DU SÉNÉCHAL DE BEAUCAIRE

« devant , que je veisse oncques mais yssir de la ville ; (( car bien me samble que il y a bien VP bestes àcornes. » — u Messigneurs, dist le sénescal de Bieaucaire , je vous « diray que nous ferons. Je m'en chevaucheray devant à « LX lanclies, car je cougnois assés che païs , et acuel- H leray celle proie et le vous amenray en ceste vallée (sy « leur nomma), et là m'atenderés. Se les Englès issent « hors, je me feray chassier, et vous saurés avant , et ensy « arons-nous et hommes et proie et ville aussy. » Tout ensy qu'il ordonna, il le firent, et chevauchèrent couvertement et se mirent en esbuque en une grande vallée au dehors de la ville, et le sénescal , atout LX lanches , chevaucha autour de la ville et vint à un prêt , là où ^tout le proie estoit. Sy s'espardirent ces Franchois, et assemblèrent celle proie et le chassèrent devant eulx. Le cry monta en la ville ; les gaites cornoient , et les Englès s'armèrent et s'asamblèrent en la plache , et montèrent à cheval et issirent hors de la ville et se mirent as camps pour rescoure leur proie, et tant chevauchèrent que assés près de l'embusque il raconsiévirent les François. Sy dirent : « Par Dieu, seigneur, vous avés trop grant marte chiet de nos bestes; vous ne les enmenrés mie ensy. »

Adont se hastèrent les Franchois pour eulx faire chassier, et vinrent sur leur embusque. Adont sallirent plus de V lanches de bonne gens, qui tantost eurent rué jus ceste compaignie, et furent mors ou prins , que oncques Englès n'en escapa. Et ensy demoura le proie as dit Franchois par l'emprise du sénescal, et reprirent la ville, qui estoit englesse , puis le repeuplèrent d'autres gens d'armes et le pourvirent , et retournèrent l'endemain devant Angolesme atout leur prisonniers et leur proie. De eeste avenue eult grant joie et grant vois et grant renommée le sénescal de Biaukaire pour tant que il