tt
66 ILLVSTRATIONS DE GAYLE, ET
Deïphobus feit déclaration de ce quil en auoit en lentendement, meu pour la grand beauté d'Heleine. De laquelle il nestoit pas moins amoureux, que son frère Paris, ainsi que met Diclys de Crète, en son premier liure, et parla en ceste manière :
« Mon frère, (1) si les preux et vaillans hommes du temps iadis qui nous ont laissé la gloire de leurs cheualeureux tiltres, pour embellissement perpétuel, eussent tant ruminé, et precogité tous les bazars qui pouuoient suruenir en leurs nobles emprises, ilz neussent iamais fait aucune chose digne de mémoire, ny enrichi leurs successeurs du bruit de leurs triomphes. lay tousiours ouy dire, que Fortune ayde voulentiers (2) aux hardis et bons entrepreneurs. Voudrois tu, ie te prie, estre frustré à iamais du fruit de ton iugement, et de la gloire immortelle, que la haute Déesse Venus toffre présentement, pour recompense de ton bien iuger ? Il me semble, sauue la paix dun chacun, que tu ne le dois vouloir. Car si dauenture par faute de conseil, ou de courage, tu te monstres nice et couard en ceste partie, que pourra on dire, sinon que point nés digne dauoir belle amie ? Et ta' grand lascheté conceura (3) hayne si implacable de ladite Déesse contre toy, quelle te persécutera par plus griefz accidens, quelle ne feit iadis la lignée de Phebus. Quelle autre auenture donques voudrois tu aller chercher plus preste, plus propre, ou plus naïue, (4) pour parfournir ta conqueste que ceste cy ? laquelle est desia toute dressée et demy faite. Ne faut il pas que ce fol
(1) mon amy le plus aymé gui soit au monde (éd. 1516 et 1528).
(2) tous jours (éd. 1516 et 1528).
(3) c.-à-d. engendrera.
(4) c.-à*d. natarelle.
SINGVLARITEZ DE TROTg. LIVBE U. 67
Roy abesty soit moqué par tous les humains, de sa stolidité plus que brutale ? Est il mémoire en aucune histoire escrite, quil fust iamais homme au monde si sot quil se fiast de tout son vaillant, et de sa propre femme, en ses aduersaires capitaux ? le suis dopinion que non, sil nha esté du tout hors du sens. Les Dieux veullent que ces Grecz icy soient punis de leur orgueil inueteré, et des ouitrages quilz ont faits au temps passé. Combien ont perpétré de détestables rapines ces Gregois icy, et tousiours en sont demeurez impunis ? Ceux du Royaume de Molosse en Ëpire, nallerent ilz point iadis rauir Proserpine, ûlle de madame Ceres en Sicile ? Et puis dautre part, ceux de Crète, nemmenerent ilz point par fraude et par déception, la fille du bon Roy Agenor de Sidone, qui est en nostre quartier d'Asie ? Oultreplus , de récente mémoire , ceux de Thessale, et de Thebes en Beotie, et aussi de ce païs cy, mesmement les parens et alliez de ceste Royne, et de son mary, nont il pas esleué la belle Medee, fille du Roy Eeta, nostre voisin, de Colchos, et pillé ses trésors ? Puis tous enflez dorgueil et de vaine gloire, tous pleins de reproches et de menasses, ilz repassèrent par deuant nostre cité. Et derechef sans autre occasion, comme vous sauez, retournèrent à nostre grand dommage et honte , bruslerent noz maisons, tuèrent noz parens, et emmenèrent nostre tante fille et sœur de Roy, en seruitude et concubinage. Quest ce à dire cecy ? Leur est il ainsi licite destre larrons et destrousseurs publiques, et quilz puissent rober et oultrager tout le monde vniuersellement, sans quon leur ose rendre ieu pareil? le ne me puis assez esbahir(l) de nostre pusilanimité. Et si dauenture il est ainsi, que Heleine ayt deux frères si
(1) ne douloir {éd. 1510 et 1528).
68 ILLVSTRATIONS DE GAVLE, ET
vaillans quon dit pour la poursuiure, ie croy que parauenture on trouuera bien madame Hesionne auoir enuiron vne trentaine de neueux assez passables, pour ayder à venger son opprobre et iniure, dont des légitimes ie suis le moindre. Donques en tant quil touche le langage friuole, duquel ce fol Roy icy nous ha cuidé paistre, nous auons assez entendu quil est forgé au coing des autres. Et pensons nous que iamais il procure rien à nostre auantage ? Ne sommes nous encores informez de larrogance et loquacité Gregoise, et de leur beau promettre sans rien tenir ? Croyez moy, messieurs, ce nest que pour se moquer de nous, et pour nous abuser en vaine espérance. Ou parauenture à fin de nous circonuenir et accabler icy, quand il sera renforcé de ses alliez, il se .dit aller faire le partage dune grand succession en Crète. le croy que toutes ces choses sont paraboles et abusions. le vous prie, considérons vn petit le grand orgueil rigoureux, dont ces Grecz noz anciens ennemis, ont vsé puis nagueres, enuers nostre bel oncle le baron Antenor, en sa dernière légation. Et dautre part, ramenons deuant noz yeux la cruelle occision de noz feuz parens, dont le sang crie vengeance. Reffreschissons nostre mémoire, de la dépopulation du tenement de noz ancestres, du rauissement et violation des dames et pucelles de Phrygie, faite par eux. Et tout ce mis en comparaison, aduisons sil est possible de leur sauoir inférer aucune iniure si grieue, si dommageable, ne si laidengeuse, qnilz ne laient encores méritée cent fois plus grande. Quant à moy, ie dis que non. Et soustiens que plustot paistront loups et brebis, aigles et moutons ensemble, que ne seront en paix et en amour commune les Troyens et les Grecz. Parquoy me semble, que toutes vacillations, craintes ou simulations postposees et mises arrière, ta mon frère Paris Alexandre,
SWCVLAHlTIfZ DE TROIÇK, MVftB II. iQB
dois procéder ausurplus, et ieuer marque sur noz eunemûi seloa la charge qui test eniointe. Sans penser autre chose, fors que le Roy nostre seigneur et père sera trescontent de ceste vengeance, et tresioyeux du vitupère de ses ennemis, quoy quou puist alléguer au contraire. » ^^ Aux paroles véhémentes du ieune Prince Deïphobus, le capitaine des gens de guerre et uauires de Paris, donna grand fultiment (1) et adiutoire. Induit à. ce par affection de pillage et auarice, qui est le commun vice de tous gensdarmes. Et va dire ainsi, adressant ses paroles au Prince Paris Alexandre : « Monseigneur , ie croy que tous les hommes du monde ne sauroient plus sommierement ne plus au vif attaindre le fonds de ceste matière, que ha fait monseigneur Deïphobus ton frère. ,Crois le, ensuis son opinion, car elle est bonne : et quoy quon die, ce nest que honneur et louenge à vn Prince, quand par moyens subtilz il peult trouuer façon de circonuenir son ennemy, et luy faire honte et dommage. Tu as donné de grans et merueilleux presens à ce Roy cy, qui point ne luy appartenoient. Il les faut recouurer, et de lautre auec ; et si ainsi nest fait, il se moquera de vous tous, messeigneurs, et du Roy aussi ; et dira par vantise et par insolence, que luy estes venu faire hommage. Dautre part, on vous pourroit reprocher estre inhumains et peu débonnaires successeurs, si vous ne vengez les meurtres de voz ancestres, et la défloration de voz parentes. Et en tant quil touche de mettre la chose délibérée à effect, la difficulté y est bien petite. Car quelque fors ou vaillans que soient les vilains de ceste ville, et fussent ilz tous diables de fer et dacier, si en verrons nous bien le bout. Laissez moy seulement manier laâaire quant
{\)fuîement (nucr. de Genève). Lacurne donne/uicir pour soutenir.
"W ILLVSTRATIONS DE GAVLE, ET
à cest endroit. Et tu, monseigneur Paris Alexandre, acheue de longue main tes emprises et conuenances enuers la Royne Heleine, par amours si faire se peult, autrement nous laurons par force. Et ce temps pendant, sans faire semblant de rien, ie feray de petit à petit approcher la meilleure partie des nauires, qui sont es ports de lisle de Cytheree, souz vmbre de les rabiller (1) et rauitailler : à fin de me saisir du port et haure de ceste cité. Puis après ie mettray dedens tout coyement et sans efFroy, (2) aucunes des meilleurs bendes de gens de guerre que nous auons : lesquelz seront armez à couuert, souz leurs robes, et si conuerseront parmy ceste ville, prenans couleur de se refreschir. Et quand tu madaertiras quil sera heure de besongner, tiens toy seur que la force nous en demourera, et ne ten soucie autrement. » A la resolution dessusdite sarresta totalement le iouuenceau Paris Alexandre. Si se départirent de leur conseil sans faire semblant quelconque. Et le capitaine sen retourne aux nauires estans es portz de lisle Cytheree, pour mettre secrètement à exécution icelle tresmauuaise et tresdesloyale trahison. Et quand il y fut, il la communiqua à aucuns des autres principaux capitaines chefz de guerre et centurions subalternes, en leur baillant grand espoir et courage, à cause de la pillerie et abandonneraent des femmes et filles. Auec ce que d'eux mesmes ilz estoient assez enclins et enracinez en lancienne hayne des Grecz, Le ieune Prince Paris, dautre costé ne cessoit dimaginer tous les moyens par lesquelz il en viendroit plus facilement à chef. Or ne pouuoit il plus pour labsence du Roy Menelaus, tenir deuises si longues ne si familières, auec-
(1) c.-à-d. raccommoder.
(2) c.-à-d. sans bruit.
SIMGVLAIIITBZ DB TROYB. LIVBB H. 71
ques la Royne qui! souloit, tant pour Ihoimetir délie, comme pour euiter le murmure et suspicion du peuple. Si feit tant pour trait de temps, quil trouua manière à force de grans dons et prodigalité abandonnée, sans rien espargner, dabatre et tirer à sa cordelle, deux des damoisalles principales dentour la Royne et qui iamais ne labandonnoient, ains estoient comme gardiennes de son corps, à ce députées de par le Roy Menelaus, duquel elles estoient parentes. Mais il nest rien en ce monde, qui ne soit corrompu par auarice. Lune dicelles sappelloit Clymena et lautre Ethra. (1) Et quand il les eut gaignees, et leur eut bien amplement et affectueusement conté la grand amour quil auoit à la Royne Heleine leur maistresse, elles moyennerent tout son affaire enuers leur dame, et portèrent lettres dun costé et dautre, tellement que lintention dunchacun d'eux deux, estoit assez communiquée à sa partie. Paris par son escrit extolloit la merueilleuse speciosité délie, vilipendoit la personne de son mary : qui nestoit point correspondant à elle, mesprisoit sa lignée, sa puissance, et la petitesse de son tenement : Et au contraire, magnifioit la noblesse de son pare Priam, et en vantant la richesse de Troye, disoit quelle estoit mieux deiie et plus propice à elle . Recommandoit sa propre personne, en beauté et vaillance, et celles de ses frères. Demonstroit lardante affection damours, qui luy auoit fait passer la mer, souz la ûance de la promesse à luy faite par la Déesse Venus. Et oultreplus, blasmoit la folie et niceté de Theseus qui lauoit rendue pucelle. Et en effect, par toute ingéniosité et artifice descrire, son epistre tendoit aux fins, quelle le voulsist prendre à mary, comme trop plus consonant à
(1) Cf. Iliad. III, 144.
72 ILLVSTRATIONS DE GAVLE, ET
sa singulière beauté, laisser Menelaus et sen aller à Troye, auec multiplication de grands promesses, dont les amans ne sont iamais despourueux. (1)
La response de la Royne Heleine estoit au commencement vn peu dure et aigrette : puis après tout doucettement elle se condescendoit à approuuer la beauté de Paris, et disoit que à peine auoit elle peu croire que les trois hautes Déesses eussent souzmis leurs formositez souz son arbitrage : mais puis que ainsi estoit, elle prenoit singulière volupté en deux choses : lune de ce quelle auoit estoit louée par la Déesse Venus, et lautre de ce que Paris pour son guerdon lauoit préférée aux richesses de dame luno, et aux vertus de la Déesse Pallas. Plus auant, icelle epistre responsiue estoit semée de doutes et de menuz reproches : car une fois, elle disoit craindre le songe de la Royne Hecuba : puis elle mettoit en auant estre aduertie , que Paris nestoit point constant en amours, comme celuy qui desia auoit mis en oubly sa dame la Nymphe Oenone, que de long temps il auoit aymee, et que nonobstant toutes ces vantises, si à tant venoit que guerre sourdist à loccasion délie, il porto it mieux la chère (2) de faire la guerre aux dames, en vne chambre, que aux champs, auec les cheualiers. Dautre part disoit, que les dames de Troye tiendroient peu destime délie, quand elles la verroient auoir laissé son mary pour vn Prince estranger. En après elle louoit la modération de Theseus, lequel ne lauoit point mal traitée. Et tout ce nonobstant et conclusion finale, elle bailloit assez à congnoitre à Paris, que ce quil luy vouloit persuader par amours, elle aymoit mieux y estre contrainte
(1) cf. 15« et 16« Hëroïdes d'Ovide.
(2) c.-à-d. avait la mine de....
SIMGVLARITEZ DK TROTE. LIVBB H. 7^
par force : car communément toutes femmes ont ceste nature appropriée, que lenforcement leur est plus agreftble, que nest de se bailler de plein gré à leur partie : iouxte ce que dit Ouide au premier de lart d'Aymer :
Qaod iuuat, inuitsa fsepe dediue Tolunt.
A fin quen temps et en lieu elles en fassent leur proufit, et puissent alléguer la force et la contrainte.
74 ILLVSTRATIONS DE GAYLB, ET
