CHAPITRE VI
Du premier regard qae la Royne Heleine ietta sur le beau Paria Alexandre. Et de la gracieuse response que le Roy Menelaus feit aux ambassadeurs feintifz. Des dons que Paris donna à Heleine : et de la bonne chère que fut faite à luy et à ses compaignons. Et auasi narration légère des premières accointances et semblani couuers de Paris à Heleine : et comme Menelaus à son département, pour aller en Crète, recommanda ses choses à sa femme Heleine.
Pendant que le tresbeau Prince Paris Alexandre faisoit sa harengue et oraison, et que sa douce éloquence et voix harmonique raisonnoit (1) parmy le palais, la fleur des dames la Roy ne Heleine, ainsi que femmes sont curieuses de voir et ouyr choses nouuelles, lescoustoit secrètement par vn treilliz, qui se iettoit sur la salle, et le regardoit ententiuement, sans estre apperceiie. Si sesmerueilla de sa faconde et beauté nompareille, de son riche accoastrement, et de son port hautain. Et comme toute estonnee, dit à ses filles dhonneur, Ethra et Clymena parentes de Menelaus. o Dieux immortelz, quelz gens sont ces Troyens ! ie ne croy point que ce soient hommes terrestres, mais plustost de la semence des cieux. » Ainsi disoit Heleine. Et desalors conceut elle vne scintille de lardant feu damours : quelle enfanta depuis au grand destruisement délie et de tout son
(1) resonnoit (éd. 1528).
54 ILLVSTRÀTIONS DE GÂVLE, ET
lignage. Mais retournons à nostre propos. Quand donques le Roy Menelaus eut receu les presens de messeigneurs les Troyens, et iceux loué hautement, auecques grans merciemens il parla en ceste manière :
« Tresclers et tresnobles barons de Phrygie, ces riches dons, qui représentent la grand magnificence de nostre beau frère le Roy Priam, combien quilz soient destimation infinie, neantmoins ilz ne nous sont point tant agréables pour leur grandeur : quilz sont pour lamour du lieu dont ilz sont venuz. Et en tant quil touche la matière principale dont tu nostre beau cousin Paris Alexandre, as présentement fait mention, nous nous sommes aucunesfois trouuez entre plusieurs de nostre parentage, plus aagez de nous, entre lesquelz ceste matière se debatoit amplement : car les aucuns auoient esté presens à tout laffaire. Si disoient que nostre cousin le Roy Telamon, de lisle de Salamis, par droit darmes obtint iadis madame Hesionne, quand Troye fut depopulee par le Prince Hercules. Parquoy, seigneurs de Phrygie, nous nous esbahissons dun poinct que nostre beau cousin le Prince Paris ha touché : disant que le Roy Priam estoit absent de Troye au temps dicelle desmolition, là où nous sommes informez certainement du contraire. Et quil soit ainsi : tenez pour chose certaine que nostre oncle Hercules retournant de lemprise de Colchos, rapassa pardeuant Troye : et enuoya certains ambassadeurs au Roy Laomedon, lors régnant, pour et à fin que ledit Roy tinst sa promesse à Hercules, de sa fille Hesionne, laquelle en allant à ladite conqueste de Colchos il luy auoit promise en mariage, à cause de ce quil lauoit deliuree de la monstrueuse balaine qui la deuoit engloutir , sans remède. Ensemble les six coursiers de prys, qui pour semblable raison luy appartenoient. De laquelle chose, comme
8IMGTLARITEZ DE TROT£. LITRE U. Pi
le Roy Laomedon fust refusant, contre sa promesse, et en violant le droit commun, detinst en prison, et deliberast faire mourir iceux ambassadeurs, par le consentement de tous ses enfans, excepté de Priam. Iceluy vostre bon et iuste Prince Priam, pour lors estant ieune, osa bien publiquement contredire à tel maléfice : et soustint efibrcément quon deuoit tenir foy et promesse aux estrangers, et bailler sa sœur Hesionne en mariage au preux Hercules, selon son mérite, auecques les nobles cheuaux. Et combien que le salubre conseil de Priam ne peust obtenir audience, neantmoins il feit sauner secrètement les personnages de lambassade, et les renuoya à leur maistre. Et lors Hercules ayant iuste indignation contre Laomedon, print Troye dassaut. Si cheut Laomedon en la meslee mortifère, et paya le tribut de son periurement. Son filz Tithonus senfuyt es Indes. Mais le Prince Priam fut reserué en vie, et luy fut le Royaume de Phrygie laissé paisiblement au regard à (1) la preudhommie dont il auoit vsé. Et nostre oncle Hercules pour rémunérer la vertu de nostre cousin le Roy Telamon, qui premier monta sur les créneaux de Troye, luy resigna son droit de la pucelle Hesionne, et la luy donna en pur don. Ainsi se porta la besogne. Seigneurs de Phrygie, quelque chose quon die à lopposite. Mais si ainsi est que vous vous douliez de ce que Telamon ne maintienne vostre tante Hesionne en estât de Roy ne, et selon la dignité du lieu dont elle est yssue, certes en ce peult il bien estre dit auoir mespris grandement. Car tous Princes doiuent honnorer le sang Royal, combien quil ayt esté conquis en querele bellique. Si vous promettons en foy de Roy, que nous et les nostres mettrons toute diligence possible à le faire
(1) au regard de (éd. 1516).
5^ ILLVSTRATIONS DE GAVLB, ET
renger à raison, combien quil soit vn peu dur et diflScile. Tellement que nostre bon frère le Roy Priam, et vous tous Seigneurs, congnoitrez que nauons pas oublié que noz ancestres ont prins origine en vostre territoire de Phrygie. Si sommes bien aises de ce que vostre venue nha point esté plus tardiue, pource que point ne nous eussiez trouué en Lacedemone : car monseigneur nostre frère Agamemnon, Roy de Mycenes, et nostre sœur madame Anaxibea femme du Roy Nestor de Pylon, nous deuons en brief rendre en lisle de Crète, pour départir la succession, trésors et richesses quant aux meubles délaissez par nostre ayeul maternel le Roy Atreus de Crète : auecques noz beaux cousins les neueux du feu Roy Minos. Cestasauoir Idomeneus et Merion qui sont entre eux cousins germains, et enfans de Deucalion et Molus qui fut de Minos, qui fut de lupiter. Et nostre beau cousin Palamedes (1) de lisle d'Euboce, (2) filz du Roy Nauplius et de la Royne Clymena. Lequel Nauplius comme sauez, est filz de nostre grand oncle, le Dieu Neptune, ensemble autres plusieurs. Mais tout ce ne vient que bien à poinct, pour vostre matière. Car pendant que vous vous refreschirez céans, pour vous desennuyer de vostre long nauigage, nostre frère le Roy Agamemnon et nous, mettrons la chose en termes enuers plusieurs autres noz parens , si comme Vlysses filz de Laërtes Roy d'Itaque, et Tlepolemus Roy de Rhodes, et généralement tous ceux de nostre parentage, dont nous nous saurons aduiser. Et aussi endemen tiers noz beaux frères Castor et PoUux, qui pour le présent ne sont point en ceste contrée, ains ont mené nostre fille Hermione, vers
(1) Palamides (éd. 1516).
(2) Euboie (éd. 1528).
8IN6VLARITEZ DE TROTE. LITRE II. i||
sa tante la Royne Clytemnestre, nostre belle sœur, à la grand feste et solennité de la Déesse luno, qui se fait à présent en la cité d'Arges, (1) seront reuenuz de leur voyage. Et à nostre retour espérons vous en rapporter quelques bonnes nouuelles. Si vous prions ne vous soucier que de faire bonne chère. Et sur ce poinct allons voir les dames. » A ces paroles le Roy Menelaus se leua de son siège Royal, prenant le. Prince Paris, et son frère Deïphobus par les mains, et les autres les suiuirent. Si entrèrent en vne autre belle salle, ou ilz trouuerent la fleur et loutrepasse de beauté mondaine la Royne Heleine, auecques plusieurs dames et damoiselles tresrichement parées. Alors dit le Roy Menelaus à sa femme : « Mamie, voicy noz beaux cousins le Prince Paris Alexandre, et son frère Deïphobus filz du Roy Priam de Troye, lesquelz nous sont venuz voir, le te prie festoyé les auec leurs compaignons et parens, messieurs Eneas, Glaucus, et Polydamas. » A ces mots le tresbeau Prince Paris sauança pour faire la reuerence à la Royne, et elle le baisa, dont il se tint plus content que si cent marcz dor luy eussent esté présentez. Et puis consequemment baisa Deïphobus et festoya trescourtoisement les autres trois, et leur dit quilz fussent les tresbien venuz. Paris pour son honneur alla controuuer (2) mille recommandations et saluts des Princesses et dames de Troye, lesquelles onques ny auoient pensé : car point nauoient sceu, quil deust venir celle part. Puis appella lun de ses escuyers, et luy dit quil apportast ce quil sauoit. Cestoit vne robe de pourpre, toute estofFee à or et riche pierrerie, laquelle il donna à Heleine, comme escrit vn acteur nommé Martia-
(1) iporxT A rffos.
(2) c.à-d. inventa, poar s*en faire honneur.
58 ILLVSTRATIONS DE GAVLE, ET
nus (1) : et vn précieux camail pour sa fille Hermione. La Royne Heleine receut les dons merueilleusement en gré : Car ilz estoient beaux et magnifiques, et en remercia Paris hautement. Puis après se tira sur la fenestre dun plaisant verger, et entretint long temps Paris et Deïphobus en deuises. Ce pendant que le Roy deuisoit auec Eneas, Ethra et Clymena, deux nobles damoiselles parentes du Roy Menélaus, entretenoient dautre part messire .Glaucus et messire Polydamas. Et les autres dames, damoiselles et gentilzhommes de Ihostel du Roy Menelaus, dautre part tenoient en plaisantes paroles les autres gentilzhommes deTroye. Quand le souper fut prest (2) on laua, le Roy Menelaus print (3) le Prince Paris, et son frère Deïphobus, et se meit à table au mylieu d'eux deux. La Royne Heleine sassit après, et Eneas, Glaucus, et Polydamas ensuiuant. Les seigneurs et gentilzhommes de leans retindrent la plus part des gentilzhommes Troyens qui voulurent demourer. Les autres sen allèrent souper en leurs logis. Apres souper que plusieurs dances et esbatemens furents faits, le Prince Paris et Deïphobus, et ses compaignons prindrent congé du Roy et de la Royne, et puis se retirèrent en leurs logis. Et autres iours ensuiuans à la requeste et commandement du Roy, iceux ambassadeurs feintifz et par exprès (4) Paris, Deïphobus, et Eneas, continuèrent souuent daller boire et menger en la table du Roy et de la Royne. De laquelle chose, entre
(1) Martianus Capella.
(2) gtiand il fut prest, c.-à-d. quand ce fut prêt (msci'. de Genève et éd. 1516 et 1528).
(3) priant {éd. 1516 et 1528).
(4) par exprès pour exprès, est un archaïsme encore populaire. V. Littré.
SIIfCTLARITEZ DE TROTE. LIYBE II. 9
les autres, Paris estoit le plus content : car assez luy plaisoit le ieu.
le me tais icy tout à essient dexposer comment le ieune Prince Paris fut atteint dune amour ardant et incredible, des quil eut veu la Royne Heleine, pour si tressinguliero et oultrepassant beauté. le me déporte de dire comment le désir nouuelet, de là Royne de Lacederaone, extirpa facilement du léger et volage cœur de Paris la loyalle amour pieça enracinée, de sa femme légitime la Nymphe Pegasis Oenone. le passe souz silence, que le Roy Menelaus commença à desplaire à sa femme la Royne Heleine, et luy deuint laid et malgracieux pour la suruenue dun ieune adultère estranger. Car tout cecy les enfans mesmes le sauent raconter. le laisse aussi descrire comment eux deux sentreacointerent par plusieurs semblans amoureux : par doux attraits et fins regards, tirez du coing de lœil, et plusieurs autres moyens, signes, mines, marchemens de pied, chants, regrets, souspirs, deuises et racontemens de fables, dont Paris vsa couuertement mesmes en la présence de Menelaus : Car toutes ces choses sont bien à plein et bien élégamment couchées es autres œuures escrites en François : et mesmement es epistres d'Ouide, nouuellement translatées et mises en impression. (1) Et aussi pour vue autre raison, cest à cause de brieueté : et à fin que ie continue à déduire mon intention principale. Laquelle est de mettre en auant, ce que les autres ont obmis, et de rassembler tout en vn corps, le plus curieusement et véritablement que ie pourray, ce que les anciens acteurs autentiques ont couché des gestes de Paris, Heleine, et Oenone, en escrits diuers, et
,Yul oh (1) par Octaviea de Saint-Gelaia, évéque d'Ângoalème. PaUgrat»,
quand il cite ces vera, dit the fytshoppe...
60 ILLVSTRÀTIONS DE GAVLS, ET
menues particularitez, pour en forger vne histoire totale. Laquelle chose nha esté encores attentée de nul autre, que ie sache, ny en François ny en Latin.
Le Roy Menelaus donques en festoyant les ambassadeurs Troyens, faisoit neantmoins son aprest pour partir et sen aller en Crète. Car le iour approchoit quil sy deuoit trouuer, auec le Roy Agamemnon son frère, et ses autres parens, pour distribuer les trésors délaissez par feu son oncle maternel Atreus, comme dessus est dit. Quand tout son cas fut dressé pour partir, il feit faire vn grand et somptueux banquet et conuiue : et y feit semondre généralement tous ceux de lambassade de Troye, estans en la cité de Lacedemone. Et après les auoir festoyez et fait la meilleure chère du monde, il dit à la Royne Heleine sa femme : « Mamie, ie men vois en lisle de Crète, souz la conduite des Dieux, car il est impossible que ie diffère plus : mais cest pour retourner bien brief. Si te prie quen mon absence tu fasses aussi bonne chère à noz beaux cousins de Troye que voicy, et aussi priuément, que si tousiours y estoye en personne : car ainsi me plaist il estre fait. le les te laisse pour hostes, et les te recommande. » A ces mots peu sen faillit que la Royne Heleine, ne se print bien fort à rire : voyant la totale bonté de son mary et la grand fiance quil auoit en elle : toutesuoyes elle se contint sagement, et dit : « Monseigneur, si ferây ie, puis que tu le commandes. » Sur ce poinct le Roy Menelaus vint et la baisa, en la recommandant à la garde des Dieux. Et de ce pas cy, pource que le vent estoit bon, se tira vers le port. Les Princes, Paris, Deïphobus et ses compaignons, lallerent accompaigner iusques là. Et quand il se fut embarqué, et eut prins congé d'eux iusques au reuoir, et eux de luy, Paris, Deïphobus, et les autres sen retournèrent en le^irs
SINGVLARITEZ DE TEOTK. UVRE II. M
logis. Sur ce passage icy ie nignore point la contrariété de noz acteurs. Car Dictys et Ouide mettent ce que dessus est narré : cestasauoir que Menelaus alla en Crète. Et Dares de Phrygie dit, quil alla au Royaume de Pylon vers son beau frère Nestor. Et ne met point, que ledit Menelaus receust Paris en son hostel : mais sentrerencontrerent sur mer, sans se congnoitre, et sans parler les vns aux autres. Mais comme iay desia dit autresfois, ie vueil principalement ensuiuir lopinion de Dictys de Crète : car elle est plus vray semblable.
ILLVSTRATIONS DE GAVLE, ET
