II

96 ILLYSTRATIONS DE GAVLE, ET

Paris et des autres. Et la cause fut, pource quil voyoit bien et congnoissoit que tous ceux de son conseil meuz par loraison de Palamedes, tacitement et à chère baissée sembloient sencliner de son costé, et estre malcontens de lœuure perpétrée par Paris, Car ledit Palamedes en exposant toutes ces choses, par la faconde de son beau langage Grec, leur auoit causé pitié et commisération du cas. Ainsi le conseil fut délaissé pour ce iour. Et le Prince Antenor, homme de grand magnificence, et selon lopinion de Dictjs de Crète plus humain et mieux entendant raison que nul des autres, présenta libéralement son hostel ausdits ambassadeurs, et les y mena de leur grand vouloir.

Sur ce passage icj vient (1) à coniecturer comme la poure Nymphe Pegasis Oenone après auoir ouy les tresdures et tresdolentes nouuelles que les ambassadeurs de Grèce auoient apportées pour elle, commença aprimes à clerement entendre les obscures vaticinations et prophéties de sa belle sœur Cassandra la prudente pucelle. Et aussi fait à présupposer que ladite Nymphe fut percée dun dard rigoureux de dueil empoisonné de ialousie, et quelle feit mainte piteuse lamentation, et ietta maint souspir véhément pour ceste cause. Mais telles choses se peuuent mieux imaginer que escrire. Pourquoy ie men déporte à présent, et men vois chercher Paris et les nauires Troyennes, que nous auons laissé sur mer, au partir de Cytheree, comme auez dessus ouy, pour icelles ramener à Troye.

(1) c.-à-d. on peut supposer que...