LE CONCILE DE BALE

— Voir p. 207. —

Archives de la Cote d'Or, à Dijon. Layette des conciles, (79) cote 8, aujourdhui B, 11615. — Copie : Bibl. nat. de Paris fonds de Bourgogne, t. 95, p. 708 et s.

A notre très chier et honnoré Seigneur Messire N. Rolin, seigneur d'Authume et chancelier de notre très redoubté seigneur monseigneur le duc de Bourgoingne.

Nostre très cher et très honnoré seigneur, nous nous recomandons à vous tant chièrement que povons, et avons receu voz lettres escriptes à Dijon le XXIXme de mai, faisant mencion de pluseurs poins, entre les autres que ne'voulsissions prandre aucun appointement ou lieu de Monseigneur sans son ordonnance. Sur quoy plaise- vous savoir que dudit lieu tous diz avons fait bon devoir et, affin que soyés plus advertis, vous envoyons la proposicion faicte en latin avec les responses faictes par eulx. Au surplus par le concilie ont esté ordonnés les cardinalx avecques eulx appelez VIII des IV députations pour y appointer , et comme entendons ils n'y diffinièrent riens ; mais, par manière de expédient jusques ad ce que plus grandement soient informés, sans préjudice des parties, ont entencion que TAmbaxade de

Monseigneur et des dessusdits soient entrelassées incontinent après les Roys, le premier des gens de Monseigneur premier ausy conséquemment. Mais de l'accepter nous ne sommes aucunement d'acord sans avoir premier l'advis de mondit seigneur ou de vous, ains avons propoz de en publique demander ledit lieu de Monseigneur comme autrefois avions, et après cela prandre congié dudict concile et nous tirer devers vous pour avoir advis sur tout et de ce que s'en fera. Se nous n'alons par delà, vous avertirons incontinant.

En oultre maistre Jehan Vivien est arrivez par deçà le IIIe de juing et nous a apporté lettres de créance contenans en effet que mondit seigneur étoit très content de ce que nous estions arrestés à Èasle et ne vouloit point que pour l'eure alissions à Rome.

Item, nous commendoit de adhérer de par lui audit concilie et sur ce nous a envoyé très large povoir en lettres patentes signées Serrarii et seellées du seel de secret.

En oultre, quant à la question dudit lieu, mondit seigneur s'en rapporte entièrement à nous d'y faire le mieux que pourrons et de garder toutesfoiz son honneur, et gardent l'amistié si avant que pourrons entre mondit seigneur et lesdiz éliseurs.

Et en oultre, pour ce que grande voix court es divers lieux des différens qui sont entre notre saint père et le concilie, mondit seigneur nous a mandé de rechief, car ainsy nous avoit esté chargé, à notre département, de, en toutes manières que pourrons, saulve Tonneur de mondit seigneur et sa conscience, favoriser et porter le fait du Pape et de non consentir de par luy à sa déposicion ou suspension, etc.

Sur lesquelles matières et quant au fait du Pape, nous voions qu'à touttes fins pluseurs tendent à la destitucion et déposicion du Pape, soubs coleur d'une cédule par laquelle ilz vuellent entièrement adnuller son élection, et après ont entencion de procéder à sa déposicion, tant soubs celle coleur que soubz tiltre qu'il est dilapidateur des biens d'Église et inutile au gouvernement d'icelle, et nonobstant qu'il aye envoyé de pré-

sent cinq bulles et ordonné légas et commis pour présider ad ce concilie et procéder à tous les poins pour lesquelx le concilie est mis suz. Toutesfoiz ceulx dudit concilie n'en sont aucunement contens,vueîlent bouter oultre leur entreprise, * et en vérité se Dieu n'y pourvoie, nous aurons cisme en l'église, qui sera trouble pour tout le monde. Touteifoiz au regard deceste matière, l'Empereur et tous les Alemans sont au contraire et pour riens ne consentiront à la déposicion de notre dit Saint-Père. De ceste oppinion sont les Anglois qui sont par deçà ; de ceste oppinion sont les gens de monseigneur de Savoye et sur ce nous a escript mondit seigneur de Savoye que en cas que ceulx dudit concilie vouldroient procéder à l'encontre du Pape à déposicion etc. , nous voulsissons opposer avecques lui en ceste matière, disans qu'il n'a point satisfait et qu'il estbesoingde adhérer simplement etsanscondicion,et,se Dieu n'y pourvoye, nous sommes en dangier d'avoir cisme en l'Eglise, et quant ad ce les Ambaxadeurs de l'Empereur, des Eliseurs de l'Empire, du Roy de France et du Roy d'Engleterre, du Roy d'Arragon, du Duc de Savoye, du Duc Alberch d'Auterriche, du marquis de Misse, sont d'une conclusion de non vouloir aucunement assentir affaire chose dont cisme peut venir et avons tenu journées avec eulx pluseurs et prins conclusion de premièrement exorter ceulx du concilie qu'il veuille délayer telles voies et encore requérir notre dit Saint Père de adhérer plainement et en cas quils vouldroient procéder avant, et non déférer aux requestes faictes par les dits Ambaxadeurs, avons conclud de protester de non assensu aut consensu, etc. Et hier fut exécutée la voye deéxortation en la personne du Président dudit Concilie, touz lesdits Ambaxadeurs présens, par la bouche de l'évesque de Nevers, en nom de toux lesdits ambaxadeurs, et avons espoir d'y proffiter au- bien de l'Église universale.

Et quant au fait de l'Evesque d'Aucerre, nous y avons fait et

1 Les neuf lignes, «i importantes, qui suivent jusqu'aux mots : disant qu'il n'a point satisfait, etc., manquent dans la copie de Paris.

faisons tout le mieulx que pouvons et avons mis suz procureurs et advocas pour son droit garder.

Quant aux nouvelles de par de ça, les ennemis se fortiffient de jour en jour en suppoux et prélas, et hyer arriva l'Evesque de Roddez, armignac, et de notre costé nulz.Si ferez bien ainsi que propoux en avez, comme le nous escripvés, d'y pourvëoir Monseigneur venir.

Nous vous envoyons une cédule contenant la récepcion de l'Empereur à Rome.

Le pourteur des présentes a demeuré par deçà jusques à présent pour actendre ceulx dont chargé l'aviez et a besoigné diligemment.

Notre très chier et honnoré seigneur, se chose voulez par de ça que faire puissions mandez-le nous et nous l'acomplirons de très bon cueur, ce scet Notre Seigneur qui vous doint bonne vie et longue, et l'acomplissement de touz voz bons désirs.

Escript à Basle, le XV de juing.

Les toux vostres, je Evesque de Nevers, G. De Lannoy, chevalier, je Vivien, et je de Fruyn ' ambaxadeurs de Monseigneur le Duc à Basle.

A notre très honnoré seigneur monseigneur d'Authume, chancellier de notre très redoubté seigneur monseigneur le duc de Bourgoingne.

Notre très honnoré seigneur, tant et si humblement que povons plus, nous nous recommandons à vous et vous plaise savoir, notre très honnoré seigneur, que nous escripvons présentement à notre très redoubté seigneur monseigneur le duc sur le fait de notre venue en ceste ville de Basle et autres choses touchans notre charge ainsi que plus à plain pourrés veoir par

* Ce nom est laissé en blanc dans la copie de Paris.

lez lettres de mondit seigneur et certains articles en icelles enclos, lesquelx vous envoyons semblablement enclos en ces présentes afin de y prendre et avoir advis avec mon dit seigneur, et mesmement en l'article touchant la requeste sur la dilacion du décret dont avons entre autres choses espécial charge. Si vous supplions, notre très honnoré seigneur, humblement qu'il vous plaise sur ce advertir mondit seigneur et y tenir la main envers lui afin de savoir et avoir son advis, voulloir et bon plaisir ou fait dessusdit pour procéder et nous gouverner selon qu'il nous mandera et que ce soit le plus brief que faire ce pourra ainsi que la chose le requiert. Notre très honnoré seigneur, nous sommes adez prests et désirans de faire et acomplir à notre povoir vos bons plaisirs de très bon cuer, comme scet notre seigneur qu'il vous ait en sa saincte et benoicte garde et vous doint bonne vie et longue. Escript à Basle le XVIIIe jour

de septembre (1433).

(Les signatures sont coupées.)

S'ensuivent les articles dont est faite mencion es lettres devant dites.

Et premièrement, comment les gens et ambasseurs de monseigneur nouvellement envoyez au saint concile de Basle ont esté à grant joye et honneur receu audit lieu de Basle et très grandement accompaigniez des gens familliers de messieurs les cardinalz, monseigneur le duc Guillaume de Bavière, protecteur dudit concile, et autres illec estans. Lesquels leur vinrent au devant plus d'une demie leue et les acompaignèrent jusques en leur hostel.

Item, que lesdiz ambasseurs ont trouvez mesdiz seigneurs les cardinalz, en leur commune visitacion, très favorables aux affères de mondit seigneur, en eulx offrant en tout ce que faire pourroient pour lui et son bon vouloir et plaisir, et semblablement ledit duc Guillaume et le bourgmaistre et conseil dudit lieu de Basle qui visitarent iceulx. ambasseurs le jour ensuivant quilz furent illec arrivez, en eulx adjoyssant de leur venue et offrant comme dessus et leur envoyèrent au disner vin à grande planté, blanc et vermeil.

Item, que eulx arrivés au lieu de Montbélial, ont trouvez certaines lettres des autres ambassadeurs de mondit seigneur audit lieu de Basle et pansent que les pareilles avoient esté envoyées à monseigneur le chancellier, contenant pluseurs nouvelles advenues audit lieu de Basle, touchans leurs charges en icellui lieu.

Item, que eulx arrivez audit lieu de Basle et à plain informé des choses dessusdictes, c'est assavoir que le lundi VIP de septembre, ledit Guillaume, ensemble un nommé messire Jehan Offembourch chevalier, avoient fait requeste que, actendu que l'Empereur estoit en chemin et qu'il seroit de certain à Basle pour tout le mois de septembre et qu'il apporteroit chose dont ils seroient contens par raison, ils voulsissent proroguer le temps donné au Pape pour adhérer, jusques à sa prouchaine venue. Et, sur ce eue ce dit jour délibéracion et conclusion, fut depuis le jeudi Xe de ce mois conclut le délay de trente jours ensuivans après ledit Xe jour et lendemain vendredi XIe dudit mois publié par décret en cession publique, dont le double est, comme dit est, encloux esdites lettres avec ces présens articles.

Item, en ce même temps, arriva un évesque, ambasseur du Pape, nommé Serinensis, et alors futassés commun qu'il apportait bulles de adhésion ou adhérence de par le Pape. Pour lesquelles choses, lesdiz ambasseurs, ensemble 1 evesque de Neversetsescompaignons,ad ce présens les gens de monseigneur le duc de Savoye estans audit lieu de Basle, ont mis en conseil et délibéracion s'ils dévoient procéder à l'entérinement de leur charge, et mesmement au regart du fait du Pape et s'ils procèderoyent incontinent à faire la requeste de délay de trois mois,etc.Et après pluseurs raisons et motiz d'un costé et d'autre, actendu que la chose estoit fort muée depuis leur département et, se le Pape adhéroit dedans ledit temps et ils eussent fait leur requeste, elle seroit irritative et sans aucun fruit ou prouffit, l'en actendoit avoir certaines nouvelles du Pape en ceste matière et que temps souffisant resteroit pour faire ladite requeste. Ont esté tous d'un commun accort que, pour le présent, l'en

délaieroit à faire icelle requeste soubs couleur d'actendre monseigneur le conte de Fribourg et aussi les gens et ambasseurs de monseigneur de Savoye qui doivent briefment estre audit lieu de Basle.

Item, a esté l'advis desdiz ambasseurs que, ou cas que le pape adhérera au saint concile dedens le terme dessusdit, qu'il ne sera jà besoing de procéder à ladite requeste. Toutesfois que, en cas que dedans le dit temps, ils sentiroient que le pape ne adhéreroit et auroit envoyé lesdites bulles de adhérence ou que par occasion d'aucunes autres deffences et conditions que pourroient d'un costé et d'autre à cause d'icelles bulles, ladite adhésion ne seroit parfaicte dedens ledit temps et que pour ce ceulx du concile vouldroyent procéder à l'exécution de leur décret dont s'en pourroient ensuir inconvéniens, Cisme ou esclandre, sont tous conclus, fermes et déterminez en cedit cas dedans certains jours compectans devant à procéder entièrement à la poursuite de ladite requeste et en deffault d'acomplissement d'icelle, procéder à l'exécution contenue aux instructions de mondit seigneur se non que, dans ledit temps ils aient autres nouvelles et mandement de mondit seigneur.

Item, ce dit jour, se sont trez par devers messieurs les cardinalz de Saincte-Croix aucun des gens de mondit seigneur de Bourgoingne et de Savoye, pour avoir leur advis sur l'article dessusdit. Et a esté entièrement mondit seigneur de Saincte- Croix de l'advis dessusdit et monseigneur de Rouhem, du délay et que se en la fin l'on ne pouhoit obtenir ladite requeste, l'on pourroit obtenir aucun autre bien.

Item, le venredi XVIIIe jour de ce présent moys, ont présenté en plain concilie les ambaxeurs des Eliseurs une lettre de part tous leurs maistres escriptes à Francfort où il l'ont tenu certaine journée, contenans en effect que le saint concilie voulsit délayer et proroguer le terme donné au Pape de LX jour et souspendre l'exécucion d'icellui jusques ad ce que leur ambaxade, qu'estoit preste et desjà estoit en chemin, fut alée devers notre dit saint Père et l'Empereur le exorter, etc. et requéroyent instamment avoir sur ce responce incontinant.

Item, affin que par inadvertance ne soit oblié, le Roy notre sire, par ses lettres, avoit requis paroillement, de environ le XVIIe jour d'aoust.

Item, le XIe de ce moys, furent leues lettres du Dalphin requérant ce mesme et que ung nommé Messire Symon Charles estoit ordonné pour aler devers le Pape. (Archives de Dijon, ancienne lay. 79. Liasse 1, cote 13, aujourd'hui B 11615 : pièce originale.)