EXTRAIT D'VNE LETTRE ESCRITE A MONSJEVR DE RACAN

Que voulez-vous dire de vous plaindre d'vne Teste, de i laquelle vous tirez de si excellentes choses? Sans doute les douleurs aiguës qui l'ont travaillée quatre jours de suite ont esté les tranchées de cette admirable production que j'ay veuë. Et ne sçavez-vous pas qu'il falut des coups de marteau, et des coups de hache, qu'il falut de la violence et des efforts pour faire sortir Minerve de la teste deîupiter? S'il y a des maladies où il y a quelque chose de plus qu'humain, vostre migraine est de celles-là. Et en conscience, que peut-on voir de plus eslevé et de plus fort, de plus sage et de plus judicieux que l'Ode que vous m'avez envoyée? Si vous fussiez mort incontinent après ravoir faite, ç'eust esté la voix du Cygne, et il n'y en a jamais eu au rivage de Méandre, qui ait pris congé du Monde si mélodieusement.