CHAPITRE VII
Recitation da conseil prins par Paris Alexandre, aaec son frère Deîphobus et ses compaignons, et le capitaine de ses nauires, touchant la conduite du rauissement de la Royne Heleine. Et les preparatiues sur ce. Et comment il trouua manière de gaigner deux de ses damoiselles : lesquelles portèrent secrètement lettres missiues dun costé et dautre. Âaec narration brieue et sommaire du contenu desdites lettres.
Paris donqves retourné en son logis, tout pensif et imaginant, enuoya incontinent quérir le principal capitaine des gens de guerre de ses nauires. Lequel arriué, il appella Deïphobus son frère, et son beau frère Eneas : ensemble ses cousins Glaucus et Poly damas en secret conseil. Et quand eux six furent enclos en vne chambre, Paris parla en ceste manière : a Mon trescher frère, et tous messieurs noz parens et amis, ie croy que les Dieux par vne singulière solicitude veullent adresser noz besongnes mieux que à souhait. Et mesmement la Déesse Venus, laquelle sur toutes les autres nous guide, et en est la plus curieuse, pour acquiter sa promesse enuers moy. Quelle opportunité voudriez vous plus grande que ceste cy ? ne quel meilleur loisir ? La plus belle dame non seulement de Grèce, mais de tout le monde, est entre noz mains. Et qui plus est, ie cuide desia auoir donné si bon fondement à mon cas, quelle ha quelque goust de désir amoureux. Du surplus laissez men conuenir : car si ie ne suis grandement deceu, iespere
SIN6VLARITEZ DE TROTB. LIVBB II. 65
quelle mesmes sera contente de son plein gré, se venir rendre souz nostre estandart. Laquelle chose donnera grand couleur à nostre exploit, et moindre difficulté à nostre emprise. Ne valons nous pas bien Theseus d'Athènes, lequel comme vous auez sceu, rauit ceste mesme dame à viue force en son enfance : et la mena en sa terre, tms contredit ? Et puis il nen fut autre chose. Et toutesuoyes il ny auoit nulle vieille querele, ne hayne précédente, entre leurs parentages, pourquoy il deust ce faire, sinon son singulier plaisir : là où nous auons iuste occasion de dominager ces Grecz icy, pour les oultrages passez, et pour venir aux fins de recouurer madame Hesionne nostre tante : selon la charge à nous commise. Et après que cecy sera fait, qui sera le Prince si osé ne si hardi, qui vienne attenter contre la puissance du Roy nostre père et des siens ? Dabondant, vous voyez pour nostre opportunité, que le bon Roy mary de la belle, comme sil voulsist faire lieu à noz désirs, et de peur de nous destourber sest absenté de la cité : et qui plus est, à son partement nous ha recommandé bien expressément à la dame. Or me semble il, quil nest pas saison de dormir à ceste heure. Quen dites vous, messieurs ? le vous prie queien sache voz bonnes opinions. » Alors ainsi quilz faisoient honneur les vus aux autres pour parler le premier, Eneas par le commandement de Paris et Deïphobus, comme le plus aisné de tous, opina. Et dit en ceste manière : « Monseigneur mon frère, le loisir est si beau, et le temps si à gré» quil nest possible de mieux désirer, ie le concède. Si ne reste fors de voir si ce seroit bien fait de mettre à fin lemprise ainsi que lauions proposée : car il pourroit sembler que ce fust œuure trop estrange, et trop barbare, et contre tous les droits diuins et humains : mesmement contre le droit dhospitalité, duquel lupiter est
deffenseur : et dauôir prins tiltre dambassadeurs, lequel tiltre comme il est saint et inuiolable, aussi ne doit il estre violateur : et souz ceste couleur estre bien traitez, et auoir eu response gracieuse, et neantmoins mouuoir guerre furtiue, sans deflSance (1) preallable. Car combien quon ayt iuste querele et droituriere cause dindignation contre son ennemy, si doit on auoir regard particulier à son honneur, et à sa conscience propre. Car qui le fait autrement, le dommage et vitupère propre qui sen ensuit, infalliblement redonde par redoublée mesure sur celuy qui le fait. Et en tant quil touche le rauissement de madame Heleine autresfois fait par Theseus Roy d'Athènes, il faut entendre que loutrage nestoit point lors réputé si grand de la rauir pucelle, pour la prendre après en mariage, que maintenant quand elle est mariée, pour la honnir et vergogner. Et aussi le danger et lesclandre ny sont point si apparens alors pour Theseus, comme ilz seroient ores pour nous. Car il sauoit bien, quil nauoit à faire sinon au bon homme Tyndarus, trop plus foible et moins puissant que luy. Et ce nonobstant Heleine fat depuis recouuree par armes. Or voyez vous bien que Menelaus est Prince de bien autre estoffe, et mieux emparenté. Et dautre part, vous nignorez point que Castor et PoUux, frères d'Heleine, sont Barons de haute prouesse, et de grand emprise, sans les autres de leur alliance. Toutesuoyes, pource que ces Grecz icy sont de tous temps noz anciens ennemis, et que Menelaus est parent et allié de Telamon qui détient madame Hesionne : et encores pource que Pelops iadis ayeul diceluy Menelaus, fat tousiours en son temps ennemy de feu de noble mémoire le Roy Ilion, nostre ancestre, ie ne scay quen dire, sinon que tu en vses
(1) c.-à-d. défi. Cf. l'anglaia deJUnce.
SmCYLABITEZ DE TROTB. LITKE n. 65
par le meilleur moyen que faire se pourra. Et si atant vient que la chose se doiue exécuter, aumoins quon donne bon ordre à tout. Car ceste cité est fort puissante et bien peuplée de gens courageux et hautains, combien quil ny ayt tour ny murailles. Car ilz sont si fiers et si duits aux armes, que onques ne daignèrent faire autre boleuert. pont leuis, créneau, marchecoulis, (1) ou auant mur, que de leurs propres corps. Et parauenture ne se fient ilz pas tant en nous quilz ne soient sur leur garde. Dautre part que scait on si Menelaus auroit fait ceste feinte de aBB aller pour nous surprendre et enueloper icy ? Neantmoins ce que ien dis, nest pas pour crainte ou timidité que iaye, mais pource quen matières douteuses et suspectes, comme iay tousiours ouy dire, on y doit procéder par grande et meure délibération. »
Apres que le Prince Eneas eut opiné, le tresprudent cheualier Polydamas, filz du sage baron Panthus, parla. Et la somme de son opinion fut, quon ne deuoit en aucune manière attenter sur ceste matière, ne vser de voye de fait en labsence de Menelaus : attendu les bons termes quil leur auoit tenus, et le bon recueil de sa maison : et aussi la promesse de leur expédition désirée. Et que si autrement se faisoit, il doutoit que le Roy Priam, qui est iuste Prince et droiturier, nen fust pas content. Ce fut la teneur du parler de messire Polydamas. Consequerament le ieune escuier Glaucus declaira ce quil en sentoit, condescendant assez au rauissement d'Heleine, pour le mauuais traitement que les Grecz auoient fait à son père Antenor durant son ambassade, ou pource que parauenture il sestoit énamouré daucune des damoiselles de la Royne Heleine. En après
(1) c.-à-d. mâchicoulis.
