CHAPITRE XII

Da retour de Paria ai Troye, auec Heleine : de la vaticiBation de Catnandra, du dneil de la Nymphe Oeoone, et comment elle laîsra Troye, et sen alla demeurer à Cebrine : de la réception d' Heleine : et du mariage délie auec Paris. Et comment le peuple sesmut et laboura à ce que Heleine fust restituée à son mary, et aux ambaa-» aadeurs de Grèce. Et par quel moyen il y fut obuië, tant par Paris et DelphoboB, comme par Hecuba et Heleine. Aoec recitation dn danger duquel les ambassadeurs furent presernez par Antenor. Et du partement diceux.

Apres la direption de Sidone, les Troyens nerrerent plus par la marine, selon nostre acteur Dictys de Crète, ains tindrent leur chemin tout droit vers Troye la grand, sans plus diuertir (1) ne ça ne là : et tant exploitèrent, quilz arriuerent en lisle de Tenedos, comme met Dares de Phrygie. Laquelle est vis à vis du port de Sigee, et à xnii. mille pas de Troye, comme sera touché plus à plein au dernier Hure. Et illec Paris consola la belle Heleine, laquelle estoit triste et ennuyée du long nauigage, et feit sauoir sa venue au Roy Priam son père, comme met le dessusdit Dares : de laquelle le Roy fut tresioyeux, et feit faire grand appareil, pour laller receuoir au port de Sigee. Si y vindrent la plus part des enfans de Priam : qui amenèrent les dames pour receuoir la belle Heleine, entre lesquelles la triste Nymphe Oenone ne fut pas la dernière qui y alla. Non pour semblable cause, ains sans plus, pour voir si le comble de sa

(1) c.-à-d. s'écarter.

tg^ ILLVSTRATIONS DE GATLE, ET

misère estoit correspondant à la renommée. Car assez nen pouuoit estre acertenee, si elle mesmes ne lesprouuoit par son regard. Et se meit sur vn haut tertre pour choisir (1) de plus loing.

Gueres neurent illec seiourné ceux qui estoient venuz de Troye, quand on commença de voir apparoir de loing les voiles et la flotte de nauires de larmee de Paris. Si commencèrent les vns de les monstrer aux autres. Adonc la sage pucelle Cassandra, demy furieuse esmue par lesprit de prophétie, se print à crier hautement que tous le peurent ouyr :

Dam licet, obscœnam ponto demergite pappim. Heu ! quantum Phrygii sanguinis illa vehit !

Cestadire : « 0 Troyens, tandis quil vous est loisible, boutez au fonds de la mer la malheureuse (2) nef qui ameine tant de sang et doccision Troyenne. » Mais des paroles et gestes de Cassandra furent indignez aucuns de ses parens, et la feirent remener à Troye par ses pucelles. Lors la douloureuse Nymphe Oenone toute de sang meslee, (3) teinte de palleur et descoulouree, ne sauoit sa contenance, ains tint ses yeux immobilement fichez vers les nauires qui fort approchoient ayant vent en pouppe. Et quand elles furent si près, que lœil pouuoit choisir et discerner les personnages estans dedens, la poure Nymphe Pegasis Oenone veit son seigneur et mary de iadis Paris Alexandre séant au chasteau de prore dedens sa riche galee. Et en son giron vne forme féminine toute reflamboyant, tant de beauté naturelle

(1) c.-à-d. voir.

(2) c.-à-d. fatale.

(3) toute sang meslée (mscr. de Genève), c.-à-d. bouleversée.

SINGVLABITEZ DE TROTE. LIVRS II. lit

comme daccoustremens dor, de pourpre et de pierrerie lesquelz luy auoient esté autresfois donnez par la Royne Leda sa mère. Et estoient si précieux, que depuis Troye destruite, Eneas qui les eust sauuez du feu, en feit un présent de grand speciosité à la Royne Dido de Carthage. Comme met Virgile au premier des Ëneïdes, disant :

Munera prœterea IliacLs erepta ruinis ^

Ferre iubet, pallam signis auroque rigeutem, Et circuntextum croceo velamen acantho, Ornatus Argiuss Helense : quos illa Mycenis Pergama cùm peteret, inconcessosque Hjmenseos, Eztulerat : matris Ledœ mirabile donum.

Adonques la tresdesperee Nymphe frappée du dard rigoureux de iuste douleur, nauree cruellement de la pointe de chaste ialousie, et consternée par limpetuosité véhémente damour coniugale, défaillant la vigueur de son noble cœur, passionné dextreme angoisse, enclina le chef en terre, comme fait vne belle violette sa couleur purpurine, quand elle est abatue du fort vent Boreas : et se fust laissé cheoir de sa hauteur si ses pucelles ne leussent retenue. Ainsi demeura elle pamee et comme morte, sans monstrer signe desprit vital. Et les nobles Princesses ses belles sœurs et autres accoururent au dueil que ses damoiselles menoient. Dont il leur print grand pitié, et sefforcerent assez de la reuigorer et consoler : mais elles ne peurent par nulz moyens. Alors commandèrent auxescuyers et gens de ladite Nymphe, quilz la missent en vne littiere, et la remenassent à Troye. Laquelle chose ilz feirent légèrement et remeirent à chemin. Mais quand elle fut reuenue de pâmoison, elle demanda à ses gens qui plouroient autour délie où elle estoit, et que cestoit quilz faisoient. Et ilz luy respondi-

llftr ILLVSTRATIOMS DE GAVLE, ET

rent, que pource quelle sestoit trouuée mal disposée, quilz la remenoient à Troye. « Non, dit elle, non mes amis, gardez vous en bien, si vous ne voulez que ie meure. Mais tournez les brides des cbeuaux, et adressez vostre chemin tout droit en la cité de Cebrine, vers mes parens et amis : car tant que ie viue, qui sera peu sil plaist aux Dieux, ie nentreray dedens Troye, pourueu que (1) la nouuelle adultère de monseigneur y soit. » Ainsi au commandement de leur maistresse, les gentilz escuyers tous surfondus (2) de dueil et damertune tournèrent le chemin vers la marche Cebrinoise : et les pucelles en grand pleur suiuoient leur maistresse. Laquelle commença à tordre ses belles mains par grand destresse, tirer ses cheueux aureins, rompre les lacts de deuant sa blanche poitrine, entamer regrets, redoubler pleurs, plaindre inconsolablement, consumant sa voix en piteuses exclamations, et disant vn piteux adieu à la noble cité de Troye quelle laissoit à costiere. (3) Mais de celle nous laisserons vn petit le conte, pour retourner au port de Sigee. Grand fut le bruit de clairons et de cris à laborder au port. Le gentil Troïlus et ses frères légitimes, Chaon, Polytes et Antiphus auec plusieurs bastards bienuiengnerent hautement leurs frères Paris et Deiphobus. La belle Creusa fille légitime de Priam, baisa et embrassa son mary Eneas. Archelaus et Iphidanas enfans d'Antenor, recueillirent leur frère Glaucus : et Lycastes la gracieuse bastarde de Priam festoya son mary Poly damas filz de Panthus. Mais la vénérable dame Theano, sœur de la Royne Hecuba, et femme

(1) c.-à-d. en cas que.

(2) c.-à-d. confondus, abattus. Rien de la signification technique actuelle {surfusion).

(3) c.-à-d. laisser de cûté, abandonner.

SINGYLARITEZ DE TROTE. LIVRE il. 113

d'Antenor, accompaignee de la belle pucelle Polyxene, et de Medincasta bastarde, et autres nobles daraoiselles, se tira vers la Royne Heieine, et luy feit grand honneur. Apres les saluts donnez et rendus dun costé et dautre, et plusieurs deuises entamées, les varletz furent prestz qui présentèrent les riches montures aux seigneurs et aux dames. Et vn escuier descuierie offrit vn beau pallefroy tout housse dor et de pourpre à madame Heieine : et le Prince Troïlus luy ayda à monter. Et consequemment Ethra et Clymena, et autres ses daraoiselles furent seruies par les gentilzhommes de Troye. Et quand tout fut à cheual, Princes, Princesses, dames et damoiselles, nobles et non nobles iusques aux prisonniers que Paris auoit amené de Lacedemone et Cytheree, ilz se meirent à chemin vers la cité en grand triomphe et mélodie. Et là furent receuz en toute plantureuse opulence par le Roy Priam et les Princes et Barons Anchises, Antenor, Panthus, Antimachus, Hector, et Helenus : pareillement la Royne Hecuba et les dames. Cestasauoir Sicambria sœur du Roy, Andromacha femme du Prince Hector, et plusieurs autres recueillirent madame Heieine. Et après toutes bonnes chères faites, qui seroit longue chose à raconter, Paris conta au Roy son père tout son exploit : et luy feit ostension des richesses innumerables quil auoit conquises : dont Priam fut bien ioyeux, espérant que par ce moyen il recouvreroit sa sœur Hesionne et tous les interestz et dommages que les Grecz auoient iadis faits à Troye, du temps du Roy Laomedonson père. Si consola et feit toute bonne chère iceluy Roy Priam à la belle Heieine : et de fait, la donna solennellement en mariage à son filz Paris, comme met Dares de Phrygie.

Or tesmoigne nostre principal acteur Dictys de Crète, que ces choses, pource quelles estoient de mauuais exemple