CHAPITRE X

Explication da partage fait par le Roy M«nelaas aaec ses coasios tes Roys de lisle de Candie, et autres, toochant les trésors et saccessioDS de son oncle maternel Atreus descendu de Minos. Et comment luj estant illec, nouuellea luy vindrent du l'auissement de m femme Heleine. De soa retour en Lacedemone ; et de lambasaad* enuoyee à Troye.

Or met iceluy tresancien acteur Dictys de Crète, que le Roy Menelaus de Lacedemone, qui fut filz de Plisthenes et d'Europa fille d' Atreus, qui fut de Minos, qui fut de lupiter, troisième de ce nom Roy de Crète (comme desia est dit icy deuant) fut le bien venu en ladite isle de Crète, quon appelle maintenant Candie : Car ses beaux cousins Roys de ladite isle, cestasauoir Idomeneus filz de Deucalion, et Merion filz de Molus, tous deux neueux du Roy Minos, le receurent en grand gloire et triomphe. Aussi sy trouua le noble Palamedes filz du Roy Nauplius de lisle de Nigrepont, et de la Royne Clymena. Laquelle Clymena comme ie puis coniecturer, estoit sœur dudit Atreus de Crète, et sœur d'Europa mère de Menelaus. Autres aussi dudit lignage sy trouuerent qui ne sont point à propos. Mais le Roy Agamemnon de Mycenes, frère aisné de Menelaus, et leur sœur Anaxibea femme du Roy Nestor de Pylon ne sy trouuerent point : pource quilz furent occupez en autres leurs afiaires, ains mandèrent à leur frère Menelaus quilz se ôoyent du tout en luy du partage de la succession à eux

94 ILLVSTRATIONS DE GAVLE, ET

laissée par feu ledit Roy Atreus de Crète, leur ayeul maternel : et que ce quil en feroit haut et bas, seroit ratifié par eux. Ainsi procéda ledit Menelaus auec les autres à la diuision et partage que dessus. Et en ensuiuant lordonnance testamentaire dudit feu Roy Atreus, le Royaume de Crète, citez, terres, . yiHes, chasteaux, et seigneuries dependans diceluy, demeurèrent à ceux qui estoient descenduz de leur grand ayeul le Roy Minos en lignée masculine : cestasauoir lesdits Idomeneus et Merion, qui depuis vindrent au siège de Troye. Et les meubles, cestasauoir or et argent en œuure et en masse, et bestial, dont il y auoit grand multitude (car cestoit la plus grand richesse des Princes anciens) furent distribuez également aux enfans des filles dudit Atreus filz de Minos : car il y eut vn autre Atreus filz de Pelops, et oncle dudit Menelaus, comme dessus est dit. Diceluy partage et distribution chacun se tint pour content et bien apenné : (1) cestasauoir le Roy Menelaus, tant au nom de son frère Agamemnon, et de sa sœur Anaxibea, comme pour luy mesmes : Palamedes aussi de son costé, et les autres du leur. Et ce fait, ilz se adonnèrent à faire toute bonne chère, car les barons et seigneurs de ladite isle sefforcerent de faire grans banquets et autres esbatemens, iusques à ce que les nouuelles de la désolation de Lacedemone et de Cytheree et du rauissement d'Heleine vindrent à la notice du Roy Menelaus.

Quand donques ce tresdolent bruit fut espars parmy ladite isle, et que tous les iours suruenoient gens de Lacedemone et de Cytheree, qui faisoient foy et rapport plus que certain du grand maléfice perpétré par Paris de Troye,

(1) c.-â-d. biôû partagé, pourvu. Cf. Ducange apaMre, et soustenance (apanamentum).

SINGTLARITEZ DE TROTE. UVRB II. W

la feste et bonne chère cessèrent soudainement, entre letdits Princes estans en Crète, et fut vnchacun troublé oultremesure. Mais dessus tous les autres le Roy Menelaus en menoit le plus grand dueil : car il luy touchoit de plus près. Et combien que la perte de ses trésors et richesses innome» râbles, et le rauissement de sa femme Heleine lay fust bien grieue chose à supporter, toutesuoyes estoit il encore plus desplaisant, de liniure faite aux deux damoiselles, Ëthra et Clymena ses parentes : comme met expressément nostre acteur Dictys de Crète, lequel estoit natif de ladite isie mesmes, et pouuoit estre présent à toutes ces choses. Mais iceluy Menelaus ignoroit quelles eussent esté messagères secrètes, ou pour mieux dire, maquerelles de leur dame. Alors quand le noble Prince Palamedes, de Nigrepont, apperceut son cousin le Roy Menelaus à force de grand ire et indignation qui le surmontoit, estre tout esbahi et parfondement estonné, sans sauoir donner ordre à son propre affaire, il aduisa promptement de faire equipper les nauires siennes et celles dudit Roy Menelaus. Puis Palamedes vint audit Roy son cousin, et le consola en peu de paroles, au mieux quil peut : en allegant tout ce qui fait à alléguer en tel cas : et le feit monter en vne de ses galees. Et quand ilz furent tous montez et embarquez, il se meirent en mer, et eurent temps à souhait, si arriuerent en peu de temps en la cité de Lacedemone, fort désolée et endommagée par les Troyens. Là où le Roy Agamemnon et le Roy Nestor, et la plus part dautres Princes qui estoient descenduz de la génération de Pelops, furent desia arriuez incontinent quilz sceurent les nouuelles de la destrousse que Paris y auoit commise.

Quand donques lesdits Princes sceurent la venue du Roy Menelaus, ilz conuindrent très tous ensemble en son palais,

96 ILLVSTRATIONS DE GAVLE, ET

pour prendre délibération sur laffaire, qui tant leur touchoit au cœur. Et combien que lenormitè du fait les incitast de prime face par grand fureur et concitation, de commettre plusieurs choses estranges sur matière de guerre, à lencontre des Troyens leurs ennemis mortelz, neantmoins par arrest meur et bien pondéré, en ladite commune assemblée ilz conclurent, que au nom gênerai dentre eux tous parens, amis, alliez, et confederez ensemble, fust enuoyé premièrement et auant toute œuure, vne ambassade au Roy Priam, pour luy exposer les griefz, iniures et torsfaits à eux inferez par son filz Paris, et le sommer de rendre la Royne Heleine, Ethra et Clymena, parentes des Roys Agamemnon et Menelaus. En semblable traité ce qui auoit esté rauy et emporté iniustement auec elles : et auec ce demander haute satisfaction de liniure. Et pour ce faire et emprendre furent esluz trois grans personnages : cestasauoir le dessusnommé Palamedes, Vlysses filz de Laërtes Roy des isles d'Itaque et de Chanthelonie, (1) et pour le troisième Menelaus. Lesquelz se meirent sur mer en grand diligence : et prindrent le chemin pour tirer à Troye : et tant feirent par leurs iournees, quen peu de temps ilz y paruindrent.

Eux arriuez à Troye, le Prince Palamedes de Nigrepont, lequel estoit pour le temps dadonques beaucoup estimé tant aux armes comme au conseil, se tira incontinent deuers le Roy Priam : et en plein consistoire feit premièrement son plaintif et querimonie de loutrage perpétré en Lacedemone et en Cytheree par Paris Alexandre. Exposant comment il auoit subuerty le droit coustumier de toutes gens, en commettant opprobre si énorme et si exécrables es personnes propres de la femme du Roy Menelaus son hoste, et de ses

(I) Chan/elonie (mscr. de Oenôve).

SINGVLARITEZ DE TROTE. UVM II. 97

parentes : et aussi en pillant ses villes et citez, et en occisant ses subietz sans sommation de guerre preallable. Puis luj spécifia quelles et quantes haynes et semences de guerre se pourroient esmouuoir entre deux si grans règnes (1) et nations, comme estoient les Grecz et les Troyens, pour loccasioflP dudit forfait, en réduisant aussi à mémoire (2) les anciennes discordes de leurs ancestres Ilion et Pelops, desquelz les Royaumes et seigneuries firent tous destruits pour sembla-' ble cause. Au dernier, il mettoit en auant dun costé ler* diffîcultez de la guerre : et de lautre part, les biens et les proufits que paix nourrit et ameine : disant que le Roy Priam nauoit pas à ignorer, combien de mespris et indignation vn si grief oultrage pourroit esmouuoir entre tous ceux du monde. Parquoy il sensuîuroit que ceux qui lauoient perpétré seroient relenquiz et abandonnez dunchacun, et en parfîn souffiriroient grieue punition de leur malice. Et ainsi que Palamedes vouloit encore déduire plusieurs autres choses, le Roy Priam luy entrerompit sa parole, et luy dit en ceste manière :

« le te prie, Palamedes, que tu te passes vn peu plus légèrement (3) de produire ces langages si odieux, et que tu ten déportes (4)aumoins iusques à la venue de mes enfans. Car il me semble que cenest pas chose droituriere daccuser aucun en son absence, attendu mesmement quil est possible que les cas et crimes dont on charge celuy qui est absent puissent estre aboliz, ou deflfenduz, par présence. Ces choses et autres allega le Roy Priam, et commanda quon difierast la discussion de ces quereles iusques au retour de son filz

(1) Cf. l'italien regno = royaume.

(2) c.-à-d. ramener, rappeler.

(3) c.-à-d. facilement.

(4) c.-A-d. tu fen abstiennes.