LES FRANÇAIS ENTRENT A ANGOULÊME

avoit conduite et mise sus le chevauchie, [comment que] il euist des plus grans signeurs qu'il ne fust, assés.

Tant fut le duc devant la cliité d'Angolesme que par traitiet elle se rendy ; car elle dësiroit à estre franchoise. Sy s'en partirent les Eng!ès qui dedens estoient , sans damaige , et enportèrent leurs biens et retournèrent à Bourdieaulx. Adont entra le duc (]o Normandie dedens la cliitë à grant joie , et s'y reposa cinq jours , et puis chevaucha oultre atout son ost et ala devant le chastiti de Damassem, et y fu le duc qu'nze jours devant, anchois que il le peust avoir , et fînablement les Franchois le prirent de forche , et y morurent tous les Englès qui dedens [estoient sans nulluy] prendre à merchy, et fu ravitailiet de nouvel, et y mist bonne garnison, et puis se partirent et allèrent devers Thonis qui siet sur la rivière de Géronde, et tant exploitèrent que il y vinrent. Sy le trouvèrent bien prouveue d'Englès et de Gascons, qui le gardoient et le deflfendirent vaillaument ung grant taraps , et y avoit tous les jours assault ou escarmuche ; et tant y fu le duc que par composition que les Englès et les Gascons firent , qui dedens en garnison estoient , il s'en partirent saulf leur vies et leurs biens, et cheulx de la nation de la ville demorèrent Franchois , enpy que aultre fois avoient esté , et ensy fut la ville de Thonis sur Géronde [reconcquise] , et le regarnirent de nouvelles gens, et puis chevaucha outre devers le chemin d'AguilIon; mais il trouvèrent en leur voie le Port-Sainte- Marie sur celle mesme rivière , et là avoit environ Ile armes de fer, Englès et Gascons, qui gardoient le passaige, qui moult vaillaument se deffendirent ; mais finablement il ne peureut adont résister contre la puissanche des

SIÈGE D'AIGUILLO^. i81

Franchois, et furent desconfîs , et le passaige conquis, et furent tout mors ou pris ; et y mirent nouvelle garnison pour garder ledit passaige, et puis chevauchèrent devers Aguillon , qui est une moult belle plache et séant en le pointe de deux rivières , dont est l'une la rivière de Lot et chiet en Géronde , qui porte grant navire pour aller par tout le monde.

Sy tost que le duc de Normendie et ches seigneurs de France furent venu devant Aguillon, il s'espardirent en ches prés et tendirent tentes et pavillons et prirent grant logis ; car c'estoit l'intention du duc de Normendie que point ne s'en partiroit, sy l'aroit. Et là eult le plus bieau siège et le plus grant et qui longement dura et oîi il y eult fait pluiseurs bieaus fais d'armes, que on euist oy parler dedens grant temps ; car tous les jours y avoit assault ou escarmuche, ne on ne vey oncques gens faire sy grans fais d'armes que cheulx firent, qui dedens estoient, et dessus tous en avoit la huée messire Gautier de Mauny, comme chevaliers qui plus soigneus en estoit et qui plus souvent as camps sur ses ennemis estoit et qui plus les resvilloit et qui ses compaignons plus resconfortoit.

Quant les seigneurs et grant barons de Franche furent venu devant Aguillon et il eurent bien advisé et considéré le plache, il regardèrent que il ne povoient venir jusques à la fortresche, se il ne passoient la rivière qui est large et longue et parfonde, et leur convenoit faire un pont pour le passer. Sy commanda le duc de Normendie que le pont fust fait, quel que coustast. Ouvriers furent mandés et mis en oeuvre. Quant les chevaliers, qui dedens estoient en garnison en Aguillon, virent que ce pont estoit fais oultre le moienne de la rivière, il firent aparrillier trois navires et

entrèrent ens, et pnis chassèrent tous ches ouvriers en voie et les gardes , et desfirent tout che que ces ouvriers avoient fait et carpenté, et y avoient grant temps mis à le faire. Quant les barons de Franche virent che, il firent apariier autres navires pour aller à rencontre d'eulx, et mirent dedens grant foison de gens d'armes et d'arbales-triers, et commandèrent les ouvriers à ouvrer et à carpenter ung pont. Quant il eurent ouvré jusnues à midy , messire Gautier de Mauny et ses compaignons entrèrent derechief ens es nef et vinrent combatre ches gens d'armes et ches ouvriers, et en y eult grant foisen de mors et àe, blechiés, et perdirent les Franchois, et convint les ouvriers chesser, et fut romput et deffait tout ce que fait avoient. Ensy dura chelle rihotte tantraaint jours, et tondis estoit che au recommenchier. Finablement les seigneurs de Franche y vinrent sy estoféement et sy fort que le pont fut fais bons et fors.

Or passa le duc et toute son ost oultre armé et ordonné, et assaillirent de grant forche Aguillon ; mais riens n'y conquirent, et dura l'asault ung jour entier. Sy retournèrent au soir. Quant che che vint au matin, ches seigneurs de Franche avisèrent que il partiroient leur ost en quatre parties. Le premier ast^auroit du matin jusques [à prime ; le second de prime jusques] à midy ; le tierch de midy jusques à viespre ; le quart de vespre jusques à la nuit. Ensy fut fait, que il ordonnèrent, et assallirent par celle, ordonnanche six jours ; mais il trouvèrent si vaillans gens que rien n'y conquirent, fors des mors et des blechiés grant foison. Quant ces seigneurs eurent ensy travilliés leur gens et [veirent] que tous les jours perdoient et riens ne gaignoient, sy eurent nouvel consail qu'il cessei'oient de ches assauls et l'asaulroient par grant engiens qu'il avoient et qu'il mandcroient derechief en la cité de Toulouse. Sy furent

d'aiguillon. 183

ces eiigiensde Tost assis, et cheulx de Toulouse osy, quant on les eult là amenés, Sj commenchèrent à jetter pour enfondrer la fortresche ; mais cheulx d'Aguillon estoient sy bien et sy fort bretesquiés et sy saigement garité que ces assauls oncques ne les adamaigièrent de riens, et avoient les chevaliers englès qui là dedens estoient , aultres engiens qu'il firent lever et jetter contre les engiens des Franchois, et brissèrent tous jusques à six, dort ceulx de l'ost eurent moult grant mautalent, mais amender ne le peurent. Easy estoit le chastiel d'Aguillon assallis, et cheulx qui dedens estoient, par pluiseurs assaulx et par diverses manières ; car presque toutes les sepraaines on y trouvoit aucunes choses de nouvel pour eulx volloir porter damaige. Le siège durant devant Aguillon , il avenoitbien souvent que messire Gautier de Mauny s'en yssoit hors atout C ou VI" compaignons , et s'en alloit atout ses gens passer la rivière de leur costê, et ramenoient les Englès, voiant ceulx de l'ost , pluiseurs fois grant proie , dont les Franchois avoient grant anuy. Et advint ung jour que messire Charles de Memorensy, marisal de l'ost, chevauchoit atout V* compaignons , tous à cheval , et ramenoit grant proie devers l'ost, que il avoit fait acuellier sur le pais, pour avitaillier l'ost. Sy s'encouterèrent d'aventure de costé Aguillon messire Gautier de Mauny et messire Charles de Memorensy. Gautier n'euist jamais refusé, mais l'assally moult hardiement, et là eut dur hustin et fort, et maint homme reversés par terre et mors, et des aultres blechiés. Et sy bien s'esprouvèrent les Englès, parmy l'ayde du conte de Pennebrucq, qui yssy hors de la ville atout che que il peult avoir de gens, que les Franchois n'enmenèrent point leur butin, mais fut mené au chastiel , maugré eulx, et rentrèrent lesdis Englès ; et messire Gautier de Mauny et le conte de Pennebrucq estoient derrière combatant, et

entrèrent dedens Aguillon , maiigré les Franchois et sans point de darnaige , dont il furent grandement loet et prisiés de cheulx dedens et de cheulx de dehors.

De tels encontres y avoit souvent sans assault, et les Franchois escarmuchoient presque tous les jours à ceulx du chastiel , et se arguoit durement le duc de Normendie pour tant que cheulx d' Aguillon se tenoient sy vaillans , et estoit l'intention du duc que ne s'en partiroit par nulle condition , se 11 rois son père neleremandoit, sy aroit conquis la fortrepse , quoy que il deust couster. Or avisèrent les barons de Franche , qui là estoient , une aultre manière d'assault ; et fist en ung jour armer tous cheulx de l'ost, et commandèrent les seigneurs que cheulx de Toulouse et cheuls de Quarquasone , cheulx de Bieaukaire et leur sënescauldift assallissent du matin jusques à midy , et cheulx de Roergue, de Quer>yn, d'Agenois à leur retraire au vespre , et cheulx qui premier y pouroit gaignier le pont de le porte du chastiel , on luy donroit cent escus d'or. Et depuis derechief le duc de Normendie , pour mieulx furnir cel assault , fist venir et assembler sur la rivière grant foison de nefs et de callans. Ly pluiseurs entrèrent eus pour passer la rivière , et les autres passèrent au pont. Cheulx du castiel, qui virent l'ordonnanche de l'assault , furent tout apparilliet pour eulx deffendre. Adont commencha ung trop plus fort assault qu'il n'y euist encorres eu. Qui veist gens abondonner vies et corps et approchier le pont pour le convoitise de gaigner les cent escus que le duc avoit promis , et presser l'un sur l'autre, sycomme par envie, et qui regardast ossy ceulx du chastiel eulx deffendre vaillaument, il s'en peuist bien esmervillier. Finablement, au fort de la besongne , aucuns se mirent sur une nachièle en l'ieaue par dessoubs le pont, et jetèrent grans cros et havès audit pont , et puis tirèrent sy

d'aiguillon. 185

fort qu'il rompirent les caines qui le pont tenoient, et avallèrent jus par forche. Qui adont veyst gens lanchier sur che pont et tresbuscier l'un sur l'autre dix ou douze en ung mont, et veist cheulx de la porte d'amont jetter grans caillaulx et pos plain de cault et grans mariens , bien peuist veoir grant mervelle , et gens meshaigniês morir et tresbusquier en l'ieaue. Toutesfois fut le pont concquis par forche ; mais il cousta grandement de leur gens , plus qu'il ne vaulsist. Quant ly pons fu gaigniés , ceulx de l'ost eulrent plus affaire que devant , car il ne peulrent avisser voie comment ilpeuissent gaignier le porte. Sy s'en retournèrent à leur logis, car il estoit tart , etavoient mestier de reposer. Quant il furent retrait , ceulx du chastiel yssirent hors et refirent leur pont plus fort que devant.

Assës tost après vinrent en l'ost deus mestres enghigneour envoiet en grant parement devers le duc de Normendie et les signeurs de son consail , et dirent , se on les voUoit croire et livrer bos et ouvriers à foison , ils feroient cas fors et hauls sur quatre grandes fortes nefs que on menroit jusques au mur du chastiel , et seroient sy haulx que il sourmonteroient les murs, par quoy ceulx qui dedens lesdis cas se tenroient , se combateroieut de main à main à cheulx qui sur les murs seroient. A ches paroUes entendy le duc vollentiers, et commanda que ces quatre cas fuissent fais , quoy qu'il coustaissent , et que on mesist en oeuvre tous les carpentiers du pais et que on les païast bien et largement , pour quoy il ouvraissent plus vollentiers et mieulx et plus apertement. Ces quatre cas furent fais à la devise et ordonnanche des maistres en quatre fortes nefs ; mais on y mist longement , et coustèrent moult. Quant il furent parfais, et les gens d'armes dedens qui ceulx du chastiel dévoient combatre , et quant il eurent passet la rivière , cheulx [du chastiel] firent descliquier quatre mar-

186 SIÈGE d'aiguillon.

tinès , que il avoient nouvellement fait faire pour remédier contre ces quatre cas. Ches martinès jettoient si grosses pierres et sy souvent sur elles cas que il furent bien tost débrisiés et sy froissiés que les gens d'armes qui dedens estoient et cheulx qui les conduissoient, ne se peulrent dedens garder , ne garandir. Sy les convint retourner arière , anchois qu'il fussent oultre la rivière , et en fut ly uns effondres au fons de l'ieaue, et la plus grant partie de cheulx qui dedens estoient , noies , dont che fut pité et domaige , car il y avoit des bons chevaliers et escuiers qui entrés y estoient pour leurs corps avanchier.

Quant le duc de Normendie et les seigneurs de Franche virent le grant meschief et que par che il ne povoient venir à leur entente, il furent moult courouchiés, et firent les trois aultres nefs et les cas chesser et retraire, et issir hors tous ceulx qui dedens estoient. Sy ne savoient les seigneurs aviser tour, ne manière, ne engien comment il peuissent le fort chastiel d'Aguillon conquerre, et se n'y avoit prinche, ne baron, tant fust grant seigneur, ne prochain au duc de Normendie, qui osast parler du deslogier; car le duc en avoit parlé moult avant qu'il ne s'en partiroit, sy aroit le castiel à sa vollenté, et ceulx qui dedens estoient, se son père ne le remandoit : ceste assaulvation de jurement il y avoit mis. Sy avisèrent les seigneurs qui là estoient , le duc Oedes de Bourgogne, ses oncles, et le duc de Bourbon son cousin , que le connestable de Franche, contes de Ghines, et le conte de ïancarville, cambrelans de Franche, retourneroient en Franche et conteroient au roy comment l'afaire et le siège d'Aguillon alloit. Sy se partirent de l'ost et alèrent en France devers le roy et la royne, qui les rechurent liement pour la cause des nouvelles qu'il aportoient de leur chier fils le duc de Normendie ; mais pour che ne le remandërent-il mie à celle fois.-

EDOUARD III DÉBARQUE EN NORMANDIE. i87

Or nous soufferons à parler du duc de Normendie : sy parlerons de l'armée du roy d'Engleterre et comment il vint en Normendie et delà à Cressy en Pontieu.

Bien avoit oy recorder le roy d'Engleterre que ses gens estoient durement fort apressés du duc de Normendie, lequel avoit mis le siège devant le fort chastiel d'Aguillon, et que le conte d'Erby, son cousin, qui se tenoit à Bourdieaus, n'estoit mies fors assés pour lever le siège. Sy se. avisa qu'il mettroit sus une grosse armée de gens d'armes et de archiers, et enmenroit son jovène fils, le prinche de Galles, avecque luy et liiy aprendroit las fais d'armes pour, guerrier, et tout clie consilloit messire Goddefroy de Harcliourt, affiu que il se t'ust contrevengiet du tort que le roy Phelippes luy avoit fait. Sy flst le roy, environ le. Saint-Jehan-Baptiste, l'an mil IIP XL VI, ung très-grant et très-espésial mandement et commandement des barons, chevaliers et escuiers de son païs à estre à Hantone tout prest pour passer la mer le XV® de juUet, et envoia ledit roy parmy ses cités et bonnes villes d'Engleterre, à l'élection querre tous les railleurs archiers, qu'il y fuissent à chejour qui estoit asignés, et vinrent devers le roy à Hantone, et fut toute la navire preste, et entrèrent ens le roy, son fils, six contes, vingt-deux barons, quatre cens chevaliers et tout en somme six mile hommes d'armes et douze milles archiers et environ ^ix milles G.allois. C'estoit grant bieauté à veoir la navire naigier sur mer, et les enseignes et les banières venteler sur la mer. Sy y avoit environ quatre cens nefs. Là fist le roy sur mer messire Godefroy de Harcourt estre patron de toute la navire. Che messire Godefroy avoit très le mouvement consilliet et dist au roy : « Sire, je « vous feray prendre terre en Normendie et sur bon et

188 EDOUARD m

« cras pais où nul ne fut oncques. Vous ares très-belle « guerre, et pourés chevauchier seurement jusques à Paris, <' ne jà nuls ne vous yra au devant, et par che se deiFera « le siège de devant Aguillon, car je congnois tout le païs « et toute la marche, là où je vous voel mener ; car il n'i a « rieu, fontaine, ne rivière où jou n'ay esté voiler de mes « oisieaulx, et congnois tous les passaiges par où on puelt « entrer, ne yssir en Normendie. » Syque au pourpost et consail de messire Goddefroy le roy d'Engleterre s'estoit assés asentés, et pour ce l'avoit-il fait patron de toutes les navires et maistre amiral, et le conte de Warvich avecques luy par compaignie. Sy ariva le roy et prist terre, et toute sa navire, en Constantin en le Hoghe-Saint-Vast. Là les adrecha de sa bien venue messire Goddefroy de Harcourt par umaige et par amour. Ensy que le roy yssoit de sa nef pour prendre terre, il s'escuella si fort que il chéy moult radement sur le sablon, et tant que le sanc lui sally hors dunes. Lors dirent ses gens : « Sire , retrayés-vous. Chils « signes-chy ne nous plaist mie » — « Pourquoy ? respondy « le roy ; il m'est moult plaisant, car le terre me désire, » Ensy prist le roy Edouart port et terre , en le Hoghe- Saint-Vast , en l'isle de Constantin. Sy se logèrent che jour et l'autre après sur les camps en eulx rafreschisant et en metant hors leurs chevaulx et leur harnast. Le second jour , il entendirent à ordonner leur besoignes et à ordonner leur batailles et à veoir comment il chevaucheroient. Sy se mirent en très-bonne ordonnance , en trois parties. Sy devoit aller l'une des parties tout serrant le marine pour trouver le bon païs , et allèrent devers Barfleu au destre lés ; et la seconde partie au senestre. Et le roy et son fils et se bataille chevauchoient au millieu ; et tous les soirs se dévoient retrouver ensamble. Sy se mirent au chemin , et messire Godefroy de Harcourt et le conte de