INGVLARITEZ DE TROTS. LITRE II
renommée de ta vertu et merueilleuse prudence, ha incité monseigneur le Roy Priam nostre père à nous enuoyer vers ta maiesté Royale, à fin de te remonstrer aucunes de ses doléances : pour par ta hautesse et sapience y estre pourueu, de remède conuenable, ainsi quil ha espoir que bien le sauras, pourras, et voudras faire. Or est il vray (Prince tresillustre) que feu de céleste mémoire, ton bel oncle Hercules retournant du voyage de Colchos, auecques son neueu lason, et tes beaux frères Castor et Pollux, le ne scay de quel (1) affection meu, fors pource quil luy pleut ainsi le faire, enuahist hostilement la terre de Phrygie, et la cité d'Ilion, alors de petite deffense, et peu peuplée, et la desmolit et desempara. Le Roy nostre père pour lors estant absent de Troye, et menant guerre en la haute Phrygie : et qui plus nous touche au cœur, il occit nostre ayeul de bonne mémoire le Roy Laomedon, que les Dieux absoullent : et non content de ce, emmena en seruage madame Hesionne nostre tante (2) lors ieunette et pucelle : et la bailla par autre tiltre que honneste, à Telamon Roy des isles d'Egine et de Salamis, lequel est ton parent et cousin. Car nous nignorons pas que Tantalus Roy de la haute Phrygie, ton ayeul paternel, et Eacus père dadit Telamon furent frères germains, et enfans de lupiter troisième de ce nom, Roy de Crète. Or la détient iceluy Telamon tousiours depuis, en vile seruitude, sans loy de mariage : et dalle ha eu vn beau filz, nommé Theucer, lequel à peine veult aduouer pour son bastard. Et combien que par nostre cousin le Prince Antenor , lequel puis aagueres luy en ha porté paroles, au nom de monseigneur,
(i) ^eUâ {éd. 1512).
(9) antf (maer. de Gâoève), II. A
60 ILLVSTRATIONS DE GAVLE, ET
il ayt esté requis de la rendre, neantmoins il en ha esté ■non seulement refusant, mais oultreplus menassant. Et non pas luy seul mais semblablement son frère Peleus Roy de Thessale, père d'Achilles, et ses oncles Castor et Pollux tes beaux frères, qui furent presens à iceluy rauissement comme iay desia dit. Et aussi son cousin le Roy Nestor de Pylon, mary de ta sœur madame Anaxibea. Lesquels Princes, tous dune voix contre le droit coustumier de toutes gens, ont iniurié monseigneur, en la personne de son ambassadeur. Laquelle chose comme tu peux penser, luy ha esté difficile à supporter. Et neantmoins auant quil y procède plus auant, il en ha bien voulu aduertir les autres Princes, parens, et alliez dudit Roy Telamon, et principalement ta maiesté tresresplendis santé, et celle du treshaut Prince le Roy Agamemnon de Mycenes ton frère , et derechef messeigneurs Castor et Pollux tes beaux frères. Et à ce ha esté plus enclin, sachant que ton ayeul paternel le Roy Pelops, qui partit vne fois de nostre prouince Phrygienne et, dautre part, noz ancestres sont descenduz de lupiter deuxième de ce nom, Roy d'Arcadie, qui est vostre héritage patrimonial. Ainsi par réciproque origine, y pourroit encores entre les deux nations estre gardée quelque scintille de primitiue alliance. Toutesuoyes, ce ne luy ha point tant persuadé nostre enuoy, que les records des hauts dons de Dieu et de Nature : lesquelz reposent et sont accumulez en ta personne, par grand prodigalité : et lespoir quil ha en ton noble courage, lequel labeure incessamment à œuures vertueuses et pacifiques. Lesquelles choses considérées, trescler Prince, et la conséquence dicelles bien pourpensee. Monseigneur le Roy Priam nostre tresredouté seigneur et père, te prie de par nous, que attendu son bon droit et sa iuste querele, pour abolir toute hayne
SIKQVLARITEZ DE TROTE. LITRE II. 51
inueteree, et pour le grand désir quil ha dentretenir la bien de paix, vnion, accord et bonne intelligence future, entre les Princes de Grèce, parmy lesquelz tu reluis comme le dyamant entre les perles : et les Princes d'Asie, dont il est le chef, il te plaise vouloir faire remonstrance audit Roy Telamon ton beau cousin, de rendre et restituer en noz mains madame Hesionne nostre tante. Et combien que monseigneur ayt assez matière de quereler restitution dautres torsfaits, réparation de villes depopulees, et satisfaction de liniure qui plus luy touche au cœur, cest de la mort de feu monseigneur nostre ayeul : neantmoins toutes ces choses postposees, car mercy aux Dieux, sa cité est cent fois plus florissante que iamais, et son règne plus riche et plus ample, et pour son père perdu, les Dieux immortelz luy ont redoublé génération denfans en grand nombre : parquoy il leur en laisse la vengeance, et persiste sans plus à demander sa treschere sœur germaine, madame Hesionne nostre tante. Laquelle ha esté long temps détenue serue en autruy territoire, contre Ihonneur de Royale noblesse, et dont il luy poise trop. Et au cas que ton cousin le Roy Telamon continue en son obstination coustumiere, en nous escondissant de nostre demande tant iuste, tant raisonnable, et tant humaine quil est impossible à gens, silz ne sont trop barbares, estranges ou inhumains, dy vser de refuz ou tergiuersation, il tenhorte et te prie, le cas aduenant, que tu vueilles prendre la chose en main, comme ton affaire propre, et en aduertir les autres Princes tes parens, amis, alliez, et confederez. Et faire en manière que ce à quoy ledit Roy Telamon ne pourra estre induit par remonstrance de raison, il y soit iustement contraint par le commun décret dentre vous. Autrement monseigneur veult quil se tienne pour aduerty quil sera desor-
«8 ILLVSTRATIONS DE GAVLE, KT
mais contraint et forcé de poursuiure sa querele droituriere par armes. Attendu que mondit seigneur sest mis et met tousiours en ses deuoirs plus que raisonnables enuers luy. Et à fin que tu congnoisses de quel zèle monseigneur quiert et désire ton amitié et bonne alliance, il tenuoye ces dons bien asseans (1) à ta hautesse, priant que les prennes en gré, correspondant à son vouloir. » Et en ce disant, trois gentilzhommes sauancerent et descouurirent les riches loyaux quilz portoient : cestasauoir vne grand couppe pesant dix marcz dor, toute esmaillee et bordée de sapphirs et de perles de prys et par dessus vn dyamant inestimable, de laquelle couppe le Roy Laomedon vsoit en son viuant, aux sacrifices des Dieux. Et vn riche manteau tout dor traict, (2) brodé de riche ouurage, et semé de diuerses pierres précieuses, tissu de la main de la Royne Hecuba, auecques vn sceptre Royal, de grand estime et value.
(1) affeaulx (éd. 1516).
(2) aurum tractitiun^ Uxtile (Docange).
SntGVLARlTEZ DB TROYB. UVBB II. 55
