II

114 ILLVSTRATIONS DE GAVLE, ET

et de pire conséquence, ne plaisoient point aux citoyens et populaire de la cité de Troye, ainçois en murmuroient bien fort entre eux, disans les vns que ceste ckose ne tournoit point à bonne signification : et les autres que loutrage fait à Menelaus estoit grief et de tresdiuerse (1) apparence. Finablement de main en main, comme tous communément le reprouuassent, il sesmut tumulte et mutinement parmy le peuple. Desquelles choses le Roy Priam perplex et douteux conuoqua ses enfans, et leur demanda quelle chose il leur sembloit estre à faire en ceste matière. Lesquelz tous dune voix respondirent à leur seigneur et père, que Heleine ne deuoit point estre rendue. Et la cause qui les esmouuoit à ce dire estoit auarice : pource quilz voioyent quelles et quantes richesses auoient esté ameneees auec elle, lesquelles ilz eussent toutes perdues si Heleine eust esté rendue. Et oultre plus, aucuns en y auoit qui furent esmuz et embrasez de la beauté des femmes qui estoient venues auec Heleine. Neantmoins Priam iceux délaissez assembla le grand conseil des anciens Princes de Troye, ausquelz il manifesta lopinion de ses enfans : et sur ce leur demanda la leur. Mais auant que chacun eust peu opiner et dire sa raison à la manière accoustumee, les enfans de Priam entrèrent soudainement au conseil, et par paroles hautes et arrogantes menasserent lesdits Princes anciens, de leur faire desplaisir silz decretoient rien en arrest oultre (2) ce qui leur sembloit bon. Et endementiers le peuple de Troye portant impatiemment loutrage fait aux Grecz, maudissoit execrablement ceux qui en auoient esté cause, et repugnoit de toute sa puissance à la détention d'Heleine. Pour lesquelles causes, Paris Alexandre esmu de chaleur et hastiueté iuuenile, et

(1) c.-à-d. cruelle. — (2) c.-à-d. contre.

SINGVLARITEZ DE TROTS. LIVRE II. filP

par vne grande ardeur de courage vénérien, de peur de perdre sa détestable proye, et craingnant que sur ceste matière le peuple ne machinast aucune chose à son détriment, se tira celle part enuironné de plusieurs de ses fref* res , armez et embastonnez : effondra impétueusement dedens la multitude du populaire, et en tua beaucoup, et eust fait encore plus, si le demourant neust esté sauué par la suruenue du baron Antenor, et des autres nobles du conseil qui se meirent entredeux. Ainsi le peuple moque, batu, et tenu en vile estime, à son tresgrand preiudice sen retourna chacun en sa chacune.

Le lendemain le Roy Priam, par lenhort de la Royne Hecuba, se tira vers la belle Heleine : et la salua benignement, et lenhorta dauoir bon courage, et ne se soucier de rien : luy demandant de son lignage et extraction. Et elle luy conta toute sa généalogie des le commencement iusques à la fin, qui seroit longue à raconter. Concluant, que à cause de lupiter, dont Priam et elle prenoient origine, elle se trouuoit plus prochaine du sang du Roy Priam, et aussi de la Royne Hecuba, que de Plisthenes père de Menelaus. Or cestoit la manière dadonques, que ceux dun lignage sentreallioient plus voulentiers par mariage que dautre génération, comme il appert par aucunes histoires de lancien Testament. Si prioit la belle Heleine au Roy Pmm en plourant tendrement, que puis quelle auoit esté receue vne fois en sa foy et en sa sauuegarde, quil ne la voulsist point trahir ne liurer aux Grecz. Affermant que de la maison de Menelaus, elle nauoit rien apporté, ainçois estoient siens proprement iceux loyaux et bagues quelle auoit. Toutesuoyes, il est incertain comme met lacteur, si ces choses elle disoit pour la grand amour quelle auoit à Paris Alexandre, ou pour la crainte de souffrir quelque peine et

imSi ILLVSTRATIONS DE GAVLE, ET

mauuais traitement, si elle estoit rendue à son mary Menelaus, à cause de la faute quelle luy auoit faite.

Ces choses nonobstant, le populaire laboura tant enuers le Roy Priam et tous ses enfans, excepté Deïphobus, que la délibération estoit prinse et arrestee de rendre Heleine à son mary Menelaus Roy de Lacedemone, et despescher les autres ambassadeurs de Grèce, sans plus délayer oultre (1) le gré dudit peuple. Et met nostredit acteur Dictys de Crète, que Deïphobus seul resistoit à ladite conclusion, en la faueur de Paris : pource quil nestoit pas moins esprins de lamour d'Heleine, que ledit Paris mesmes. Voyant donques la Royne Hecuba que la reddition d'Heleine se concluoit du tout resoluement : et sachant que la voulenté de ladite Heleine estoit au contraire, elle labouroit à toute force que la chose nallast point ainsi, mesmement pource quil y auoit aucune affinité entre elle et ladite Heleine, comme dessus est dit- Et sans aucune intermission, se iettoit ores aux genoux de Priam, et tantost embrassoit les enfans lun après lautre, et ne les laissoit iusques à ce quelle eust irapetré d'eux ce quelle pretendoit : cestoit la rétention d'Heleine. Et par ainsi les amena tous à sa voulenté, et feit tant finablement, que le bien publique fut postposé et corrompu par vne désordonnée affection de mère. A fin que le songe quelle auoit autresfois songé, estant enceinte de Paris, sortist son effect selon les Destinées : et que le flambeau de feu ardant quelle auoit enfanté, bruslast la grand cité de Troye.

Le iour ensuiuant donques le Roy Priam tint consistoire publique : et sassit en son grand palais d'Ilion, au mylieu de tous ses Princes, et de tous ses enfans : présent à ce le

(1) c.-à-d. contre.

SIMGVLARITEZ DB TROTK. LlYRE II.

populaire de Troye. Et aussi sy trouuerent les trois Princes ambassadeurs de Grèce dessus mentionnez, ausquelz auoit assigné ceste iournee responsiue. Alors le Roy Menelaus tant en son priué nom, comme au nom gênerai de toute Grèce, feit sa proposition iteratiue : demandant que sa femme Heleine, ses deux parentes Ethra et Clymena, ensemble tout ce qui auoit esté prins et apporté auec elles luy fust restitué sans plus de delay. Adonc le Roy Priam commanda silence, et feit venir en la présence de tous et vnschacuns la belle Heleine, à laquelle il offrit à haute voix, pleine et franche liberté, si bon luy sembloit de sen retourner en Grèce, auec les siens. Et lors elle respondit clerement et sans feintise, quelle nauoit point nauigué iusques à Troye maugré elle : et que Menelaus allast à Dieu : et quelle nauoit que faire de son mariage. 0 merueilleuse inconstance et terrible audace féminine ! Certes aussi publiquement quelle auoit eslu Menelaus pour son mary, en la présence de tous les Princes de Grèce : aussi hardiment losa elle à front eshonté, répudier deuant tous les Barons de Troye. Si deuoit bien ceste iniure redoublée, peser beaucoup à Menelaus. Quand donques elle eut ce dit : comme si vn arrest de parlement eust esté prononcé entre les parties plaidoyantes, Paris à qui la possession estoit adiugee, et ses autres frères, de sa ligue et confédération ioyeux et esbaudis, par insolence, prindrent la belle Heleine en totale saisine, et lemmenerent hors du consistoire.

Et quand les ambassadeurs de Grèce, veirent vn si grand vitupère, et congnurent quilz estoient totalement frustrez de leur entente, ilz furent bien honteux et bien confus. Neantmoins Vlysses le plus éloquent de tous, plus par manière de protestation que pour y cuider proufiter en

ifl8 ILLVSTRATIOWS DE GAVLE, ET

aucune manière, commença par ordre à ramenteuoir tous les grans excès et outrages perpétrez iniquement en Grèce, par Paris et ses compai gnons : pour lesquelles iniures trop ignominieuses, il les advertissoit, que brieue vengeance en seroit faite. Consequemment aussi Menelaus atteint dun merueilleux courroux, d'un visage cruel et horrible, menassa Je Roy Priam et tous les siens, auecques le peuple de Troye, de' les mener à destruction finale. Et sur ce poinct, laissa lassemblee, et se retira en son logis. Lesquelles choses paruenues à la notice des enfans de Priam, cestasauoir Paris et ses complices, ilz conspirèrent secrètement entre eux, denconuenir (1) lesdits ambassadeurs de Grèce, et les tuer. Car il leur sembloit bien, et non sans cause, que silz retournoient en Grèce sans rien faire, que la chose ne se passeroit point que grosse guerre ne sen esmust dun costé et dautre. Laquelle conspiration sceiie et congnue par le Prince Antenor, il se tira incontinent deuers le Roy Priam, et luy notifia lemprise de ses enfans : en luy remonstrant que les aguetz et effors que lesdits enfans appareilloient contre iceux ambassadeurs, ne redondoient point tant au preiudice des Grecz, comme ilz faisoient au deshonneur de luy mesmes : et que point ne le souffriroit de sa part. Puis après il declaira toute la chose ausdits ambassadeurs : et après auoir donné bon ordre à leur garde et saufconduit, le plustost quil peut trouuer opportunité, il les feit conuoyer iusques au port de Sigee, sans mal et sans danger. Et iusque icy sont les propres paroles de Dictys de Crète, au premier liure de son histoire Troyenne.

(1) circonvenir (éd. 1528).

SINGTLARITBZ DE TROYK. L1VR£ II. 119