CHAPITRE IX
Narration d« la mort fortuite des deux baatards de Priam, et de U Nymphe Esperie, et du dueil de Priam et des siens, mesmement da la Nymphe Oenone, tant à ceste cause, comme pour le long seioor de Paris. Et des deuisen et vaticinations de Cassandra. Ensemble recitation daucunes fables. Et aussi de loccupation vertueuse da ladite Nymphe Oenone, et de la beniuolence que Priam et les siena auoientà elle.
Endementiers que le beau Paris Alexandre vaquoit à son emprise vénérienne, le gentil Esacus lun de ses frères bastards, et des plus ieunes, lequel le Roy Priam auoit engendré en la Nymphe Alixothoë fille de Dymas, comme est dit au premier liure, alla mourir au grand desplaisir du Roy Priam et de tous ceux de Troye. Et la cause de sa mort fut telle : ledit Esacus frequentoit voulentiers la contrée de Cebrine, dont son frère le trespreux Hector estoit seigneur. Et se trouuoit souuent autour de la valee de Mesaulon et les montaignes Idées, pource quil aymoit souuerainement les champs et la chasse, et nauoit cure de la cité. Or alla il tant et vint en ce quartier, quil fut espris de lamour dune belle Nymphe dicelle région de Cebrine, laquelle auoit nom Esperie, (1) et fut iadis des compaignes et familières de la Nymphe Pegasis Oenone. Par trait de temps le noble enfant Esacus, luy requit tresin-
(1) Bptrie (msor. de Genève et ëd. 1516 et 1528).
86 ILLVSTRATIONS DE GAVLE, ET
stamment auoir la iouyssance de son amour. Mais elle qui estoit sage et prudente pucelle, et aymoit sa virginité, sen excusa du tout, et ny voulut aucunement entendre. Et ce voyant Esacus, à qui le désir amoureux estoit redoublé au moyen du dit refuz, espia la belle maint iour et mainte nuytee : et tant trauailla par curieuse diligence, que fînablement il la surprint vn iour quelle seichoit ses beaux cheueux aureins au Soleil, auprès dune clere fontaine et loing de gens, dont il fut tresioyeux, que plus ne pouuoit, cuidant estre venu à chef de son emprise. Mais trop sen faillit : car des que la noble Nymphe lapperceut, elle fut si troublée de la grand peur quelle eut, quelle print incontinent sa course, au long dune belle prairie, sans autrement adouber ses belles tresses qui flottoient autour de ses espaules. Et tout ainsi comme laloëtte ramage (1) estant emmy la cham- . paigne loing des buissons, ha dauenture entreueu ou cuidé entreuoir, lombre de lespreuier son mortel ennemy, volant en lair : ainsi fuyoit la gente pucelle toute esperdue et descheuelee, et le gentil Esacus après. Mais crainte virginale augmentoit puissance de courir à la Nymphe. Et dautre part lappetit de lamoureuse proye administrât vélocité au ieune amant. Or aduint il de grand malheur, que la belle en courant, marcha de son pied nud et tendre sur la queiie dun aspic venimeux et mortel, musse entremy Iherbe : lequel la piqua dune dent, au bout de larteil du pied, tellement quil y laissa le venin mortifère dont la pudique virgine alla promptement mourir sur le champ par loutrageuse violence du venin. Alors veissiez le plus dolent des amoureux, tant troublé, tant desconfit, et tant aggressé du dueil, que difficile chose seroit à le raconter. Si commença
(1) c.-à d. sauvage.
SINGVLARITEZ DE TROTB. LIVRB n. 87
à detraire ses beaux cheueux, tordre ses poings, et batre sa poitrine, comme vn homme désespéré, voyant quil estoit cause du mortel inconuenient de sa dame. Et après plusieurs pitoyables regretz et lamentations indicibles il sen alla comme forcenant au plus haut sommet dun rocher pen> dant sur la mer Hellesponte, et dillec se précipita es vndes marines, et se noya. Ouide en son xi. liure de Métamorphose, recitant ceste histoire, dit que Tethys la grand Déesse de la mer, de pitié quelle eut de lenfant Royal, le receut entre ses bras, et le mua en vn plongeon. Laquelle fiction ne tend à autre signifiance, sinon que ceux qui se noyent, ressemblent aux plongeons : car auant quilz soient du tout esteints, on les voit remonter deux ou trois fois sur leaue.
Quand ceste douloureuse auenture paruint à la notice du Roy Priam, il en mena un merueilleux dueil, pource que sur tous les bastards, celuy estoit son plus cher tenu : et comme tesmoigne Ouide audit xi. liure de Métamorphose : Il auoit apparence destre vaillant, comme vn second Hector, sil eust peu viure son cours naturel. Mesmes iceluy noble Prince Hector, pour les mérites des vertus quil auoit congnues au defunct le regrettoit beaucoup : si faisoient ses autres frères tant légitimes que bastards, et ses sœurs bastardes. La Royne Hecuba et ses filles aussi le plouroient parfondement. Mais entre les autres, la Nymphe Pegasis Oenone, et le bastard Cebrion de Cebrine en demenoient le plus aspre dueil, tant pour lamour du feu noble Esacus, leur frère, qui en son viuant leur auoit fait maint seruice, comme pour lamour de la Nymphe Esperie, en son temps compaigne et amie cordiale de ladite Oenone, et aussi sa prochaine voisine. Or après longue deploration, la pompe funerale fut faite, tant de lun comme de lautre. Si honnora
88 ILLVSTRATIONS DE GATLE, ET
le bon Roy Priam iceux deux corps par ensemble, de sépulture magnifique, attendu que lun auoit causé deffinement à lautre. Mais après que tous eurent cessé leur dueil, le bon Roy Priam ne se sauoit appaiser : car point nauoit encores accoustumé fors toutes choses prospères et agréables.
Et pource quun malheur ne vient iamais seul, il ne tarda gueres que après la mort du bastard Esacus, que plusieurs varletz et païsans apportèrent à Troye en vne bière le corps dun autre sien filz bastard, nommé Teucer, lequel il auoit eu de la Nymphe Anthiodone. (1) Et auoit esté occis en la forest de Bebryce, par vn grand et merueilleux ours, comme met Bocace, au vi. liure de la Généalogie des Dieux. Si renouuella le dueil du Roy Priam, plus aspre que deuant, car cestoit certain présage de ses infortunes aduenir. Et après quil eut fait faire ses obsèques funerales, il entra dautre part en grand doute de ses deux enfans légitimes Paris et Déiphobus, et de larmee quil auoit enuoyee en Grèce, pource que point nen auoit de nouuelles. Et pour ces raisons sa noble chère estoit toute obnubilée de contristation occulte, et à bon droit : car naturel instinct lenhortoit à ce faire, pour le grand mal qui luy estoit prochain, à loccasion duquel, son dueil sera souuent renouuellé, par morts quotidiennes, et occisions fréquentes de ses nobles enfans.
Aussi la gracieuse Nymphe Pegasis Oenone estoit toute pensiue et melencolieuse, pour la si longue absence de son mary, qui plus ne luy est rien, mais encore ne le scait elle point. Et souuent faisoit enquérir par ses gens, des marchans ou estrangers, venans deçà la mer, silz en sauoient
(l) Ântidone {éd. 1516 et lbZ8).
SIKGVLARITBZ DE TROTK. LIVHE U. W
aucunes nouuelles, mais nulle nen ponuoit apprendre. Si montoit aux hautes tours et dongeons du palais, et y menoit ses belles sœurs Cassandre et Polyxene, et les antres, pour voir si dauenture elles verroient blanchir nulles voiles sur la marine. Et quand aucunesfois ses yeux deceuz par grand affection voyoient ou cuidoyent voir aucunes nauires nageans au vent, alors elle muoit couleur et tressailloit toute de ioye, et sesiouyssoit en vaine espérance. Et puis quand elle se trouuoit deceiie de son cuider, elle palissoit tout acoup, et arrosoit sa clere face de larmes : car elle qui auoit assemblé et vny toutes les affections de son cœur en lamour et bienueillance de son seigneur et mary Paris Alexandre, ne songeoit autre chose fors son retour et sa santé prospère, tellement quen ses gestes, en sa contenance, en son parler et en sa chère, on pouuoit aisément lire la haute sublimité damours qui tenoit siège et habitacle au clos de son noble cœur.
Lesquelles choses voyant et congnoissant la noble pucelle Cassandra, il luy en prenoit grand pitié. Car elle sauoit par esprit de prophétie, le rauissement d'Heleine, lalienation du courage de Paris, et le prochain diuorse et séparation de luy et de ladite Nymphe. Si luy disoit, ainsi comme rauie en ecstase par mois couuers et pleins dambiguité : « Ha ! noble Nymphe Oenone ma chère sœur, que fais tu lasse ! mamie, que fais tu, tu laboures en vain, tu te trauailles pour néant de fonder ta si grand amour sur mon frère Paris. Il vient vne génisse Grecque, vue mauuaise beste cornue, qui mengera ton fruit et ta pasture, et mènera à perdition ce Royaume et ceste maison. 0 Dieux tous puissans, gardez que si grand esclandre naduienne, preseruez nous de tel inconuenient. » Quand la sage Cassandra pronongoit ces paroles obscures et prophétiques, la
00 ILLVSTRATIONS DE GAVLE, ET
Nymphe Oenone trembloit toute de peur, et luy dressoient les cheueux en la teste, ignoramment toutesuoyes : car elle nentendoit point leur signifiance, neantmoins le cœur ne luy en apportoit nulle bonne interprétation. Adonques Cassandra luy disoit derechef : « Ma sœur, mamie Oenone, tu nadioustes point de foy à mes paroles, non plus que les autres ne font, ie le scay bien : car mon malheur est tel. Si te vueil bien conter la raison pourquoy il maduint, que à mes vaticinations et deuinemens, nully ne veult croire. Il est vray, mamie, que iadis le Dieu Phebus Apollo, lequel te donna puissance sur toutes herbes et racines, édifia les murs de ceste cité, auecques le Dieu Neptune : et pour ce faire, se meirent tous deux en semblance humaine. Et tant y seiournerent, que le Dieu Apollo senamoura de moy, ou aumoins il en feit le semblant. Si me requist damours fort ieunette que iestoye : mais quelque ieune que ie fusse, si nestois ie point simple ne nice. Ains estant informée de sa grand puissance, ie luy dis, par cautele, que ie my consentoye, moyennant que premièrement et auant toute œuure, il mottroyast vn don, tel que ie luy demanderois : de laquelle chose il fut de léger content. Si len feis auant iurer sur Styx la grand palu d'Enfer, laquelle les Dieux supérieurs nosent aucunement pariurer. Pource que sa fille Victoire, obtint d'eux ce perpétuel priuilege, quand elle les ayda alencontre des merueilleux Geans, qui iadis vouloient escheller le ciel, et ietter les Dieux hors de leurs propres maisons. Que te ferois ie long conte ? le Dieu Apollo iura voulentiers. Et quand ie veis quil eut fait le serment irreuocable, ie fus lors acertenee de mon cas. Si luy demanday promptement quil me donnast la science de vaticiner, cestadire de deuiner, sauoir et prophétiser toutes choses passées, présentes et aduenir. Laquelle chose il me conferma facilement,
SniGTLARITEZ DE TROTE. LIVRE n. 91
pource quil est Dieu de vaticination aussi bien quil est de médecine, parquoy ie fus incontinent sage deuineresse. Ce fait, il me demanda aussi le guerdon damours que promis luy auoye, comme il disoit. Mais ie luy deniay et refusay pleinement, comme faire deuoye : car il ne queroit que la despouille de mon pucelage et vii^nité, que iamais neofse enfrainte pour chose quil meust sceu faire ne donner. De ce refus, fut si troublé et marry le Dieu Apollo, et le print si mal en gré, que plus ne pouuoit. Et voyant quil nauoit puissance de me toUir ce quune fois mauoit ottroyé par serment, il me dit dune chère despiteuse et iree, en ceste manière : « 0 pucelle trop fine et trop subtile à deceuoir les Dieux : tu auras bien peu fait de conquest en lottroy non desserui. Car à fin que les autres apprennent à non se moquer des supérieurs, ie détermine dicy et desia, que iamais nul iour de ta vie tes deuinemens et prophéties ne pourront obtenir lieu ne credence enuers les hommes mortelz, ains seront tousiours par iceux estimées vaines et friuoles. Et après auoir ce dit, il se départit. Mais sa destinée, (l) ma douce sœur et amie, ha tousiours depuis ensuiuy son effect, et encores fait iournellement, au grand preiudice et dommage de Troye. Par ainsi tu as ouy loccasion de ce malheur. »
La belle Nymphe Pegasis Oenone, si perplexe et si douteuse, que plus ne pouuoit, nentendoit encores rien au langage obscur de sa belle sœur la sage Cassandra. Et celle aussi ne luy en vouloit rien declairer plus auant, mais changeoit autre propos, et tournoit tout à ieu et à bourde. Si se prenoient toutes ces nobles Princesses ensemble à se déduire et sou lasser en aucun passetemps. Et toute Ihuma-
(1) c.>à-d. son arrôt.
92 ILLVSTRATIONS BE GAVLE, ET
nité et coniouyssement dont on se pourroit aduiser elles et leurs frères les nobles enfans de Priam, faisoient à ladite Nymphe, en labsence de son seigneur et mary Paris Alexandre, esmuz à ce pour la douceur, sens et beauté quilz trouuoient en elle. Et elle aussi leur rendoit mutuel obseque, (1) et causoit tant à eux, comme aussi au Roy et à la Royne, beaucoup de plaisir et de volupté, par les effectz de sa noble science medecinale, et congnoissance intrinsèque de toutes herbes, plantes, racines, fruits, semences, fleurs, pierres précieuses, gemmes, et espèces de mines métalliques, et de leurs efficaces et vertus. Au moyen dequoy, elle composoit plusieurs précieux vnguens de merueilleuse odeur : Nobles baumes artificielz de grand véhémence et opération : Conserues de toutes manières de choses aromatiques : Antidotes de louable efficace, contre tous venins et poisons : Nobles antraits (2) de grand remède et value : Pouldres cordiales bien mixtionnees : Eaues distillées en lalembic de souefue senteur et grand vertu : Quintes essences de grand artifice, et mille autres gentillesses et choses salutaires, esquelles elle soccupoit en passant son ennuy, et en faisoit grand seruice à ses amis, dont elle estoit prisée et cher tenue dunchacun. Mais délie nous laisserons le conte, pour le présent, et retournerons en Crète, où le Roy Menelaus est. En quoy faisant, ensuiuray pour la plus part, mon acteur Dictys de Crète en son premier liure.
(1) obséquieux, excessif en complaisance. V. plus haut ohscqy,e funeralle = service funèbre.
(2) c.-à-dire astringents. Cf. intractus, et flam. intrekken, resserrer. Ce mot signifie aussi onguents. Le manuscrit de Genève porte : entraitt.
SINGVLARITEZ DE TROYE. UVBB U. 98
