DEUXIÈME AVIS SUR LA GUERRE DES HUSS1TES

— Voir p. 202. — Ms. fond français 1278, fol. 146.

Pour vouloir entreprendre armée contre les Hous, il est expédient d'avoir les choses qui s'ensiuvent.

Premièrement, que le prince qui la charge de laditte armée vouldra entreprendre, si ait lettres du Roy des Romains l advétans es éliseurs, princes, prélas et bonnes villes dudit empire, contenans comme ledit roy à estably et requis le dit prince comme le plus puissant du Saint-Empire de vouloir prendre et supporter la charge de ladite armée comme son propre lieutenant, et avec ce, soit contenu esdittes lettres que ledit Roy mande es dessusdiz que, sur la féaulté et léaulté qu'ilz ont en lui et au bien de la cristienté, soient vrays obéissans audit prince, et avec ce, que les deniers qui sont levez et qui se lèveront soient distribuez de tout en tout par l'ordonnance dudit prince.

Item, que ledit Roy rescripve à notre Saint-Père le pape que, pour les grans affaires qu'il a contre les Turcs qui son royaume

* L'Empereur Sigismond, élu en 1410, mort en 1437.

de Hongrye vueillent destruire, il ne peut fore armée contre les diz Hous, 1 pourquoy il a eslëu pour son lieutenant ledit prince comme le plus grant dudit empire pour estre chief de ladite armée, et pour ce, qu'il supplie au pape que pareillement vueille rescripre es princes dessusdiz et à tous autres qu'ils soient vrays obéissans audit prince et maldye et excommenye tous les désobéissans audit prince et bénéisse tous les vrays obéissans, et avec ce, que le dit pape donne dissime sur ledit empire et autres pays voisins pour lever argent pour ladite armée, lequel sera emploiet par l'ordonnance dudit prince.

Item, estoit l'entention du dit Roy, quant je me partis, d'aller à Rome sur ceste saint Remy, pour soy coronner * et parler au pape desdites matières, et pour tant, se ainsi est que le dit prince vueille entreprendre ladite charge, en passant quant le dit Roy fera toutes les montaignes , il approuchera le pays de Bourgogne à deux journées près, et là ledit prince porra parler à lui, et porra envoier aucuns de son conseil à Rome avecques ledit Roy s'il n'y vouloit aler.

Item, pour savoir la puissance desdiz Hous, par le raport des chevaliers du pays à présent fuitifs et de l'ostel dudit Roy, est sceu qu'ilz ne se peuent trouver en toute puissance plus de VIIIC (?) hommes d'armes, mais de commune de XXX à XLM combatans, et dient lesdiz chevaliers que, se ung puissant prince venoit ou pays, qu'il y a plusieurs forteresses et bonnes villes qui lui feroient obéissance et ayde contre lesdiz Hous, mais sans veoir ladite puissance, ilz ne se oseroient mouvoir, car l'année passée, pour tant que les Alemans que il furent à grosse puissance, ilz s'en revindrent fuyans sans ouser actendre la bataille, par quoy ceulx qui leur avoient fait obéissance en furent destruis.

* Sigismond ne put armer contre les Hussites qu'en 1431. 11 le fit sans succès.

* Il reçut la couronne de fer à Milan en 1431 et la couronne d'or à Rome le 31 mai 1433.

Item, que ledit pays est pays plain et y peuent aller charios pour mener tous vivres, et aussi est fertile de tous biens, exepté de vins.

Item, par commune extimacion' de gens, ledit prince porra avoir des gens des pays d'Alemaigne de cinq à VI M chevaliers et escuiers.

Item, n'est point possible que nul prince puist entreprendre ceste matière sans avoir le sceu et consentement dudit Roy, pour plusieurs raisons que l'en porra bien dire audit prince.

Item>que desjà sont levées grans sommes de deniers qui sont mises en dépost es églises catédrales des cités jusques à ce qu'il soit advisé qui sera chief à la saison qui vient pour ladite armée, et à cellui prince une chacune province lui mandera par escript les sommes de deniers qu'ilz ont en garde.

Item, porra l'en encores advertir audit prince plus de choses quant il vouldra prendre la charge, mais qui la vouldra emprendre, que ce soit en temps deu, car grant fait ne se puet conduire s'il n'est mis sus de longue main.

Item, n'est pas possible que par prince de la langue d'Alemaigne ceste chose se puisse conduire, la cause si est car le roy de Dampnemarche ' siapluseurs grosses guerres dont il est assez empeschié et aussi n'a pas gens de ses subgés qui sceussent conduire une telle matière.

Item% que le duc Loys, conte palatin du Rin, i seigneur d'Edelebert, est chief des éliseurs, si est tellement malade du corps que de lui ne fault plus fère mémoire.

Item, que le duc de Saint-Seigne, marquis de Misse,3 qui estoit le plus puissans des Alemaignes et éliseur en l'Empire,

1 Eric,occupé depuis 1414 à la guerre avec les princes deHolstein, pour le duché de Sleswick, guerre qui dura jusqu'en 1435.

* Louis III, dit le Barbu, comte palatin, mort en 1436.

3 Frédéric I, de Misnie (la capitale de la Misnie était Meissen), électeur de Saxe, mort le 14 janvier 1428. Son fils, né en 1411, avait 17 ans quand il mourut. Notre auteur dit environ 16 ans.

est aie nouvellement de vie à trespast, lequel a laissié ung filz qui a environ XVI ans, lequel est trop jone por conduire une telle matière. '

Item, que le marquis de Brandebourg,1 qui est le tiers éliseur, si est très malade de sa personne, et aussi n'a pas puissance de soy pour conduire une telle matière.

Item, ne sera point chose d'expédient que les arcevesques de Méance, de Coloigne et de Trièves, qui sont les autres éliseurs, que ung d'eulx fut ydoyne pour estre chief de ladite armée. • Item, quele duc Alebert d'Osteriche 2ne porroit conduire ceste matière, car les ducz de Zaine 5 ne les éliseurs ne y obéiroyent point, pour ce qu'ilz se dient estre de plus grant lignage que ledit duc d'Osteriche, et aussi il n'a point puissance pour ce fère.

Item, pour toutes conclusions n'est point possible chose à croire que ceste matière se puisse conduire ne mener à effect sans chief, dont le roy des Romains est l'un et le prince à qui cecy s'adrece est l'autre, et en ceste opinion se tiennent la plus grant partie des princes d'Alemaigne et ainsi fault que l'un d'eulx soit chief et tousdiz y estre en personne.

1 Frédéric I, marquis de Brandebourg. L'auteur dit avec raison que la puissance lui manque. S'étant rais à la tête de l'armée impériale en 1430 pour cette même guerre, il n'y put réussir.

* Albert, duc d'Autriche, fils d'Albert IV et de Jeanne de Bavière, fut Empereur en 1438 sous le nom d'Albert II.

5 Les ducs de Saxe.