SINGVLARITEZ DE TROYE. LIVRE II
aussi quon ne la leur ostast par force, comme on auoit fait Cljtemnestre, ilz saduiserent dun bon expédient, pour la loger hautement et sans danger. Car comme met ledit Antoine Volsc sur le comment de lepistre d'Heleine à Paris, en allegant Thucydides Grec son autheur, ledit Roy Tyndarus et sa femme, assignèrent à tous ceux qui lauoient requise en mariage certaine iournee de se trouuer en leur cité d'Amycla, pour mettre fin à leurs requestes : lesquelz ny faillirent point. Et à ce se concorde Dion, duquel nous auons parlé au prologue de ce second liure. (1) Entre les autres Princes y furent Agamemnon Roy de Mycenes, desia gendre dudit Tyndarus, comme dessus est dit, frère de Menelaus Roy de Lacedemone. Apres donques les auoir festoyé en vn grand et somptueux conuiue, le Roy Tyndarus leur dist en ceste manière : « Treshauts et tresexcellens Princes, il ha pieu despieça à chacun de vous me faire cest honneur que de me demander par loy de mariage ma treschere fille Heleine. Si ay tousiours différé iusques à présent, den faire promesse à nul dentre vous mes frères et seigneurs, craingnant que dauenture en complaisant à lun ie noffensasse lautre, et encourusse voz indignations particulières : qui estes tous Princes et Roys de haut affaire, contre lesquelz ma seigneurie auroit bien petite durée. Or voyant que plus ne puis reculer, ie vous fais icy libéralement vne ouuerture : Cestasauoir si vous serez contens par commun consentement, de bailler loption et le choix de voz tresnobles personnes à elle seule : Cestadire que celuy quelle nommera de son plein gré, pour son seigneur et mary, ce soit, sans contradiction quelconque. Protestant toutesuoyes sur la foy que ie dois aux Dieux immortelz, que de lun ne
(1) parlerons en le fin de ce second livre (mscr. de Genève). II. 3
3é ILLVSTRATIONS DE GAVLE, ET
de lautre ie ne lay embouchée, ains luy en laisse et permets totalement son franc arbitre. »
A loffre et aux paroles du Roy Tyndarus trestous lesdits ieunes Princes dune voix unanime respondirent, quilz en estoient contens. Se confians chacun en sa beauté, ou en sa richesse, et grand parentage : et cuidant vnchacun estre le mieux aymé : car elle les auoit entretenuz également. « Or ça, messieurs donc, dit le Roy Tyndarus, puis que vostre bon plaisir se condescent à ce, vous ferez icy, sil vous plaist, serment solennel sur les images de noz Dieux, lesquelz ie feray apporter en présence, que tous et vnschacuns, ratifierez par commun accord le mariage den^ tre celuy qui sera eslu par le chois libéral de ma fille Heleine seule. Et luy porterez et ferez porter par vous et par les vostres parens, amis, et alliez quelz quilz soient, ayde, faueur, confort et garand enuers tous et contre tous, sans iamais venir au contraire. » Et ilz respondirent tous en commun, quilz le vouloient ainsi. Adonques les statues et simulacres des Dieux et Déesses anciennes furent apportées : et entre les autres Hymeneus, luno, et Venus, qui presidoient aux mariages. Si feirent tous lesdits Princes le serment en la forme dessus escrite, en mettant la main sur les idoles : et auec ce, burent solennellement les vns auec les autres : et selon les cerimonies ou plustost superstition de ce temps là, feirent priué sacrifice aux Dieux dessusdits : par effusion de vin pur en terre pour plus grand approbation desdites conuenances. Laquelle chose fut la cause motiue et principale pourquoy ilz se benderent depuis tous dun vouloir contre les Troyens : comme ces choses met Thucydides Grec au commencement de son histoire, disant ces mots : Helenœ procos iureiurando Tyndari adactos. atque itemm illud venit in mentem, viro r>t
SWOTLARITEZ DE TROTB. LITRB H. 8K
coirent iureiurando proci^ atque inter ipsos iungerent dextras rei. (1)
Quand le Roy Tyndarus tresioyeux eut mené tous lesdits Princes iusques là pour sa seureté, il adressa sa parole à la belle Heleine, et luy dit en ceste manière : « 0 ma fille, tu dois bien regracier les Dieux qui te donnent le chois de nobles Princes, riches, puissans et beaux, qui sont icy, comme la fleur et leslitte de tout le monde : laq uelle chose naduint iamais à autre fille de Roy. Or puis que leur triomphale bénignité sest daigné humilier iusques là, choisis en lun à ton plaisir. Et veuUent les Dieux souuerains que ce puist estre en bonne heure et prospère. » A ces mots la tresgracieuse damoiselle rougit doucement, par honneste vergongne. Et sespandit (2) parmy sa clere face, vne semblable couleur que noble pourpre, sur yuoire blanc. Dont elle se monstra plus belle aux assistans : si sexcusa de ce faire par plusieurs moyens. Neantmoins après ce quelle eut esté beaucoup oppressée de tous communément, et mesmement de sa mère la Royne Leda, et de Castor et Pollux ses frères, declairer sans aucune crainte ou timidité, celuy quelle eslisoit diceux Princes pour son seigneur et mary : Elle songea vn petit, et ce pendant les ieunes Princes qui branloient en espoir meslé de crainte estoient attendans par grande cupidité, la détermination de son courage : ainsi comme les litigans en court souueraine, après longues procédures, escoutent larrest et la sentence diflBnitiue de leur iuge.
Apres ce que la Déesse des femmes, la fleur fleurissante en beauté féminine, eut assez pensé, iettant son plaisant
(1) Dei (éd. 1516). Thucyd. I. 9.
(2) sespardit (mscr. de Genève). Cf. espartir, répandre.
50 ILLVSTRATIONS DE GAVLE, ET
regard en terre, elle ouurit sa bouche petite et vermeillette semblable aux nues rubicundes, quand le Soleil sesconse : et dune voix doucette, mieux organisée que la lyre d'Amphion, prononça les mots qui sensuiuent : « Il ne se faut esbahir si ie redoute et diffère le trescremu commandement, duquel tu mon trescher seigneur et père, et toy madame ma mère, me imposez nécessité présente. Cest en nommer lun de ces treshauts Princes qui icy sont, pour mon seigneur et mary futur : car maintes nobles Princesses plus accomplies en beauté corporelle, sans comparaison que ie ne suis, desireroient bien tel aduenir pour elles sans y estre contraintes, attendu quun chacun d'eux est suffisant assez pour obtenir en mariage, mesmes vne haute Déesse. Et dautre part, ceste inionction passe les limites de virginale simplesse, et excède toute féminine audace. Toutesuoyes, congnoissant que le contrester ne my seruiroit de rien, et que ie ne me puis excuser de filiale obédience, et aussi que le bon plaisir de tous messeigneurs presens est tel, sans ce toutesuoyes que ie choisisse (car en choses égales ne gist point de chois), attendu mesmement quilz sont indifferens en beauté, bonté, noblesse, honneur, richesse, valeur, et prouesse, quant à moy : et souz vostre bénigne correction et supportation, ayez aduis si à vous et à monseigneur Menelaus Roy de Lacedemone, il plaira que ie soye son humble espouse, et compaigne. » Ceste élection faite ainsi par Heleine de son mary Menelaus tesmoigne Euripides, disant ainsi :
Gnatse facit lus, vti procis ex omnibui Deligeret vnum quemlibet sibi virum, Quocunque grata ferret aura Cypridis, Menelaon illa deligit, etc.
SIKGVLARITEZ DE TROYE, LITRE II. 5f
A ceste response, tant courtoise et tant gracieuse, tous les Princes dune voix se consentirent : car le Roy Menelaus estoit bien voulu de tous, et estoit beau Prince, ayant la perruque blonde, tesmoing Euripides en sa Tragédie d'Iphigenia, qui dit :
Clarum Agamemaonem et flauicomum Menelaon.
Peult estre aussi, quelle le choisit plus voulentiers pour lamour que sa sœur Clytemnestre estoit desia mariée au Roy Agamemnon son frère. Et dautre part, ilz estoient presque tous ensemble, parens, voisins, et alliez. Dont si aucuns en furent marris pour leur interest particulier, si dissimulèrent ilz, et postposerent (1) leur dueil pour leur honneur. Adonc Agamemnon Roy de Mycenes, frère aisné de Menelaus, les en mercia debonnairement, et fut bien ioyeux de ce que son alliance estoit renforcée. Si furent faites les noces de madame Heleine et de Menelaus : presens iceux Princes en grand liesse et somptuosité. La feste acheuee, chacun se retira en sa chacune. Et fut conuoyee la nouuelle mariée par ses deux tresnobles frères Castor et Pollux, iusques en la cité de Sparte autrement dite Lacedemone. Si luy bailla Menelaus nouuel estât, et principalement pour ses compaignes et damoiselles dhonneur, deux de ses parentes : dont lune estoit nommée Clymena, et la seconde Ethra, auecques vne femme de chambre assez aagee appellee Gréa et autres dont ie ne scay les noms. Mais pour plus ample congnoissance de Ihistoire, ie vueil icy descrire en brief, la généalogie desdits frères Agamemnon et Menelaus.
(l) c.-à-d. prëfërèrent l'honneur. — proposèrent {éd. 1516).
ILLVSTRÀTIONS DE GAVLE, ET
