MORT DE JACQUES DARTEVELDE
bonne revenue par an en bon hiretaige. Quant ledit messire Godeffroy se vey ensy banis et esoachiës du royalme de Franche, sy en fut durement courouchiës, et dist que il s'en contrevengeroit, se il povoit, et se party de Brabant, quant il eut là esté un terme dalés le duc, son cousin, qui recheu l'avoit moult liement, et prist congié et vint en Flandre, et entra en mer à l'Escluse et fist tant qu'il vint en Engleterre devers le roy qui lui fist grant feste.
Messire Godeffroy s'acointa sy bien du roy, que le roy le retint de son ostel et de son consail pour l'un des espésiaulx , et luy donna cinq cens mars de rente par an assigné moult bien en Engleterre.
En che tamps esquéy ossy Jaques de Hartevelle en grant haine de ceulx de Gand, ne say par quel affaire, et tant que il le tuèrent, dont le roy d'Engleterre fut moult dollant, quant il le sceult, mais amender ne le peult ; et ly rois de Franche et le conte de Flandres en furent moult lies , car il leur avoit esté trop contraire pour avanchier le roy d'Engleterre.
En che temps et en ceste saison meismes séoit devant le ville et chité d'Utrec, en le Basse-Frise, le conte Guillame de Haynau, fils au bon conte Guillame qui morut à Valenchiennes ; et estoit devant ladite ville atout grant foison de noble gens et de bonne gens que il avoit en sa compaignie, et [sy] contrainsdy ceulx d'Utrec, que il les mist à raison et les fist obéir à luy. Assés tos après, environ le Saint-Rémy, au départir de che siège entra- il en mer ou havre de Doudrec, pour aller en Frise et pour conquerra le païs, car il s'en disoit signeur. Sy prist terre en une place
LE COMTË^ DP. HAIMAUT ESt TUÉ EN FRISE. 175
atout grant foison de nobles chevaliers et escuiers, où bien LX° Frisons l'atendoient, qui le combatirent ossy tos que il ot pris terre, et là eult grant foison de Frisons mors, mais Haynniers y furent desconfis, et le conte mors, et [de] tous les nobles qui avec luy estoient, petit s'en sauva. Messire Jehan de Haynau, son oncle, à toute sa route, ariva d'autre part que le conte , et les Frisons venoient sur luy ; et adont se sauva, au mieulx que il pot, en Haynau. De la mort dudit conte vaca le conté de Haynau ; car nuls hoirs n'en estnit demouré de lui, ne de madame sa femme, fille du duc de Brabant. Sy se traist avant par droit de sucession madame Magrite, sa sœur aisnée, femme de l'empereur de Rome Loys de Bavière.
. Bien estoit le roy Phelippes infourmés des conquestes que le conte d'Erby et les Englès avoient faites ens ou pais d'Acquitaine. Sy en estoit durement courchiés , et dist que che ne faisoit mie à souffrir et que il y pourveroit de remède. Sy s'avisa que il y envoiroit le duc de Normendie,. son fils , et le duc de Bourgogne, le duc de Bourbon et grant foison de bons chevaliers pour reconquerre che pais et combatre les Englès. Et ensy que il le devisa , il le fist , et institua son chier fils le duc de Normendie à aller celle part à tel nombre de gens que mener il vojloit. Le duc , qui amoit les armes et [avoit] à deffendre. et garder l'iretaige qui luy devoit revenir , obèy au commandement son père le roy, et fist ses ordonnanches tost et appertement , et se party de Paris et enmena. avecque lui grant foison de chevaliers de Normendie , de Picardie et des basses marches , et osy d'autre part , du païs de Bourgogne, d'Auvergne et d'autre part. Et tant esploita ledit duc par ses journées que il vint en la cité de
(7(> LR l)L'C DE NORMANDIR
Toulouse-la-Gaillarde , où ses mandemens estoit. Là séjourna ledit duc tant que toutes ses gens furent venus , le duc de Bourgogne , ses oncles , messire Phelippe de Bourgogne, conte d'Artois et de Boulongne, et le duc de Bourbon , le daulfîn d'Auvergne , le conte de Fores , le conte de Vailentinois et grant baronie d'autre part , et le sénescal de Bieaucaire , le sénescal de Carquasonne , le sénescal de Roergue , le sénescal de Quersin , le sénescal de Limosin, le sénescal d'Aghenois, le sénescal de Bigorre. Et avoit bien le duc de Normandie en sa route en son host cent mille hommes , que uns , que aultres.
Tantost après la feste du Noël , le duc de Normendie se par-ty de Toulouse en grant estât et en bon ordenanche , tout avisés quelle part il se trairoit , et estoient marisal de son ost le sire de Memorensy et le sire de Saint-Venant, et allèrent premiers devant le chastiel de Miremont , que les Englès avoient conquis en celle mesme saison. Sy Tasallirent tantost et sans délay , et y livrèrent grant assault et dur et qui dura ung jour tout entier, ne oncques che prumier jour on ne le peut conquerre ; et le second jour rasallirent ledit castiel , et y ot des Genevois qui bien se pavisoient et allèrent sy avant et sy fort s'aventurèrent que de forche il prirent le chastiel . et furent près tous mors les Englès qui dedens estoient ; et y mirent nouvelles gens, et puis passèrent oultre, et allèrent vers Villefrancheen-Aginois et tant esploitèrent que il y vinrent. Sy l'aségèrent , et à che jour n'y estoit point le capitaine messire Thomas de Kock ; mais estoit à Bourdieaulx devers le conte d'Erby. Toutefois les Englès qui estoient dedens Villefranche , se deffendirent vaillaument ; mais les Franchois estoient sy grant nombre et sy bien pourveu d'artillerie qu'il ne peurent durer , et fut la ville prinse , et ochis la plus grant partie des saudoiers, et arse la ville ;
