CHAPITRE IIII

Démonstration de la généalogie du Roy Menelaus. Et comment il eut de sa femme Heleine vne fille nommée Hermione. Et des auentures de ladite Hermione. Et aussi de celles de Castor et PoUux, frères germains de ladite Heleine.

Le sovvent allégué, messire lean Bocace de Certal, Florentin, en son xii. Hure de la Généalogie des Dieux, demonstre que Tantalus Roy de la haute Phrygie, et selon Diodorus Siculus en son cinquième liure, aussi de Paphlagonie, fut fîlz de lupiter troisième de ce nom, Roy de Crète quon dit maintenant Candie, et dune Nymphe appellee Plote. Et eut de Taygeta sa femme, ou selon Lactance, de Pénélope, vn filz nommé Pelops, qui eut vne espaule dyuoire, selon les poètes : et si en eut aussi vne fille appellee Niobé, qui fut femme à Amphion Roy de Thebes en Beotie. Iceluy Tantalus fut homme riche et puissant, mais trescruel, iniuste et auaricieux. Et fut celuy qui rauit le beau Ganymedes filz du Roy Tros, qui premier fonda Troye, pour le donner à lupiter Roy de Crète, dont il eut grand somme dor. Et pour sa peruersité détestable les Dieux le condamnèrent aux enfers, où il est perpétuellement tourmenté de faim et de soif : mais de son viuant mesmes il deuint poure, et fut 'chassé de son royaume par Ilus Roy de Troye, comme met Diodorus. Ledit Pelops son filz, vaillant homme et bon guerroyeur, parauenture pour la