CHAPITRE XI

Des errears (1) de Paris, faits en mer depuis son partement de Cjthe* ree : et comment par force de tempeste il an-iua en lisle de Cypre, et dillec fat transporté en Syrie, laquelle est amplement desciite : et pilla la cité de Sidone, et tua trajtreusemeQt le Roy dicelle son hoste : et de la vengeance qui depuis en fat faite par ceux de Rhodes.

Le sovvent allégué Dictys de Crète acteur tresautentique nous recite, que le beau Paris Alexandre et ses complices, emmenans leur malheureuse proye de Lacedemone et de Cytheree, après ce quilz eurent fait voile de vent non propice comme dessus est dit, pource quilz nosoient plus demourer en terre de leurs ennemis, et quilz se furent escartez en mer, à force de tourmente et orage, ilz furent transportez malgré leurs dents à dextre là où ilz vouloient aller à senestre : car ilz tendoient de la mer de Larchipel entrer en la mer Hellesponte : et ilz furent iettez sur la coste d'Afrique, quon dit maintenant Barbarie de myiour. Et laissèrent à gauche lisle de Candie, et lisle de Rhodes. Pline au xxxiii. liure de Ihistoire Naturelle, met quen vne isle des Rhodiens, nommée Lyndos, et au temple de Minerue, Heleine en passant donna et consacra vu calice ou hanap, dun métal nommé en Latin electrum, lequel se fait des cinq pars dor, et lune dargent. Et estoit ledit hanap de la grandeur de sa

(1) voyagei.

fOO ILLVSTRATIONS DE GAVLE, ET

mamelle. Dillec comme ie croy à force de tempeste, et pource que leurs nauires estoient trop chargées de la despouille des Lacedemoniens et de ceux de Cytheree, ilz perdirent beaucoup de leurs appareilz, et furent les galees fort desbiffees (1). Finablement la fortune des vents les transporta dedens la mer de Carpathie et en la mer Pamphylienne, là où est le gouffre de Sathalie près du riuage de Turquie. Tant quen la parfin ilz se trouuerent à lendroit de lisle de Cypre : en laquelle après que la mer fut appaisee, ilz prindrent port et ancrèrent. Si estoit Roy de ladite isle pour lors, vn nommé Cuneus, lequel depuis vint à layde des Grecz contre Priam. Mais pour lors il laissa ancrer les Troyens paisiblement : car il estoit ignorant des maux par eux perpétrez en Lacedemone et Cytheree. Et auec ce, souffrit quilz radoubassent leurs nauires, et quilz en prinssent ou feissent faire dautres, pour alléger les leurs. Lesquelles choses faites, iceux Troyens se remirent en mer. Et derechef ou par fortune, ou par la faute et ignorance de leurs pilots et mariniers, ou parauenture tout à leur essient, ilz furent transportez en la mer Syrienne droit deuant la cité de Sidone, (2) qui est en Syrie. De laquelle, selon nostre manière accoustumee, il faut vn peu descrire la situation particulière, combien que généralement il en sera encores touché au dernier luire.

Selon ce quon peult cueillir par les dits de Strabo, au XVI. liure de sa Géographie, Pline au cinquième liure delhistoire Naturelle, et Isidore (3) auxxiii. de ses Etymologies, Syrie est lune des plus grands régions d'Asie la maieur, et est conformée ainsi quil sensuit : deuers Orient, elle ha le

(1) Dans Jean Marot, on trouve « esgriiTées, usées et desbiffées ».

(2) Sydone (mscr. de Genève). C'est Sidon.

(3) Ysodore (mscr. de Genève).

SINGVLARITEZ DE TEOYE. LIVBB II. f9i

grand fleuue Euphrates : deuers Occident, Egypte et la mer Mediterrane : du costé de Mydi, la mer Arabique, et de Septentrion, Arménie et Cappadoce. Elle se diuise en quatre parties principales. La première sappelle Syrie de Mésopotamie, située entre les fleuues Tigris et Euphrates. Et là est la grand et ancienne cité nommée Ëdissa, (1) autrement Rhages Medorum. La seconde est Celosyrie, en laquelle est Antioche tresnoble cité : en laquelle saint Pierre fut premier euesque. La tierce sappelle Syrie de Phenice. Et la quarte Syrie de Damas, en laquelle est la cité de Damas, tresrenommee pour la conuersion de saint Paul. Et est assise au pied du mont Libanus, duquel ist le tressacré fleuue Jourdain. Mais la première, deuxième et quatrième, ne sont rien à nostre propos, fors seulement la tierce. Cestasauoir la prouince de Phenice, laquelle est ainsi nommée, de par Phénix filz du Roy Agenor, et frère de Cadmus qui fonda Thebes en Beotie, (2) et de la belle Europa. Lequel Phénix venant des grands Thebes d'Egypte, constitua illec son habitation. Et fut premier inuenteur des characteres et formes de lettres, lesquelles il escriuit de couleur phénicienne ou vermeille. Iceluy Phénix fut père de Belus deuxième de ce nom. Lequel engendra Dido Roy ne de Carthage. Bocace met au second liure de la Généalogie des Dieux, que les Phéniciens iadis prostituoient et abandonnoient leurs filles, auant les marier, et du gaing quelles auoient fait à ladite prostitution de leurs corps on leur en faisoit leur douaire. Et en ce ensuiuoient ilz ceux de lisle de Cypre : qui semblablement le faisoient : car la Déesse Venus leur auoit estably eeste belle loy. Toutes les citez principales de la prouince de Phenice

(1) Edyssa (mscr. de Genève). C'est Edesse.

(2) Boetie (macr. de Genève).

i02 ILLTSTRATIONS DE GAVLE, ET

sont maritaines, (1) assises sur le riuage de la mer Mediterrane. Entre lesquelles sont Biblus tresancienne, et Baruth, laquelle est fréquentée par les marchans Occidentaux , Vénitiens et autres qui y vont au temps présent charger plusieurs marchandises venans d'Arabie. Aussi y est la cité d'Acre, anciennement appellee Ptolemais, laquelle souloit estre aux Chrestiens, et y habitoient marchans Vénitiens, Geneuois, et Pisans : comme met Platina historien. Mais au moyen des dissensions menées entre lesdits Vénitiens et Geneuois, finablement elle ha esté tollue à la Chrestienté par les Sarrasins de Syrie, dont cest grand dommage : car elle estoit bien propice au recouurement de la terre sainte. Et non pas loing d'Acre est la sainte et belle montaigne appellee Carmelus, en laquelle habita iadis le bon prophète Elisée ; et dicelle montaigne ha prins son nom lordre des frères Carmélites : lesquelz le Roy saint Loys amena premièrement en France. Aussi y est le port de loppe, quon appelle maintenant lafFa : là où on descend les pèlerins qui veullent aller en Hierusalem. Et audit port de loppe Perseus filz de lupiter et de la belle Danae deliura la noble Andromeda fille du Roy Cepheus d'Ethiope. Laquelle estoit exposée à vne grande baleine et monstre marin qui la deuoit deuorer : et y voit on encore lune des costes dudit monstre, laquelle ha bien quarante piedz de longueur. Il y ha aussi en ladite prouince autres citez, si comme Cesaree, Capharnaum, et autres, dont la sainte escriture fait mention, lesquelles ie passe souz silence : car elles ne sont point au propos. Mais ce qui sert à nostre cas, est la région de Tripolis, en ladite prouince de Phenice, laquelle est toute assise sur la marine. Et est appellee Tripolis pource quelle contient trois citez principales : cestasauoir Aradus,

(1) sont maintenant (éd. 1516).

SmOVLARITEZ DE THOTB. LITRE II. 108

Sidon, et Tyrus, comme met expressément Strabo en sa Géographie. Et est ladite région Tripolitaine, située entre la cité de Baruth, et la cité d'Acre dessus mentionnées. Ladite cité de Tyrus fut de grande ancienneté, et en font souuent mention les poètes et les historiens, pour la bonne pourpre qui sy fait. Mesmes la sainte escriture en parle souuent. Et la fonda le Roy Agenor, père de la belle Europa, laquelle lupiter troisième de ce nom, Roy de Crète, rauit sur le riuage de Tyrus où elle se iouoit auec ses pucelles. Et pour ce faire se transforma en guise dun taureau, selon les fables. Et engendra en elle Minos, Rhadamanthus et Sarpedon. Et pour laraour dicelle, feit nommer la tierce partie du monde de son nom, cest Europe, en laquelle nous habitons. Et en ladite cité de Tyrus, et aussi de Sidone régna iadis le dessusnommô Belus deuxième de ce nom, père de la Royne Dido, autrement nommée Elisa. Laquelle fonda la grand cité de Carthage en Afrique, où elle receut Eneas Troyen, errant par la mer après la désolation de Troye, comme met Virgile en ses Eneïdes. Et souloit estre ladite cité de Tyrus en la puissance des Chrestiens, mais elle ha esté perdue par la dissension des Geneuois et Vénitiens, comme dessus est dit de la cité d'Acre. Et au parauant y fut enterré lempereur Federic Barberousse, comme nous dirons plus à plein au dernier liure.

Sidone, voisine de Tyrus, est située en beau plein (1) pais, et en lieu fertile à merueilles, et souloit auoir deux bons ports et haures. Si estoient les Sidoniens de tous temps puissans gens à cause du nauigage, duquel ilz furent fort dextres et expers. Et comme met Strabo, dune manière de terre qui croit illec, ilz auoient grand industrie de sauoir

{\)plain (mscr. de Gânôve) , c.-&-d. en plaine.

404 ILLTSTRATIONS DE GAVJLE, ET

faire fort bel ouurage de voyrres crystallins, comme on fait maintenant à Venise. Alexandre le grand en son temps conquit Sidone par force. Aussi les Chrestiens la tollurent aux Sarrasins de Syrie, du temps du Roy saint Loys de France, comme met Piatina en la vie des Papes. Et cest ce que ie saurois dire en brief de la description et situation de la cité de Sidone : sinon que maintenant elle est destruite et déserte totalement, comme met Bernard de Bridembach, doyen de Maience, en son voyage de Hierusalem. Ainsi peult on congnoitre, quil ny ha rien de perpétuel souz le ciel.

Pour reuenir donques à nostre propos principal : ladite cité de Sidone flourissoit en grand triomphe et richesses du temps de Troye. Et regnoit en icelle vn Roy duquel nostre acteur Dictys de Crète ne met point le nom : lequel estoit riche et puissant à merueilles. Et quand Paris Alexandre, et Deïphobus et leurs compaignons furent amenez par fortune de vent ou autrement, comme dessus est dit, deuant ladite cité de Sidone, ilz enuoyerent audit Roy de Sidone aucuns personnages graues et honnestes par semblance, en vne barquette, pour luy remonstrer, comment par force de tempeste et lerreur de leurs mariniers, ilz auoient esté transportez illec : et requérir quil luy pleust leur ottroyer port et saufconduit en sa cité aucune brieue espace de temps, à fin deux refreschir et rauitailler. Lesquelz personnages venuz en la cité de Sidone, et que ledit Roy eust entendu par eux que cestoient deux des enfans et le gendre du grand Roy Priara de Troye, il fut tresioyeux et tresdesirant de leur faire honneur et plaisir, pour acquérir leur accointance et beniuolence, ignorant lenorme cas perpétré par eux à Lacedemone et en lisle de Cytheree. (1) Si

(1) Citharée (mscr. de Genève).

SIIIGVLARITEZ DE TROTE. LIVBE II. (M6

commanda promptement ouurir le port de Sidone, et luy mesmes les vint receuoir à grand feste et mélodie, dont il sen repentira.

Quand les Troyens eurent ancré et furent descenduz en terre, le bon Roy de Sidone print Paris, Deïphobus et Ëneas, et les principaux des autres. Si les mena en son palais, et leur feit aucuns iours la plus grand chère du monde pendant quon rabilloit les nauires : et leur monstra sa gloire et son triomphe, et desploya tous ses trésors. Desquelz Paris insatiablement conuoiteux, en adioustant crime sur crime, conspira auec ses compaignons de les rauir et emporter. Ce quil feit par effect, et tua de nuict par aguet et trahison ledit Roy son hoste, lequel lauoit si humainement traité, et ne se donnoit garde aucunement de lexecrable peruersité diceux Troyens. Si conuertit le tresuicieux iouuenceau Paris tout le Palais du Roy des Sidoniens en occision, tumulte et lamentation, comme il auoit desia fiait en la cité de Lacedemone. Ainsi tout ce qui auoit esté mis en auant, pour ostentation de la magnificence Royale, fut iniquement pillé et rauy par mauuaistié desloyalle : et commanda Paris, quon portast tout aux nauires. Mais quand ceux de la cité de Sidone entendirent les plaints (1) et les clameurs misérables des gens et seruiteurs de leur Roy, qui dauenture estoient eschappez du palais, et auoient euadé la mort, si crioient au meurtre, et plouroient misérablement la mort de leur seigneur et Roy. Le peuple sesmut alors tumultueusement, courant aux armes : et tous à vne flotte (2) sencoururent vers le palais Royal. Mais Paris Alexandre, après auoir prins la meilleur proye quil eust peu

{l) plaintz {mncr. de Genève). Cî. planctui. (2) c.-à-d. en foule.

4W ILLVSTRATIONS DE GAVLE, ET

esleuer, sestoit desia retiré en ses nauires, et se hastoit de faire voile pour partir. De laquelle chose aduertis les citoyens de Sidone, laissèrent le palais, et furent prompts de sadresser au port pour les en garder. (1) Si commença entre les deux parties, dure et aigre escarmouche, et en mourut beaucoup dun costé et dautre. Car les Sidoniens assailloient vertueusement leurs ennemis, pour venger la mort iniuste et traytreuse de leur Roy. Et les Troyens se deffendoient obstinément, pour sauner eux mesmes, et de peur de perdre le butin. Toutesuoyes deux de leurs nauires furent bruslees, et les gens mors et noyez : mais le demouramt ilz preseruerent par grand vaillance. Et finablement eschapperent de Sidone i et se rebouterent en mer, après que les Sidoniens qui nauoient point de chef, furent fort lassez de la bataille.

le nignore pas sur ceste matière, ce que le père des historiens Herodotus Halicarnasseus met au deuxième liure de son histoire, touchant les erreurs de Paris, disant que après le rauissement d'Haleine il vaucra (2) beaucoup par la marine : et arriua à lune des bouques du fleuue du Nil : là où regnoit pour lors vn sage Roy, nommé Proteus. Mais pource que de ce poinct ha esté touché (3) au prologue de ce liure, ie men déporte : et reuiens à mon acteur Dictys. Lequel en son quatrième liure met que ledit robement et déprédation de Sidone, et loccision du Roy, ne demeurèrent pas impunis, mais sen ensuiuit vengeance sur telz qui nen pouuoient mais, et neantmoins ilz le comparèrent (4) comme il adulent souuent : et la manière fut telle.

(1) c.-à-d. empêcher.

(2) c.-àd. erra. Dans Froissant tvaticrer (angl. to walk).

(3) sera touché en la fin de ce livre (mscr. de Genève).

(4) c.-à-d. payèrent, expièrent.

SINGTLARITEZ DE TROTE. LITBE II. 107

Certain temps après pendant lemotion de la guerre Troyenne, vn Duc de Syrie nommé Phala, par amour affinitiue (1) ou alliance quil auoit auec le Prince Memnon âiz de Tithonus et neueu de Priam, duquel nous parlerons plus amplement au dernier liure, ou parauenture comme souldoier et subiet de Tenthanes Roy des Assyriens, lequel enuoya ledit Memnon au secours de Troye, menant grosse armée d'Indiens et Persans par terre : et ledit Phala venoit par mer. Si aborda par son malheur en lisle de Rhodes, laquelle estoit du parti contraire : cestasauoir fauorisant aux Grecz contre les Troyens : car leur Roy nommé Tlepolemus estoit deuant Troye. Laquelle chose quand le Duc Phala entendit, il fut bien honteux et bien desplaisant, craingnant que si lesdits Rhodiens sauoient quil allast au secours de Priam, quilz bruslassent ses nauires et le pillassent. Et eust voulentiers fait voile pour sen aller promptement hors de la terre ennemie : mais pource quil ne faisoit pas temps de nauiguer, il fut contraint de demourer illec vne espace. Et à fin deuiter tous dangers, il deffendit à ses gens quilz se gardassent estroitement de declairer aux Rhodiens quilz alloient à Troye, ainçois dissimulassent quelque autre chose quil leur meit en bouche. Mais pource que cest chose difficile, de cohiber et introduire (2) vne si grande multitude de gens, après que les Syriens se furent iettez hors de leurs nauires, et espartis parmy deux villes de lisle de Rhodes, pour auoir aucuns viures et autres besongnes à eux nécessaires, les Rhodiens qui en auoient suspicion véhémente , senquirent cauteleusement de la vérité, tant quilz en furent à plein informez. Laquelle

(1) afflnite (mscr. de Genève).

^2) c.-à-d. retenir et engager. Cf. Introducere dans Ducange.

HfHè ILLVSTRATIONS DE GAVLE, ET

sceue, iceux Rhodiens se tirèrent vers le Duc Phala, et en la présence de tous ses gensdarmes, luy dirent et remonstrerent comment ilz le trouueroient bien lasche et de nature estrange et barbare, luy qui estoit grand seigneur entre les nobles de Syrie, quand il alloit au secours de Priam. Veu que nagueres Paris Alexandre, filz dudit Priam, auoit tué le Roy de Sidone en Phenice, son voisin, et pillé tous les trésors de son palais : pour laquelle chose il sembloit que ledit Duc Phala voulsist porter (1) et deffendre vn si vilain fait, contre ceux de son pais propre. Et allegoient en oultre lesdits Rhodiens, beaucoup dautres raisons qui faisoient pour eux, et pour esmouuoir le populaire contre ledit Duc. Laquelle chose ne se passa point sans sortir son effect : Car les Phéniciens et Sidoniens, dont il auoit plusieurs souldoiers et vassaux en larmee du Duc Phala, esmuz tant par la querimonie des Rhodiens comme par couuoitise du pillage, se mutinèrent ensemble, et tournèrent à leur bende la plus part de larmee. Si coururent sur le demeurant de larmee des Syriens, mesmes à leur Duc Phala et lassommerent de coups de pierre. Puis pillèrent tout lor et largent de leurs souldees, mesmes les richesses de leur Duc, armures, vtensiles, et viures estans es nauires quilz auoient amenez, et vendirent les vaisseaux aux Rhodiens : puis distribuèrent le tout entre eux, par manière de butin, tant quilz en furent tous riches : et se diuiserent en bendes par les villes de lisle de Rhodes. Esquelles depuis ilz habitèrent, par la licence des Rhodiens. Car ilz ne sen fussent osez retourner en leur pais de Syrie. Et voila comment fut vengé loutrage fait à Sidone de ce costé. Or faut il retourner à nostre propos principal de Paris et de ses compaignons.

(1) c.-à-d. par là il semblait vouloir sontenir (portaré).