CHAPITRE V

ProsequutioD du nauigage de Paris , Deïphobus , et leurs compaignoDB : et de la délibération par eux prinse sur le rauissement d'Heleine. De leur premier aborder en lisle de Cytheree. Et comment ilz furent receuz en Lacedemone, par le Roy Menelaus, soaz tiltre dambassadeurs. De la proposition faite par Paris, et des dons ofiTers à, Menelaus.

Pour revenir donques à parler du beau Paris Alexandre, dont nous auons fait assez grande disgression, pour manifester le lignage de la belle Heleine, et de son mary Menelaus, et ses gestes et fortunes, auant son dernier rauissement, laquelle chose estoit bien nécessaire à lelucidation de nostre œuure. Iceluy Paris chef de larmee Troyenne, après son partement de Sigee qui estoit le port de Troye, nauigant par la mer Hellesponte print conseil auec son frère Deïphobus, son beau frère et cousin Eneas, Glaucus, Polydamas, et le principal de ses capitaines de laôaire quilz auoient à démener. Si trouua en conclusion, que la Royne Heleine, femme de Menelaus, Roy de Lacedemone, estoit renommée pour la plus belle dame de toute Grèce : comme celle qui estoit fille du haut Dieu lupiter. Et dabondant, estoit la mieux alliée de toutes, tant du costé de ses frères Castor et Pollux et de ses autres parens, et mesmement de la part du parentage de son mary le Roy Menelaus. Parquoy il sensuiuoit que si on la pouuoit auoir en saisine, madame Hesionne leur t?nte seroit facilement restituée

44 ILLVSTRATIOWS DE GAYLE, ET

selon lintention du Roy Priam. Si estoit mestier pour le plus seur, et à moins de danger, de vser en ceste partie de simulation et de couuerture, sans monstrer signe de port darmes, mais feindre destre ambassadeurs, pour auoir entrée plus facile dedens le païs d'Achaie, et au Royaume de Sparte ou Lacedemone, auquel ladite Royne Heleine se tenoit. Et si dauenture par ce moyen on ne pouuoit paruenir à son attainte, lautre remède estoit, dauoir recours aux armes : et de la conquester par viue force, lenseigne desployee, la guerre ouuerte : car ilz estoient forts assez pour ce faire, et tous bons gensdarmes, ieunes et délibérez. A ce conseil, comme au meilleur, et mieux consonant à la voulenté désordonnée de Paris, il sarresta du tout : imaginant que Venus la Déesse le luy auoit inspiré pour la fourniture de sa promesse. Laquelle Déesse estoit sa guide et conducteresse, comme tesmoigne Ouide en lepistre de Paris à Heleine, disant :

Hac duce Sigeo dubias à littore feci

Longa Phereclea per fréta puppe vias.

Si passèrent les galees Troyennes en ce propos, par deuant lisle de Methelin, là où le Roy Forgarite seigneur dicelle, et vassal du grand Roy Priam, les salua, et leur bailla refreschisseraent tel quilz voulurent. Et après auoir laissé les destroits de la mer Hellesponte, ilz entrèrent en la mer Egée, quon dit maintenant Larchipel, enuironnerent plusieurs isles Cyclades, laissèrent Nigrepont à dextre, et Candie à senestre : et tant exploitèrent par leurs iournees, quilz veirent le grand promontoire ou montaigne appellee la Malee, ennemie des nauigans : laquelle montaigne est en Achaie, quon dit maintenant la Moree. Et sadresserent vers

8IN6VLARITEZ DB TROTE. LIVRE II. 49

les ports (le lisle de Cytheree, (1) laquelle nest que à cinq mille pas dudit cap de la Malee, comme met Pline au xn. chapitre du iiii. liure de Ihistoire Naturelle. Aucuns appellent maintenant ledit promontoire de la Malee, le cap saint Ange, ou lisle de saint Michel, comme met messire Bernard de Briderabach doyen de Magonce, en son voyage de Hierusalem. Ladite isle de Cytheree, sappelle maintenant Cytri, comme iay ouy dire à ceux qui ont nauigué deuant : et pour lors estoit aux Lacedemoniens. Strabo au vm. liure de sa Géographie, met quelle estoit iadis propice aux nauigans, à cause des bons ports qui y estoient, disant ainsi : Cythera, commodis instructa portubus, et einsdem nominis wie. Maintenant ny ha nulz bons ports, comme sera dit au dernier liure.

Herodotus Halicarnasseus au vir. liure de son histoire, met que ladite isle de Cytheree est opposite directement à la cité de Lacedemone. Et pource souhaitoient anciennement les sages Lacedemoniens, quelle fust abymee en mer : à cause de ce quelle estoit trop conuenable aux ennemis, pour dommager ladite cité de Sparte, ou Lacedemone. En icelle isle y auoit pour lors deux villes : lune appellee Cytheree du nom de lisle, en laquelle la Déesse Venus auoit vn temple de grand somptuosité et antiquité : car on dit que Venus sapparut premièrement en ladite isle. Et lautre sappelloitCranaé, comme met Homère. Maintenant ny ha sinon vne meschante villette toute poure et toute déserte : en laquelle messire Philippes Conte de Rauestain fut mal traité après son nauffrage : comme on peult voir plus à plein au liure de Grèce et de Turquie. (2) Quand ceux desdites villes

(1) Citharee (mscr. de Genève et ëd. 1512).

(2) « far nons composé » (mscr. de Genève).

deCytheree et Cranaé, veirent tant de voiles sur mer sadresser vers leurs ports, ilz tendirent leurs chaines, et fermèrent lentree : et enuoyerent chacun vn brigantin, pour sauoir quelz gens cestoient. Lesquelz retournèrent en brief, et rapportèrent pour response, que cestoient amis et ambassadeurs de Phrygie et du Royaume de Troye. Adonc ceux de Cytheree et de Cranaé, qui depuis fut appellee Helenium, ouurirent leurs ports : et laissèrent ancrer paisiblement les Troyens à leur malesanté : car ilz en furent desftruis depuis, Toutesuoyes ilz ne les laissèrent point encore descendre en terre, iusques à ce que leur Roy qui estoit à Lacedemone en fust aduerty : et quil leur en mandast son bon plaisir. Et à ceste cause Paris enuoya promptement à Lacedemone, qui nestoit que à cinq ou six miliaires de là, vn sien héraut, en vn botequin (1) : et ceux de Cytheree et de Cranaé, aussi chacun vn de leurs gens. Lesquelz feirent armer aussi chacun vn petit nauire : et sen allèrent en la cité de Sparte ou Lacedemone, signifier au Roy Menelaus la venue des ambassadeurs de Troye : laquelle, comme ilz disoient, nestoit sinon que pour bien de paix. Ces «choses exposées au Roy Menelaus, il fut tresioyeux. Et combien quil y eust loy, statut, et ordonnance ancienne en ladite cité de Sparte ou Lacedemone, de non y receuoir aucun estranger : comme dit Vbertin sur lepistre d'Heleine à Paris, et Philostratus le conferme en la vie d'Apollonius Thyaneus au vi. liure, disant ces mots : P&regrinos omnes ex wbe sua depellehant Lacedœmonii. (2) Neantmoins le Roy Menelaus délibéra de les receuoir pour

(1) hoquetin (éd. 1512). (En rouchi, hot, botequin = petit bateau.)

(2) Cette ponctuation bizarre se retrouve dans toutes les anciennes éditions.

8IKGVLARITBZ DE TROTB. LIVRE II. 47

ceste fois : dont il fut fol et mal aduisé. Si enuoya vn bon nombre de gentilzhommes, au deuant des Princes Paris et Deïphobus, et leurs compaignons pour les amener à Lacedemone. Lesquelz venus , Paris et Deïphobus , Eneas, Glaucus, et Polydamas à tout deux galees seulement, et la fleur de leurs gens, cestadire les plus apparans et mieux en point, sen allèrent en la cité de Sparte, làissans les patrons, capitaines et gens asseurez, en leurs nauires.

Au port de Lacedemone les ambassadeurs dissimulez furent receuz en grand triomphe et mélodie : et logez magnifiquement par fourrier en vn quartier assez près du palais du Roy. Si ne bougèrent de leur logis pour ce iour : car il estoit assez tard quand Hz y arriuerent. Le lendemain audience leur fut assignée après disner. Si se meirent en point, pour aller au palais du Roy Menelaus. Chacun print en sa main vn rameau doliue en signe de paix. Car cestoit la manière des ambassadeurs du temps dadonques. Mais ceux ne portoient point paix : mais plustost guerre et trahison couuerte et malicieuse : laquelle leur retournera à perte et à confusion. Or ne sesmerueillent point les lisans, si ie narre toutes ces choses, mesmement le rauissement d'Heleine dautre sorte quilz ne lont en leurs liures communs et vulgaires. Car ie ne vueil ensuiure sinon la pure vérité antique, et lordre historial de Dictys de Crète, et de plusieurs autres acteurs tressuffisans, lesquelz seront mes guides et mes garans en ceste œuure, sil plait à Dieu que ie la puisse mener à chef. (1)

Donques les cinq legatz et ambassadeurs feintifs, souuent nommez, en pompe merueilleuse, selon la mode Phrygienne, tous reluisans dor, de pourpre et de riche pier-

(1) Ci-itique naïve.

49 ILLVSTRATIONS DE GAYLE, ET

rerie auec leur suite de mesme, iusques au nombre de cent gentilzhommes, après auoir esté faire sacrifice et oblation aux Dieux en lun des temples de la cité : et auoir disné de bonne heure, partirent de leurs logis en bel ordre, pour tirer vers le palais. Si furent par grand admiration regardez et honnorez du peuple de la cité. Et trouuerent plusieurs barons et gentilzhommes, qui leur venoient au deuant pour les accompaigner. Là sentrefeirent ilz honneur et feste. Puis montèrent ensemble au palais. Et trouuerent le Roj en vne grand salle richement tapissée à raerueilles, et dont les sommiers estoient enrichiz de fin or et dazur. Quand le Roy veit approcher les Princes Troyens, il se leua, et après les reuerences faites deiiement, et les saluts donnez et renduz dun costé et dautre, le Roy feit asseoir les ieunes enfans Royaux Paris et Deïphobus à sa dextre : et le Prince Eneas, Glaucus, et Poly damas à la senestre. Les autres Princes de son sang et de son conseil, sassirent es autres sièges plus bas, puis le Roy Menelaus dit en ceste manière : « Or ça, seigneurs, puis quil ha pieu au Roy Priam nostre bon frère vous enuoyer vers nous, qui estes tous si hauts et si nobles personnages de sa maison, nous espérons que ce nest pas pour chose de petite importance, vueillez la donques déclarer présentement. Et si nostre puissance y peult auoir lieu ne efficace, certes nous ne nous feindrons (1) point de ly employer. » Lors Paris Alexandre chef de la légation, se voulut leuer pour parler : mais le Roy ne souffrit point quil se bougeast. Adonc tout assis il proposa sa harengue en ceste manière :

« Treshaut et tresexcellent Prince Roy Menelaus , la

(1) c.-à-d. n'hésiterons point.