CHAPITRE VIII
De la dépopulation et robement de la cité de Lacedemone, et des trésors du Roy Menelaus, et rauissement voluntaire de la Royne Heleine : auoc désignation du premier lieu, auquel Paris et elle se ioingnirent ensemble : et des larmes dicelle, dont fut procréée Iherbe appellee Helenium, qui sert à la beauté des dames. Du pillage fait en lisle de Cytheree. Et comment ilz partirent dillec : et furent poursuiuis par Castor et Pollux et errèrent en mer, sans sauoir tenir le chemin de Troye. Auec vne inuectiue contre Paris et Heleine.
Apres donqves que ces lettres, lesquelles sont plus amblement couchées es epistres d'Ouide, furent baillées au trèsbeau Paris par vne desdites damoiselles, et quil les eut veûes et leiies, il faut penser que iamais homme ne receut ioye si accomplie, quil feit. Si tira incontinent son frère et ses compaignons à part, et les leur monstra. Et leur feit bien noter ceste clause expresse : par laquelle elle signifioit en la fin de son epistre, quelle ne queroit autre chose, fors estre contrainte et rauie par force. Adonques ilz dirent, tous dun accord, quil estoit saison de besongner ce soir mesmes, sans plus longue dilation : car il faut battre le fer tandis quil est chaud. Le capitaine des gens de guerre auoit fait toutes ses approches et diligences tresindustrieusement, selon la délibération précédente. Si laduertit Paris, que ce soir mesmes, il falloit mettre ses gens en œuure, dont il fut tresioyeux. Par ainsi quand la nuict obscure, laqi^lle
SINGTLABITEZ DE TROTB. LIVRE II. 75
semont toute chose viuante à repos, fut venue, les citoyens de Lacedemone, ignorans de toute la trahison, se couchèrent chacun en son priué. Mais les Troyens qui point ne dormoient, leur causèrent vn piteux resueil.
Car à certain son de trompettes, qui leur estoit baillé pour signe, tous lesTroyens, Phrygiens, Dardaniens.etPeoniens estans desia armez et bien empoint, sesmurent soudain. Et premièrement et auant toute œuure, se saisirent de leurs hostes, es maisons desquelz ilz estoient logez : et se feirent maistres de leurs personnes, de leurs logis et armures. Eneas et Glaucus auec ledit capitaine, et grosses bendes et cohortes des plus asseurez gendarmes, auoient aussi desia occupé le marché de la cité, et certaines des principales rues, pour garder que ceux de la ville ne vuidassent des maisons, et se ralliassent : tellement que à force de trait et de pierres iettees à la fonde, il ny auoit si hardy Lacedemonien, qui sosast monstrer à huys ne à fenestre. Et dautre costé, les patrons et capitaines des galees, auec leurs gtens, et raathelotz en armes, se tenoient prestz en deffense, antour du port pour attendre et recueillir larraee et la proye, et garder que les ennemis ne boutassent le feu en leurs nauires. Et ce pendant, Paris, Deïphobus et Polydamas, auec la fleur des gentilzhommes et bons gensdarmes, estoient entrez au palais, sans trouuer gueres de resistence. Et se saisirent tout premièrement de la Royne Heleine, laquelle ne feit pas grand contradiction. Et prindrent aussi ses deux damoiselles, Ethra et Clymena, parentes de Menelàus, ensemble vne sienne femme de chambre, nommée Gréa, et autres des plus nobles et des plus belles, dont on ignore les noms. Troussèrent aussi toutes leurs bagues et ioyaux. Et en oultre pillèrent les trésors, richesses, vaisselle dor et dargent, pierrerie et tapisserie : et générale-
76 ILLVSTRATIONS DE GAVLE, ET
ment tous les bons meubles du Roy Menelaus quilz trouuerent au palais. Et à tout ce, se transportèrent en leurs nauires. Quand Paris, Deïphobus et Polydamas auec leurs gentilzhommes, et la Royne Heleine, et ses femmes, ensemble tous lesdits meubles et trésors, furent à seureté dedens lesdites galees, alors à vn son de trompette, tout le demourant de la cité fut abandonnée à pillage. Leffroy fut grand, la noise fut horrible. Les poures Lacedemoniens trahis et circonuenus souz ombre de bonne foy, ne sauoient à quel courir ; et ne pouuoient donner ordre à ce quilz se ralliassent, pour faire vne pointe de deffense. Là y eut mainte noble femme honnie, et mainte belle pucelle violée. Maint vaillant homme qui cuida résister à leur damnable emprise pour le salut de son païs, fut meurtry et affolé. Maint huys y fut rompu, et maint coffre effondré, et le dedens exposé à pillage et rapine. Les temples des Dieux mesmes par sacrilège y furent brisez et prophanez, et les statues et simulacres dor et dargent emportez. Et brief, tout le desroy inhumain et criminelle abomination, que licence militaire et fureur bellique ont accoustumé de commettre en tel cas, y fut exploitée. Et croy que encores ne sabstindrent ilz point, de bouter les feuz en diuers lieux. Si estoit pitié et horreur douyr les cris féminins, les pleurs des enfans, les souspirs des vieillards, les chapplis (1) des frappans, le charpentement (2) des vainqueurs, le bruit des harnois, les regretz des fuyans, les plaints et lurlement des mourans : et le tumultueux gémissement de toute la cité confuse.
De tel douaire fut doué ce monstre féminin, la malheureuse Heleine, quand dame Venus la liura premièrement au iouuenceau Paris, pour acquiter sa promesse. Tellement
(1) o.-à-d. les coups. — (2) Populairement, charpenter = frapper sur.
SINGVLARITEZ DE TROTE. LIYBB H. 77
qne sans auoir douleur ne compassion du grief de son peuple destruit et desconflt, de la désolation de sa noble cité déserte, et de la ruine et dépopulation de Iheritage de son mary, elle seoit au giron de son adultère, et repaissoit ses yeux de la flambe ardante et bruslante le patrimoine domestique de sa seule fille Hermione. De laquelle elle estant la trescruelle marastre, et non pas mère, nauoit mémoire ne recordation aucune. Et auoit le cœur si endurcy, quelle auoit bien la patience de voir à yeux secz et non mouillez de larmes, les souldars de Troye, les ennemis de son territoire, rentrer en leurs vaisseaux et nauires, tous souillez du sang Lacedemonien, tous puans encores de la récente luxure commise es corps des nobles matrones et virgines pudiques de Sparte, tous chargez de la despouille, acquest et espargne de ses bons citoyens, et des choses consacrées et dédiées aux temples des Dieux : menans auec eux liez et enferrez plusieurs beaux et nobles adolescens, pour prisonniers, et maintes pucelles gentiles, en seruitude comme esclaues. 0 cœur félon, dur et marbrin, ô courage estrangé dhonneur, (1) aliéné de raison, loingtain de pitié féminine, transformé en cruauté barbarique, ô visage angelique et vénérien, ayant queiie draconique et serpentine : que tant te coustera cher le crime que tu commetz à présent, que tant en seront de femmes vefues, et denfans orphenins, ains que le meffait que tu encommences soit purgé. Et toy chetif Paris, garny de vaine et inutile beauté, tu tesiouis à ceste heure, en receuant le transitoire guerdon de ton fol iugement, et ne voudrois auoir eslu les hautaines richesses de dame luno, ne la rémunération éternelle de la sapience et vertu de dame Pallas. Mais assez
(1) o.-à-d. perdu d'honneur.
78 ILLVSTRATIONS DE GAYLE, ET
auras encores loisir de ten douloir, et maudire ta malheureuse stolidité. Dame Venus ton accointe, (1) tha fait faire ceste nuict vn beau chef dœuure pour les prémices et fruit primerain de tes vaillances, mais tard sera que tu ten repentes.
Ainsi fut la cité de Sparte ou Lacedemone pillée par les Troyens. Laquelle chose fut légère à faire, attendu quelle nestoit point murée, ne garnie de portes ou boleuers. Ainsi que demonstre Ouide au dixième liure de sa Métamorphose, disant :
Dam Deu8 Eurotan immunitamque fréquentât Sparten ;
Et Philostratus en la uie d'Apollonius, au premier liure, dit ainsi, en la personne dudit Apollonius parlant au Roy des Ethiopes : Lacedœmonum namque ciuitas, ô recc, ahsque mwris habitatur. loint à ce que ceux de dedens ne se doutassent iamais de telle trahison. Apres lequel cas perpétré, les ancres furent leuees du port de Lacedemone, sans contrarietez. Si labourèrent les patrons à se ioindre au remanant de larmee, qui gardoit les ports de lisle de Cytheree, et des villes de Cranaé et de Cytheree en ladite isle. louxte ce que dit Homère en son Iliade :
Nec cum te rapiens, primum è Lacedsemone pulchra, Pontiuagis ratibus Craaao me la littore iunxi. (2)
Lesquelz vers Strabo allègue au ix. liure de sa Géographie. Eux arriuez ensemble, enuiron laube du iour, il y eut grande exclamation et festoiement, entre les compaignons et mariniers, qui se vantoient et glorifîoient de leurs beaux
(1) c.-à-d. complice. — (2) poni magis (éd. 1516). Ce qui u'offi-e aucnn seoa. Cf. Iliad. III, 444.
SIIfGTLARlTEZ DE TROTB. LITRK O. 19
faits victorieux. Les habitans desdites villes de Cranaé et Cytheree, voyans linsolence et la crierie non accoustumee des Troyens, et aussi pource quilz pouuoient auoir veu les feuz de Lacedemone, nestoient point fort à leur aise, ain- Qois veilloient à leurs créneaux en grand crainte et doute : et non sans cause.
Incontinent que les galees Troyennes furent ancrées en ladite isle de Cytheree aux ports desdites villes, Paris se feit mettre en terre, et la Royne Heleine aussi. Et commanda promptement quon tendist vn pauillon au myliea dune belle prairie, estant au dessouz de la ville de Cranaé non pas loing du bort de la mer. Et dedens iceluy pauillon feit aussi dresser son lict de camp riche et somptueux à merueilles. Lesquelles choses faites et ordonnées, il feit mettre à lencontre dudit pauillon grand nombre de gensdarmes pour sa garde et seureté. Si se coucha auec la Royne Heleine, nud à nud. Laquelle chose il feit tant pour prendre possession du don et guerdon duquel la Déesse Venus le remuneroit, et luy en rendre grâces, comme aussi pour euiter le reproche, duquel Theseus Roy d'Athènes auoit esté noté, quand elle fut recouuree de luy, sans y auoir touché, comme dessus est dit. Or ne furent point presens audit assemblement et conionction de Paris auec Heleine, Hymeneus le gracieux Dieu des noces, ne la bonne Déesse luno, qui préside aux mariages légitimes : car elle estoit ennemie de Paris, et totalement son aduersaire. Mais en leur lieu y abordèrent les trois diaboliques et horribles Déesses, que les poëtes appellent Furies. Cestadire Rages, Harpyies, Chiennes ou Eumenides, filles dun fieuue infernal nommé Acheron qui signifie perdition de ioye, et de la nuict ténébreuse et obscure. La première sappelle Alecto, cestadire non reposant. La seconde Thisiphone : qui vaut autant.
80 ILLVSTRATIONS DE GAYLE, ET
comme voix furieuse. Et la tierce est nommée Megera : qui se peult interpréter noise ou discord. Ces trois vénérables mignonnes, ces trois chiennes enragées, ministres denfer et députées au seruice de Pluton à tout leurs cheueux colubrins furent celles qui tindrent les flambeaux preiudidiciables et les malheureuses torches autour du lict des deux adultères, Paris et Heleine : et assistèrent à leur damnable embrassement. Et en lieu de doux rossignolz amoureux et autres oyselets, les chatshuans et les cormorans, qui sont oyseaux funèbres de mortelle signification et de malencontre, y vlulerent hideusement en lieu de chanter matines.
Aucuns acteurs, et mesmement Strabo au ix. liure de sa Géographie, mettent que icelle ville de Cranaé, auprès de laquelle fut faite ladite conuention de Paris auec Heleine, changea son nom primitif, et de là en auant fut appellee Helenium, en souuenance et commémoration du notable ouurage qui auprès délie auoit esté perpétré. Et sur ce passage ie ne suis point ignorant que, selon lopinion de Pline et de Strabo, en ladite isle de Cytheree, qui parauant sappelloit Porphyris, ny auoit quune ville du nom de lisle. Et donne à entendre ledit Strabo que Cranaé est vne autre petite isle du nombre de celles qui sappellent Sporades, et est située à lendroit de la région d'Athènes. Et se concorde à ce, quelle fut appellee Helenium, pource que Paris y coucha premièrement auec Heleine. laques de Bergome, au quatrième Hure du Supplément des chroniques, dit ainsi : Hélène septima maris A egœi insula : solum nota Eelçna Menelai régis vxoris stupris. Dares Phrygien en son histoire Troyenne met expressément que Heleine fut rauie au dessouz de la ville appellee Helenium, en lisle de Cytheree. Et ledit Strabo et Pline, disent quen ladite isle de Cythe-
SUfGULARITBZ DR TROYE. LIVRE II. M
ree, y auoit vne ville portant le nom de lisle mesmes, comme desia est dit. Ainsi sensuiuroit, que pour lors y auoit deux villes. Et cest la raison qui mha meu à le mettre ainsi. Comment que soit, la difficulté est de petite estime.
Bocace aussi en allegantplusieurs raisons, dit que Heleina au temps de son rauissemment voluntaire, pouuoit auoir enuiron trente ans : auquel aage les nobles femmes et de bon esprit rendent leur beauté plus spécieuse, en y adioustant par art ce que la longueur du temps pourroit auoir diminué de leur formosité naturelle. Et quant à ce on pourroit dire ainsi, que les gens de ce temps là viuoient plus longue espace quilz ne font à présent, et aussi que leurs corpulences estoient plus grandes et plus vigoreuses que ne sont celles de maintenant, comme nous auons dit plus amplement au premier Hure. Et par ainsi, les femmes nestoient point parauenture si tost ne si tempre (1) meures, quelles sont ores : et duroit plus longuement la fleur de leur speciosité. Et pour auoir aucune coniecture que dame Heleine fust de plus grande stature que les femmes de maintenant, il me souuient auoir ouy dire à Blanchart le noble, natif de Chalon sur Saône, homme de grand mémoire et expérience : (car il auoit seruy le grand Turc Mahumeth Othuman, de maistre fondeur dartillerie, et depuis les Vénitiens, et maintenant est orfeure de la tresclere Princesse à laquelle ceste œuure est intitulée) mais il me contoit, quen vne des isles de l'Archipel, nommée Lediles, (2) il auoit veu autresfois vn colosse ou simulacre de ladite Heleine, comme disoient ceux du pais : et estoit icelle statue de marbre blanc, taillé par grand artifice après le vif, plantée en terre iusques au nombril.
(1) c.-à-d. de boane heure. Cf. le liègeoia tenprou = précoce.
(2) Délos, auj. JHH, Sedili.
