II

82 ILLVSTRATIONS DE GAVLE, ET

Et selon son estimation, pouuoit bien auoir la hauteur de cinq femmes modernes. Mais elle estoit sans teste : car vn Geneuois la luy auoit ostee, pour la donner au seigneur Virgile Oursin Romain, trescurieux de telles antiquitez. Dit oultreplus vn grand homme appelle Nicolas Perot, (1) iadis euesque de Siponte, au sixième liure de son volume appelle Cornucopie : Que après que les deux amans se furent leuez de leur esbat vénérien, la belle Heleine se meit à plourer amèrement, tellement que les ruisseaux de ses larmes toraboient en grande abondance aual sa clere face, et arrosoient la terre alenuiron. La cause de son pleur venoit ou pour iuste douleur et remors de conscience de son crime détestable de sa chasteté brisée, et dissolution de son mariage légitime, ou peult estre par feintise féminine : ou autrement pour la signification que le cœur luy apportoit des grans maux qui à ceste cause estoient à aduenir. Or, de quelque cause ou mouuement que ce fust quelle plouroit, sans nulle faute elle auoit assez matière de ce faire. Et afferme iceluy acteur mesmes que de sesdites larmes, qui tombèrent en terre, nasquit illec vne herbe bassette, quigineas, qui ne seslieue de terre, (2) et ha les fueilles semblables à polieul ou serpolet, icelle herbe est appellee Helenium, pource quelle fut procréée des larmes de la belle Heleine. Et ha telle vertu et propriété, quelle peult esclarcir le teint du visage des femmes, et conseruer en beauté le cuir (3) de leur face, et de tout le demeurant de leur corps, sans pustules, sans macules et sans rides. Et ha aussi la puissance de prouoquer le courage des hommes à amour, et de ren-

(1) N. Perotti (1430 — 1480). Cornucopia, sive commentaria Ungua latinee (Venise, 1489 in fol.).

(2) qui guieres ne seslieve (mscr. de Genève).

(3) c.-à-d. la peau.

SIWr.TLARITEZ DE TROTB. LIVRK H. 85

dre la personne ioyeuse, et agréable, quand elle est beùe auec du vin. Aucuns lappellent omnimorbia, pource quelle est propice à plusieurs maladies. le suis dopinion que Ihomme seroit bienheureux au temps présent qui sauroit congnoitre ceste herbe pleine de si grands vertoz : et en feroit grandement son prouflt enuers les dames.

Apres donques ces choses faites, selon ce que ie puis cueillir et coniecturer par les dits des bons acteurs, les deux villes estans en ladite isle de Cytheree, cestasauoir Cytheree et Cranaé, autrement dite Helenium, furent pillées par les Troyens, Et aussi despouillé par sacrilège le temple de Venus pour le guerdon du bien quelle auoit fait à Paris, en luy donnant Heleine. Et pareillement le temple de Diane et d'Apollo estant illec sur le riuage de la mer, près de la cité d'Helenium. Et plusieurs prisonniers emmenez, comme met expressément Dares Phrygien, nonobstant que ceux de ladite isle feissent la meilleure defifense quilz peurent. Mais contre le grand nombre des gens de Paris, impossible leur fut de résister. Icy ha diuersité entre noz acteurs : Car Dictys de Crète, Ouide, et plusieurs autres mettent le rauissement d'Heleine, auoir esté perpétré en la cité de Lacederaone, ainsi et par la manière que cy dessus lauons descrit. Mais Dares de Phrygie tout seul ne fait point mention de Lacedemone, ains dit quelle fust prinse audit temple de Diane et d'Apollo en ladite isle de Cytheree, auquel temple elle estoit venue pour voir Paris, souz ombre de faire sacrifice en iceluy. Quoy que soit, tout renient à vne conclusion. Mais tousiours ie marreste à la plus saine partie.

Tous lesquelz beâUX vaisselagôs ôt magniâques emprises menées à chef, le beau Paris commanda leuer les ancres, et faire voile légèrement, combien que le vent ne fust gueres

84 ILLVSTnATIONS DE GAVLE, ET

propice. Mais ce nestoit pas chose seure de se tenir plus longuement en terre ennemie, laquelle ilz auoient si énormément dommagee. Adonques les mariniers deuenuz tous riches de mauuais acquest, se ietterent diligemment hors des ports, guinderent leurs trefz, singlerent du vent à la bolingue (1) à grand ioye et triomphe, et exclamations nautiques, et dressèrent les timons de leurs nauires, pour tirer en Asie la mineur, quon dit maintenant Turquie ou Natolie, emmenans auec eux la malheureuse proye qui si cher leur coustera. Les poures Lacedemoniens, et ceux de lisle de Cytheree, qui les voyoient desloger, conuoyoient leurs voiles non pas auec bonnes prières, mais auec malédictions exécrables, pour le grand dommage quilz auoient souffert. Plusieurs des plus dolens, mesmement les seruiteurs de la Royne Heleine, armèrent aucuns petis nauires et brigantins légers, et se meirent en mer de 1 autre costé, pour aller en lisle de Crète, faire sauoir le meschef et grand mesauenture à leur Roy Menelaus qui y estoit. Aussi Dares de Phrygie met que Castor et Pollux, frères d'Heleine, après ce quilz furent aduertis du rauissement de leur sœur, se meirent à la poursuite en grand haste, pour la recouurer : mais leurs nauires effondrèrent et furent foudroyées, auprès de lisle de Lesbos, quon dit maintenant Methelin, par force de tempeste et tourmente : et eux y furent tous péris et noyez. Combien quil y ayt autres opinions de leur mort, comme nous auons touché cy deuant. Et dautre part les Troyens, au moyen de la contrariété des vents, furent transportez en la Costa d'Afrique et de Barbarie, tout au rebours de leur intention. Mais nous les laisserons errer par la marine vue espace de temps, et retournerons vn petit à Troye. Car assez à temps les viendrons nous retrouuer là où ilz seront.

(t) c.à-d. aller à la bouline, avec uu vent de biais.

SmCVLARlTEZ DE TROYit. LIVRK II.