INGVLARITEZ DE TROYE. LIVRE II

honte de son père laissa le païs d'Asie la mineur, quon dit maintenant Natolie ou Turquie, pour venir habiter en Europe, enuiron lan deuant lincarnation nostre Seigneur, mille trois cens quatre vingts et six, selon laques de Bergome, en son Supplément des chroniques, et apporta grand trésor. Si se vint marier à la belle Hippodamie, fille de Pritus Roy d'Arges, qui est en Grèce et en la région d'Achaie. Et nomma icelle contrée Peloponnesus, de son nom, au temps présent on lappelle la Moree, et la possèdent auiourdhuy les Turcz, comme nous auons declairé amplement en nostre œuure intitulée de Grèce et de Turquie. Si eut iceluy Pelops, de sa femme Hippodamie, trois enfans masles, cestasauoir Atreus, Thyestes et Plisthenes. Plisthenes engendra en Europasa femme, fille du Roy Atreus de lisle de Crète descendu de la lignée de Minos, comme met Dictys de Crète au commencement de son premier liure, deux enfans masles, cestasauoir les dessusnommez Agamemnon et Menelaus, et vne fille nommée Anaxibea. Et pource que ledit Plisthenes mourut ieune homme, il laissa iceox trois enfans pupilles et moindres daage en la garde et tutele de son frère Atreus, Roy de Lacedemone, lesquelles nourrit et esleua royalement, comme sil eust esté leur propre père, et maria ladite Anaxibea leur sœur à Nestor Roy de Pylon. Puis par faute dautre hoir de son corps, adopta de «on plein viuant en filz et héritier légitime, sondit neueu Menelaus filz de son frère. Et luy bailla le tiltre et la saisine dudit Royaume de Lacedemone. Et Agamemnon laisné, succéda à son oncle Thyestes du Royaume de My cènes, qui estoit fort riche et plantureux. De ces deux frères Atreus et Thyestes, enfans de Pelops, les poètes et historiens racontent des choses merueilleuses, inhumaines etpresques incredibles, desquelles le me déporte, pource quelles ne font

40 ILLVSTRATIONS DE GAVLE, ET

rien à la matière subiette. Si faut continuer nostre propos de Menelaus et d'Heleine et ses frères.

Menelaus eut de sa femme Heleine, peu de temps après leur mariage, vne belle fille, qui fut nommée Hermione, laquelle creut en beauté presques semblable à sa mère. Et quand il fallut depuis que Menelaus partist de Lacedemone, pour aller en la guerre de Troye, il laissa icelle Hermione fort ieunette, en garde au Roy Tyndarus son beau père. Lequel tantost après la fiança au Prince Orestes, (1) fîlz du Roy Agamemnon et cousin germain de ladite Hermione. Si lespousa depuis : mais elle luy fut rauie par Pyrrhus, filz d'Achilles. Puis la recouura, comme sera dit cy après.

Castor et PoUux frères germains de la belle Heleine, comme tesmoigne toute lantiquité des escritures, furent deux tresnobles iouuenceaux, et tresuaillans : et quirent les hautes auentures, en leur temps auec les autres Princes de Grèce, mesmement en la compaignie de lason et Hercules, et les autres Argonautes, à la conqueste de la toison dor. Castor fut bon cheualier, et Pollux tresbon combatant, et tant aymerent lun lautre, quon ne treuue nulle part par escrit, que deux frères se soient tant entreaymez, comme ceux qui neurent iamais ne noise ne dissension pour leurs seigneuries, et qui iamais ne feirent aucune chose, sans la communiquer lun à lautre. Toutesuoyes ilz moururent deuant la guerre Troyenne. Aucuns disent, et mesmement Dares de Phrygie, quen allant à la poursuite de leur sœur Heleine, quand Paris leust rauie, ilz se perdirent en mer par force de tourmente, auprès de lisle de Lesbos, quon dit maintenant Methelin. Et sur ce feingnent les poètes, quilz furent translatez au ciel, et font lun des douze signes du Zodiaque

(î) Horrestes (mscr. de Genève).

SINGYLARITEZ DE TROYE. LIVRE II. if

nommé Gemini. Et du temps des Payens idolâtres, il2 estoient reclamez en mer, comme est auiourdhuy saint Nicolas. Car les fables disent, quilz auoient obtenu de Neptunus Dieu de la mer, toute puissance pour garder les gens de péril et naufrage, comme met Higinius en son Hure d'Astrologie poétique. Mais Ouide en son liure des Fastes, dit autrement de la mort diceux frères : affermant, que Castor et Pollux, qui se vouloient marier par force et vaillance, comme cestoit la manière des cheualiers du temps dadonques, rauirent les deux filles dun Prince nommé Leucippus. Dont lune auoit nom Phebé, et lautre Elaira : lesquelles iceluy Leucippus auoit desia colloquees par tiltre de mariage à deux nobles damoiseaux, lun nommé Lynceus, et lautre Ida, ou Hydas selon Diodorus Siculus, frères germains, enfans d'Aphareus. Mais ce nonobstant, lesdits Castor et Pollux, prindrent et emmenèrent violentement lesdites deux pucelles Phebé et Elaira, contre leur gré, et au contredit de leurs parens. Toutesuoyes gueres ne iouirent délies, ne gueres ne demourerent impunis du cas. Car lesdits Lynceus et Hydas leurs espoux tresualereux adolescens secoururent vaillamment leurs amyes et espouses, et liurerent telle guerre ausdits Castor et Pollux, quilz les tuèrent finablement douant la cité de Sparte, et recouurerent leurs femmes. Homère en son troisième liure de l'Iliade, se concorde à ce, et met, que lesdits deux frères Castor et Pollux, furent ensepulturez en ladite cité de Sparte, autrement dite Lacedemone. Ainsi appert la différence des opinions de diuers acteurs.

Heleine donques yssue de telle génération ainsi subiette à tant de rauissemens, mesraement au temps auquel Dieu toutpuissant nestoit point craint entre les gens, ne la loy de iustice publiée, ne fut point exempte de semblables

42 ILLVSTRATIONS DE GATLE, ET

fortunes et rapines. La première elle le souffrit enuis, comme dessus est dit : et la seconde, voluntairement et de son bon gré, comme sera dit cy après. Or estoit elle alors flourissante en ieunesse, donnant gloire à son noble parentage, reflamboyante au mylieu de ses gens, et de sa nation, comme la clere Lune au firmament : fluctuante en honneur, affluante en biens, abondante en richesses : toute enuironnee de pompe et de délices royales, accomblee de tous les souhaits que femme de prince sauroit demander en ce monde. Et qui plus est, resplendissoit en renommée de chasteté louable, en Ihostel de son mary le Roy Menelaus, allié de tous les Princes de Grèce. Et à brief dire, cestoit celle en qui pour lors tout le monde auoit lœil tant pour sa beauté nompareille, comme pour lincredible multipliance de ses autres vertus. Mais de tout ce, Paris Alexandre suruenant, la priua depuis, par' ambition de promesse Tenerienne. Auquel Paris et à ses compaignons il nous faut retourner nostre plume.

SIMGVLARITEZ DE TROYB. LIVRE II. M6