Englès, qui ne se povoient armer.

Quant le conte d'Erby et toutes ses gens furent venu devant la cité et chastiel d'Angolesme, il monstrèrent grant samblant que de faire siège et que de le assallir ; car il faisoient mener avec eulx et charier engiens dont il esbahi* soient grandement ceulx des plaches devant qui il venoient. Cheulx de la cité d'Augolesme veoient et entendoient que tout le pais se rendoit as Englès, et que, quant il conquéroient une ville de forche, les gens estoient mors, et toute la ville pillie. Adont doubtèrent de quéir en tel estât, pour quoy il entrèrent en traitiés devers le conte, et fut tel le traitiet que il envoiroient douze de leurs bourgois des plus notables en ostaiges à Bourdieaulx, qui là seroient ung mois. Se, dedens ce mois, le roy de Franche ou personne de par luy venoient sy fort ou pais que pour combatre les Englès, ou tenir le camp, que les Englès ne les ossaissent atendre, ils raroient leurs bourgois, sans quelques despens, ne péril, et demouroit leur chité franchoise. Et se le contraire estoit, que confort ne leur venist, il serenderoient[as] Englès et se metroient en l'obéissance du conte d'Erby. Ledit conte entendy à ces traitiés, et leur acorda parmy les plaiges que il livrèrent , puis retournèrent oultre en

GODEFROI d'haRCOURT SF. RETIRE EN ANGLETERRE. 173

raprochant la bonne cité de Bourdieaulx ; car bien li sambloit et à plui^^eurs des siens que il avoient pour celle saison assés avant esté en Franche. Et ossy on luy avoit dit que ceulx de la garnison de Blaves constraindoient durement par la rivière de Géronde cheulx de Bourdiaulx. Sy .s'avisa ledit conte qu'il venroit mettre le siège devant Blaves, ensy qu'il fist. Par dedens Blaves estoient en garnison pour cappitaines messire Guichart d'Angle et messire Guillame de Roçouwart, deux vaillans chevaliers de Poito, et qui petit s'efFréoient de la venue du conte ; car il avoient avec eulx grant foison de bons compaignons de guerre. Le siège pendant devant Blaves, le conte de Kenfort, atout deux cens lances, s'en vint devant Mirabiel et courut le païs environ Ausnay , et entra en Saintonge, et puis retourna en l'ost et amena grant proie.

Ly mois espira, que cheulx d'Angolesme [se dévoient rendre, se il n'estoient point secouru] : il ne le furent point adont, pour quoy il les convint rendre, ou aultrement il eussent perdu leur hostaiges. Sy devinrent englès, et firent serment et obéisanche au conte d'Erby pour et o nom du roy d'Engleterre, et lors [i] establi ledit conte ung cappitaine qui s'apelloit Jehan de Nordvich , vaillant homme ; et estoit tousjours le siège devant Blaves.

En che tamps et en celle saison esquéy en l'indination et hayne du roy de Franche ung grant baron de Normendie, qui avoit à nom messire Godefïroy de Harcourt, et le convint vidier et partir du royalme de Franche ; car, se le roy l'eust tenu, on i'euist pendu. Sy s'en vint en Brabaut, car il estoit du linaige au duc Jehan de Brabant, et y avoit